الموضوع: 30 ولا 40 ولا 50 ؟

المشاركة الأصلية كتبت بواسطة ayabooy

موضوع الـ 1600 بالنسبة لعربية مانوال كويس قوي على المونديو و خصوصا ان مواتير السيارات الاوروبية و الفورد خصوصا مواتير تعزيم مش مواتير جرى ( طبعا مقارنتا بالاسيوية )
يعني ايه الفورد عموما عربية سحبها في البطيئ مش عالي لكن في السرعات العالية بيكون كويس عكس العربيات الكوري
يعني لو بتشد مع اكسل في حتة ضيقة طبعا هايفرج مصر كلها عليك لكن لو انت ماشي 80 مثلا و حبيت توصل لل 120 او اكتر طبعا ده مش هياخد منك مجهود او وقت زي ما هايحصل معاه
و بالنسبة لاتوماتيك الـ 2000 سي سي كافي جدا عليها
بس طبعا اول كلمة هاتتقالك (( متجيبش اوتوماتيك مستعمل )) طبعا الكلمة ديه علشان لو فيه مشكلة في حساسات الفتيس مش بتظهر غير مع الاستعمال الكتير و صعب توصل للعيب مع التجربة المبدائية للعربية و معرفش فيه طريقة عند التوكيل او عند الناس الي عندهم برنامج العربية لمعرفة حالة الحساسات ديه ولا لا
و ممكن تدخل على القسم التعليمي هنا في المنتدي فيه موضوع عن طريقة التعامل مع العربيات الاوتوماتيك علشان تحافظ على عمر الفتيس بتاعها
و لو ناوي على اتوماتيك ممكن تسال على تكلفة تغير الفيس بتاعها بواحد تاني و تخلي المبلغ معاك احتياطي للظروف
و طبعا الكشف يكون في التوكيل او عند متخصص فورد و يكون عنده البرامج بتاعت العربية ( مش جهاز كشف الاعطال العادي الي موجود في الورش )
علشان فيه خبايا كتير في العربية
و عموما بما انك بتشتري حاول تدور على اعلى فئة من العربية علشان تحس بالانجاز
و تاني لف بنفسك و اسال على اسعار قطع الغيار بنفسك

استاذ جوزيف .... ياترى وصلت لغاية فين في موضوع الموتور وهل قررت التسقيط ولا عمل عمرة؟

هو انا قررت تغير الموتور بس بدور على طريقة لحفظ ملكية الموتور الموجود حالية علشان لو حبيت اركبة تاني

المشاركة الأصلية كتبت بواسطة elwaa

ayabooy

متشكر جدا يا كبير ,, أنا دلوقتى برضه بلم معلومات عن البرافا لأنى [gdwl]بحاول أعمل بنصيحتك [/gdwl]انه متبقاش اول عربيه فورد و ادينى بقلب كل الاحتمالات فى دماغى .. قرار صعب و محير !!

تعرف خاجه عن البرافا يا باشا موديل 98 و موديل 2001 ؟:) ولا فورد و بس ; ) ؟

مهو ما يسرى على الفورد قد يسري على البرافا ايضا بس المشكلة انا اعرف ان فيه ميكانيكي متخصص فورد و اخر متخصص اوبل بس مسمعتش عن متخصص فيات
يعني البرافا انتشارها قليل مش فارقة عن الفورد لما نصحتك كان القصد انك تدور على عربية دارجة في السوق مثل اللانوس او الهيونداي طبعا انا عارف انها مش عربيات ( مع كامل الاحترام لركابها و ملاكها ) بس علشان تتعلم فيهم و تتعرف على اشتغلات المصريين المختلفة ة تكون خبرتك بتكاليف قليلة

الله يعينك عموما

اتصل في اي وقت بعد 8 و عموما لو انا مشغول بقول اتصل بيا بعد كذا وقت بس يا ريت تبقي عارف لو انا مشغول و قولت اتصل بعد كذا يا ريت تتصل بعد الكذا ديه يعني مش عاوزك تقول اصلك قولت مشغول فاحرجتني و الكلام الفاضي ده ماشي يا ملك