طرومبة المية وسير الكاتينا لانوس

**mohamed_marey85** · 18-12-2010 06:00 PM

السلام عليكم

يا شباب أنا معايا دايو لانوس 99 وكان عندي مشكلة إن مياة الرادياتر بتنقص جامد ورغم كده مؤشر الحرارة كان بينزل عن الطبيعي بتاعه ; رحت التوكيل اللي في أبورواش وقال لي عندك طرومبة المية والثرمستت عاوزين يتغيروا .

المهم غيرهم المية بقت مظبوطة ودرجة الحرارة مظبوطة وكله تمام

بعديها بـيوم كده بدأت احس إن العربية سحبها تقيل جدا ; وبحتاج ادوس بنزين جامد جدا عشان يادوب تتحرك ; وبقت تاخد وقت طويل عشان تدور ; وبعد ماقعدت اركز مع العربية لقيت إن في صوت طالع من عند سير الكتينا ; صوت كده زي ماتكون حاجة خشنة بتحك في حاجة خشنة

رجعت التوكيل قال لي إنت عندك سير الكتينا والبلية بتاعت الكتينا عاوزين يتغيروا ; رغم إن أنا كنت مغير السير والشداد من 10,000 كيلو

أنا عارف إن عشان يفك طرومبة المية لازم يفك سير الكاتينا الأول ; أنا سؤالي حاجتين :

* هل كان المفروض يغير سير الكاتينا مع الطرومبة ؟ أو يعني مشكلة السير دي حصلت بسبب إن اللي فك السير أول مرة ركبه غلط مثلا ؟

* ثانيا ; عاوز اعرف سير الكاتينا والبلية بتاعتهم يبقوا بكام ; هما قالولي في التليفون 600 جنيه بالمصنعية والضرايب ; هل ده سعر طبيعي ولا نصابيين ؟ أنا عارف إنه أكيد اغلى من بره عشان توكيل بس أنا حاسس إنه اغلى بـزيادة

ومشكورين مقدما

**bakkarahmed** · 18-12-2010 06:29 PM

]ده تقريبا سعر سير وبليه اوكتافيا مش لانوس

**fosfos010** · 18-12-2010 07:44 PM

سعر السير جيتس 55 وبلية كندى 150 وتركب بالكتير 50

**shaddadfalcon1** · 18-12-2010 07:52 PM

انا لسه جايب طلمبة انياه ب115 والترمويتات بالرينج بتاغها ب 40 وانبوبة سيليكون ب 10 ومصنعية 45

شوف انت دفعت كام وقيس عليه

ممكن يكونو مش رابطيبنه كويس

السعر عالس قوي طبعا

مش عارف سير الكتينه هو هو سير التقسيمه ولا لآ - بس انا كنت جايب سير تقسيمه ب 55 او ب 65 تقريا
ومصنعية قول 50
مش عارف البليه بكام بس معتقدش انها هتعدي 150 -
يعني الليله كلها مش المفروض تعدي 300 جنيه

**zaza2002** · 18-12-2010 08:58 PM

ياياشا انا لسه مغير الحوار ده كله كالاتى:طرمبة ميه كورى ب75/ترموستات 40/كوعة ميه 35/سير كاتينه ديلكو ايطالى 50/سير تكيف 15/مصنعيه 100/وساعتين شغل

**mohamed_marey85** · 18-12-2010 09:10 PM

أنا في التوكيل غيرلي لحد دلوقتي الطرومبة والثرمستات وكوعة مية ومية رادياتر جديدة عشان الراديادتر ماكانش فيه ولا نقطة مية تقريبا بـ600 جنيه ; كالعادة طبعا نص الفلوس دي مصنعية والباقي ضرايب ; قطع الغيار نفسها ولا حاجة تقريبا

والاظرف إن القصة دي عملها في يومين ; يعني اخدوا العربية يوم الخميس الصبح واستلمتها السبت آخر النهار

طيب حد يعرف ميكانيكي كويس للدايو في 6 أكتوبر ؟ عشان أنا معرفش هناك غير التوكيل اللي واضح إنه مش تمام ف مفيش قدامي غيره

أو لو حد فالمهندسين ولا أي حتة قريبة من 6 أكتوبر

**A.Saad** · 18-12-2010 09:20 PM

المشاركة الأصلية كتبت بواسطة shaddadfalcon1

انا لسه جايب طلمبة انياه ب115 والترمويتات بالرينج بتاغها ب 40 وانبوبة سيليكون ب 10 ومصنعية 45

شوف انت دفعت كام وقيس عليه

ممكن يكونو مش رابطيبنه كويس

السعر عالس قوي طبعا

مش عارف سير الكتينه هو هو سير التقسيمه ولا لآ - بس انا كنت جايب سير تقسيمه ب 55 او ب 65 تقريا
ومصنعية قول 50
مش عارف البليه بكام بس معتقدش انها هتعدي 150 -
يعني الليله كلها مش المفروض تعدي 300 جنيه

سير الكاتينة هو سير التقسيمة يا غالى

المشاركة الأصلية كتبت بواسطة mohamed_marey85

أنا في التوكيل غيرلي لحد دلوقتي الطرومبة والثرمستات وكوعة مية ومية رادياتر جديدة عشان الراديادتر ماكانش فيه ولا نقطة مية تقريبا بـ600 جنيه ; كالعادة طبعا نص الفلوس دي مصنعية والباقي ضرايب ; قطع الغيار نفسها ولا حاجة تقريبا

والاظرف إن القصة دي عملها في يومين ; يعني اخدوا العربية يوم الخميس الصبح واستلمتها السبت آخر النهار

طيب حد يعرف ميكانيكي كويس للدايو في 6 أكتوبر ؟ عشان أنا معرفش هناك غير التوكيل اللي واضح إنه مش تمام ف مفيش قدامي غيره

أو لو حد فالمهندسين ولا أي حتة قريبة من 6 أكتوبر

ممكن تشوف محمد عبده فى فيصل