بعد تدقيق وتفحيص وتمحيص وكمان كام رساله علي الخاص وبصراحه الاعضاء مش بيبخلوا حاجه علي اخواتهم الغلابه اللي زيي
المهم انا خلاص نويت اني اشتري اللوجان 2011 كامله بس مش عارف اشتري من فين
لان الفلوس مش كامله انا معايا 50 وعايز اقسط الباقي وطبعا عايز ابعد عن الربا
يريت لو حد يعرف يفيدني خصوصا اني مش من القاهره ومش عارف هل هيرضوا في القاهره يقسطولي ولا لا
السلام عليكم ورحمة الله وبركاته
اذا كنت بتشتغل قطاع حكومي ممكن تشتري بنظام المرابحه الاسلاميه من البنك الاهلي المصري فرع المعاملات الاسلاميه 92 شارع التحرير بالدقي بجوار مسجد اسد ابن الفرات
ويمكنك الاتصال بالاستاذ عامر من البنك لمعرفة التفاصيل وهوا كان قالي ممكن بعض الشركات الخاصه بس ليهم شروط معينه
تليفون استاذ عامر0125687463
ملحوظه المبلغ المتبقي عليك وهو حوالي 18500 جم سيكون قسطه حوالي 420 جم لو هتقسط على 5 سنوات
وسيكون القسط حوالي 330 جم لو هتقسط على 7 سنوات علما بانه لايوجد حظر بيع على السياره وبالتالي يمكنك ان ترخص السياره باي عدد سنوات تريده باختصار كل الاجرائات تتم باسمك مثل حال شرائك كاش تماما
والله الموفق باذن الله
الف مبروك وربنا يتمملك على خير ان شاء الله
ألف مبروك مقدما و ربنا يباركلك فيها
مبرووووووك من الاعماق والى الامام وبالتوفيق يارب
ألف مبروك و حاول تجيب العربية من التوكيل أضمن و كمان ممكن تقسط معاهم تقسيط مباشر :Ka_che1[1]:
معايا صديق ليا في التوكيل ونصحني اقسط من بره لان التوكيل هيظبطني في الفايده وكمان قاللي هحاول اشوفلك بنك تقسط عليه بس انا مش عايز بنك انا عايز اشتري من حد مباشره ويكون يملك العربيه علشان الشبهات ثم انا مش ناوي علي 5 سنين ولا حتي 3 ان شاء الله ممكن سنه لو كترت معايا سنتين ويبقي كده انا كمان طولتاقتباس:
المشاركة الأصلية كتبت بواسطة mah_badawy
هتصل بيه الصبح ان شاء الله وربنا ييسر الامور بإذن اللهاقتباس:
المشاركة الأصلية كتبت بواسطة joso
انا مش ناوي علي اكتر من سنتين وده كمان علشان ادي لنفسي براح في السداد انما انا ناوي اسدد في خلال سنه مش اكتراقتباس:
المشاركة الأصلية كتبت بواسطة joso
شوف كونتاكت يا باشا عندهم تقسيط اسلامي
بيشتري العربية باسمو و يبيعهالك
لو هتقسط على سنه يبقى هتدفع حوالي 1650 جم شهريا
مع الاسف رحت التوكيل معندهمش غير الهاف ابشن وكمان بيضاء بس غصب عني هستني لغايه شهر يناير