هل تغيير الطنابير ضمن ضمان السيارة ؟

منذ أن اشتريت سيارتي الأوبترا وكانت عاملة 15000 كم وأنا أشعر بهزة أو رعشة بسيطة حينما أدوس فرامل
وبعدها بيومين ذهبت للتوكيل وعملت صيانة الـ 15000 وكان من ضمنها تغيير تيل الفرامل ، وظننت أن هذه الرعشة ستختفي بتغيير التيــل ، ده غير إني رصصت الكاوتش أيضاً
لكن لم تختفي هذه الرعشة حتى الآن
وأغلب أصدقائي قالوا لي إنها غالباً الطنابير
فهل الطنابير تدخل ضمن ضمان السيارة ؟؟
يعني لو رحت التوكيل وطلع إن المشكلة في الطنابير .. هل هايغيروها على حسابهم ؟؟ ولا على حسابي أنا ؟
ومن هنا عايز أسأل حضراتكم
ما الأشياء التي تدخل تحت نطاق ضمان السيارة ؟

لا ياباشا الطنابير مش هاتدخل في الضمان علشان هايقولك التيل كان خلصان وانت مشيت عليه وهوة الي بوظ الطنابير

موضوع الطنابير توكيلات و توكيلات يعني في بروتون الطنابير ليها ضمان 30,000 كيلو و دا مش موجود في اغلب التوكيلات في مصر
بما ان غالبا مش هيرضي يغيرها في الضمان اخرطها بره احسن

اعتقد انه بره الضمان وحتى لو في توكيلات بتغيره جوه الضمان اكيد مش منصور

اقتباس:

---

المشاركة الأصلية كتبت بواسطة medo500

لا ياباشا الطنابير مش هاتدخل في الضمان علشان هايقولك التيل كان خلصان وانت مشيت عليه وهوة الي بوظ الطنابير

---

بالنسبة للتيل أنا مغيره في التوكيل عند 15000 كم

اقتباس:

---

المشاركة الأصلية كتبت بواسطة ahmed.ali

موضوع الطنابير توكيلات و توكيلات يعني في بروتون الطنابير ليها ضمان 30,000 كيلو و دا مش موجود في اغلب التوكيلات في مصر
بما ان غالبا مش هيرضي يغيرها في الضمان اخرطها بره احسن

---

طيب هل الخرط برة هايخرجني من ضمان أي حاجة تانية ؟؟
وكم سيتكلف ؟

اقتباس:

---

المشاركة الأصلية كتبت بواسطة mhmdalsaadany

اعتقد انه بره الضمان وحتى لو في توكيلات بتغيره جوه الضمان اكيد مش منصور

---

طيب يا جماعة أنا نفسي أعرف .. إيه الحاجات اللي في الضمان ؟؟
وأشكركم جميعا على ردودكم

باشا انا حصل معايا الموضوع ده بالضبط و عربيتى موديل 2010 وكونت لما ادوس فرامل بعد سرعة من 90 كده و طالع احس بهزة فى الدريكسيون بس كانت العرية لسه ما كملتش ال 5000 كيلو روحت التوكيل اللى فى مرغم فى اسكندرية لانى من اسكندرية المهم قولت للمهندس شاب صغير كده طلع جرب معايا و حس بيها بالرعشة ده او الهزة فى الدريكسيون و قالى بس ازاى استحالة ده العربية لسه ماكملتشى 5000 كيلو قولتله مش ذنبى فقالى طيب حانشوف لو طلعت الطنابير مقوسة حانغيرهاللك و فعلا بعد الفك لقينا الطنابير مقوسة و غيروهاللى و مدفعتش حاجة بصراحة غير انى رضيت الصنايعى اللى اشتغل فيها ف انت روح و قولهم كده و صمم على ان الطنابير اعتقد مش بتتغير قبل 40000 كيلو او اكتر يمكن و لا خرط و لا حاجة

اقتباس:

---

المشاركة الأصلية كتبت بواسطة m.basha

باشا انا حصل معايا الموضوع ده بالضبط و عربيتى موديل 2010 وكونت لما ادوس فرامل بعد سرعة من 90 كده و طالع احس بهزة فى الدريكسيون بس كانت العرية لسه ما كملتش ال 5000 كيلو روحت التوكيل اللى فى مرغم فى اسكندرية لانى من اسكندرية المهم قولت للمهندس شاب صغير كده طلع جرب معايا و حس بيها بالرعشة ده او الهزة فى الدريكسيون و قالى بس ازاى استحالة ده العربية لسه ماكملتشى 5000 كيلو قولتله مش ذنبى فقالى طيب حانشوف لو طلعت الطنابير مقوسة حانغيرهاللك و فعلا بعد الفك لقينا الطنابير مقوسة و غيروهاللى و مدفعتش حاجة بصراحة غير انى رضيت الصنايعى اللى اشتغل فيها ف انت روح و قولهم كده و صمم على ان الطنابير اعتقد مش بتتغير قبل 40000 كيلو او اكتر يمكن و لا خرط و لا حاجة

---

والله يا ريت يا باشا
العربية عاملة حالياً 17000 كيلو
والتيل متغير في ميعاده في التوكيل

خلاص يبقى تروح زي ما الاخ العزيز قال لحضرتك وجرب مش هتخسر اي شئ ولو منفعش اخرطهم بره بحوالي 20 او 30 جنيه مش اكتر ومفيش تأثير علي اي حاجه تانيه ومش هتخرج بره الضمان ولا اي حاجه
وربنا معاك وطمنا عملت ايه

الطنابير في الضمان انا مغيرها هي والاسكترة روح ولو مرضوش اعمل مشكلة وهيتغيرو