عربيتك ماشية كام كيلو؟؟؟؟؟؟؟؟؟؟؟؟؟؟؟؟

**mido_cs7** · 19-12-2010 10:36 PM

أنا عامل 30,000 بصراحة الفرق واضح و خاصة لما تغير زيت و تعمل صيانة تحس ان سحب العربية جميل و ممتع و عفشتها حلوة بجد عربية محترمة و حمالة أسية و مطبات

.
.

**DR/WAFEK** · 19-12-2010 11:03 PM

يا جماعه عيد ميلاد لوجى الاول انهارده 19 12 2010 وحاسس خلاص انها بقت بنتى رسمى بحبها جدا خلاص طبعنا على بعض وانا عندلى ميزه ان البلد اللى انا عايش فيها مفيهاش غير 2 لوجان ودى حاجه بسطاتى جدا اى حد معاه عربيه حتى لو اغلى منها حاسس بالتمييز عنه اصحابى بيعرفونى ونا جالى من بعيد .......المهم العربيه عامله 19600 كم وحروح ان شاء الله اعمل صيانه العشرين واتوقع تحسن الاداء ان شاء الله لما اغير بوجيهات وزيت وربنا يبارك فيها وفى كل لوجان اللى حققت المعادله الصعبه

**waleedfadeel** · 19-12-2010 11:34 PM

3800 خلال 6 شهور ولا توجد اى مشاكل من اى نوع والحمد لله

**Ahmedhussein007** · 19-12-2010 11:45 PM

ايه ده لوجانيه احنا فينا من كده ده موضوعى عند الميجانويه يالله فى بيته برضو مارحش بعيد
ربنا يباركلكو فعربياتكو وتعدو المليووووووووون

**saidbakr** · 20-12-2010 04:03 AM

بالنسبة للجماعة اللي عدوا 3000 كيلو، على حسب الكاتالوج بيقول فيما معناه ما تقرصشي على العربية يعني عدد لفات الموتور ما يزدشي عن 3000 - 3500 دورة في الدقيقة و السرعة ما تزدشي عن 130 كيلو في أول ألف كيلو، هل الكلام ده ينطبق على اللوجان اللي معانا في مصر؟ أصل فيه حاجات بيقولوا في العربية و حتى على الموقع الرسمي، و تبص ما تلاقيهاش و انا خايف إن كلام الكاتالوج ما يكونشي ماشي برضه!

**best2010** · 20-12-2010 04:33 AM

7000 كم فى 7 شهور .. العربية تمام
بأستثناء نتشة التكييف وعملتها فى التوكيل

**RenaultLover** · 20-12-2010 09:19 AM

34000 العربية زي الفل بس عندي خبطتين مزعلني (الرفرف الخلفي يمين - الباب الخلفي شمال) مأجلهم علشان الناس ترحم العربية شوية والكاوتش شكله فعلا أخره ال 40 الف محدش عنده أقتراح نغيره بأيه وبكام ؟