الموضوع: ومات مصري كمان في السويس بس مش .......................

معلش يا شباب رأيى مختلف عنكوا شويه ... بالهداوة كده فى كذا حاجه ناخد بالنا منها

1- السفينة اللى بنتكلم عنها سفينه تجارية ولكن تحمل منتجات حربيه (اسلحة يعنى .... انا باستخدم مفردات وكالات الانباء) والاسلحه دى تابعة للجيش الامريكى ودى لها تأمين (حراسه من المارينز الامريكى) والمفروض كمان ان ليها تأمين مرافق (يعنى قارب او اتنين من شرطة المسطحات المائية مرافق)

2- المركب اللى قربت كان عليها منتجات خان الخليلى وكان البمبوطية عايزين يعرضوها على البحاره فى المركب ... وده شئ عادى جداً بيحصل على طول.

3- طبعاً لأن المركب عليها "اسلحة" وعليها" تأمين" وكمان مركب "امريكى" وموجوده فى مصر "العربية" ومع سابق خبرات لمراكب قبل كده امريكية تم تفجيرها او استهدافها "بلانشات ملغمه" ... فلكل ده وضع طبيعى ان الهاجس الامنى يبقى على اشده

4- تم تحذير المركب المصرى مرتين وبالعربى من خلال الحراسه المرافقه وتم اطلاق طلقه تحذيريه على بعد 20 قدم من المركب وهى بتقرب ومع الاسف الشديد المراكبية المصريين ماهتموش فالطلقه اللى بعدها كانت فى صدر المراكبى

طبعا مش محتاجه توضيح ان كلنا زعلانين من اللى حصل انما ده ماينفيش مسئولية المراكبى نفسه اللى استهتر بالتحذيرات ...... ولو ان الواحد مش عارف يلوم المراكبى وللا يلوم ظروف البلد المنيله اللى اجبرت المراكبى على كده

عموما التحقيقات شغاله ولو انى ماظنش انها هاتسفر عن اى حاجه مفيده ... الله يرحمه ويرحمنا

وانا باكتب مش عارف ليه افتكرت البورسعيدى اللى قتله الحرس الرئاسى لما حاول يقرب من عربية الريس علشان يديله ورقه فيها مشكله عايز الريس يحلهاله....... بس بصراحه ماضربوش اى طلقات تحذيرية الأول ......تفتكروا فى ترابط بين الحادثتين؟

ايه اخبار الحلاوه يا كيمو؟

يا سلااااام لو كان في شبهه ان حد من فلسطين كان فوق المركبه دي

كان زمان الموضوع هنا وصل 8 صفحات :)