انا عندى كل الظواهر دى ومفيش نقص فى المياه وعندى ميه خضراء
بس مش عارف البوجهات اخبارها ايه
عرض للطباعة
النهارده انا رحت لواحد بتاع رادياتير بتعامل معاه من زمان و حكيت له مشكلة نقصان المياه البسيط فهو عمل check بعنيه و قال انه كله تمام و المشكلة كلها اننا بفتح القربة ابص علي المياه كل يومين تلاته و قال ان الصح اني امشي بس علي مؤشر الحرارة و مليش دعوة بمنسوب القربة (لان الفتح الكتير ده بيخلي الدائرة تاخد هواء )و مفتحهاش خالص و هي هتفضل ثابته و قال حاجة كمان ان النوبيرا فيها فيوز بيفصل العربية في حالة ارتفاع الحرارة و ميخلهاش تدور . ارجو الافادة من اهل الخبرة بالمنتدي بخصوص موضوع عدم فتح القربة و الاكتفاء بمؤشر الحرارة بس و موضوع الفيوز ده و شكرا
:POINTIy2[2]: :POINTIy2[2]:
اولا مفيش حاجة اسمها فحص بعينة
ثانيا مستحيل دورة التبريد تاخد هوا من فتح القربة
ثالثا مينفعش تعتمد على مؤشر الحرارة بدون مراجعة منسوب المية
رابعا حوار الفيوز اللى بيفصل المكنة لما العربية تسخن دة عبارة عن وهم
متاكد ان الراجل دة بيفهم و لة فى العربيات اصلا؟؟؟؟؟؟؟؟؟؟
MMamdouh
طبعا الراجل ده كلامه مش مضبوط
و محمد ممدوح جاب لك من الاخر
و لا تعتمد فقط على مؤشر الحرارة دون فحص مستوى المياة
لأنه ببساطة ممكن يعلق أو يهيس أو حتى سلك الترموستات ينقطع
شوف حد يعمل لك كبس لدورة المياة
لو سليمة ضرورى يبقى غطاء القربة
طالما المياه بتنقص يبقى لازم تكشف عليها كل شوية و عينك تبقى على مؤشر الحرارة دائماً لغاية لما تعالج المشكلة ,
و للعلم ممكن المياه تنقص من اماكن مش ظاهرة للعين ,
يعني انا كنت بعاني من الموضوع ده رغم إن مفيش مكان واضح لتسريب المياه لغاية لما عرفت بتسرب منين ,
و كان التسريب من اسفل القربة من شرخ بسيط ,
و غيرت القربة بواحدة أصلي و الحمد لله المشكلة اتحلت .
...........
الف شكر للجميع و هتابع الموضوع ان شاء الله و اي ملاحظات هعرضها حتي تشاركوني فيها