حرام عليكم كرهتونى فى الاوبترا

**semsem7222** · 18-12-2010 06:22 PM

حرام عليكم كرهتونى فى الاوبترا وهل المشاكل اتحلت فى موديلات 2011 ولا لأ

**Bassem Raafat** · 18-12-2010 06:47 PM

ومين من الناس دى كلها " اللى عندهم أوبترا " حضرتك شوفت فى كلامهم أى إنتقاد أو مشاكل جزريه فى الأوبترا .

يا باشا تقريباً كل أعضاء القسم اللى عندهم أوبترا مرتاحين بيها ، وزيها زى أى عربيه تانيه فيها مميزات وفيها عيوب ، عمرك ماحتلاقى حاجه كامله 100 × 100 .

وإيه بالظبط المشاكل اللى حضرتك بتقصدها ؟!!

**semsem7222** · 18-12-2010 08:31 PM

علبة الدركسيون الكل بيشتكى منها ومشاكل التكييف والطنابير وضعف النور لما تشغل حاجة معاة ارجو الرد عن هذة المشاكل وسوء معاملة التوكيل انا بصراحة عاوز اجيب اوبترا بس خايف

**Bassem Raafat** · 18-12-2010 08:50 PM

المشاركة الأصلية كتبت بواسطة semsem7222

علبة الدركسيون الكل بيشتكى منها

مسمعتش عن الشكوى دى إنها شكوى عامه ، وقرأتها مره أو إتنين بالكتير وكانت موديلات قديمه .

ومشاكل التكييف والطنابير

حالات فرديه وقليله جداً .

وضعف النور لما تشغل حاجة معاة

مش فى كل العربيات ، وبيضعف لمجرد لحظه واحده لما تحمل عليه وبيرجع تانى قوى ، وعربيات كتير كده مش الأوبترا بس .

ارجو الرد عن هذة المشاكل وسوء معاملة التوكيل

كتير من الأعضاء جربوا فرع التجمع الخامس وأنا واحد منهم ، وبصراحه معامله ممتازه .

انا بصراحة عاوز اجيب اوبترا بس خايف

كنت زيك من 6 شهور ، وقعدت أدور وأدور وأدور ، والحمد لله قررت قرارى فى الأوبترا ومش ندمان عليه .

وبالتوفيق إن شاء الله .

ولو حضرتك لسه قلقان ، ممكن تحضر معانا مقابلتنا وده اللينك بتاعها .

http://www.nilemotors.net/Nile/189129-a.html

وحتشوف كذا أوبترا ، منهم القديم والجديد واللى عامل 80000 كم واللى لسه زيرو ، قارن وإسأل وجرب وإحنا معاك وتحت أمرك .

**semsem7222** · 18-12-2010 09:01 PM

شكرا باسم باشا واه احسن مكان اشترى منة وحشترى كاش

**Bassem Raafat** · 18-12-2010 10:12 PM

بص يا سيدى ....

أنا كنت متردد كتير من المكان ، وسمعت عن مواضيع كتير خاصه بتغيير بعض المعارض للكاوتش وحاجات جوه العربيه .

بس اللى شوفته بعينى قبل كده ... واحد قريبى كان شارى لانوس زيرو من معرض وطلعت بعد كده راشه كبوت ... ده غير إنى بشوف سواقة سواقين المعارض على الصحراوى وهما جايبين العربيات من ميناء إسكندريه ، بصراحه سواقه زى الزفت .

أنا عن نفسى إشتريت من منصور شيفروليه نفسه مع العلم إنه مابينزلش ولا مليم ولا بيعمل أى خصم للكاش .

وممكن كمان ياسين أخر طريق السندباد ، ده ممكن يعملك خصم حوالى 1000 جنيه .

وبالتوفيق إن شاء الله ، وتحت أمرك فى أى إستفسارات تانيه .

**M.Yahia** · 19-12-2010 12:36 AM

كلام الاستاذ باسم لا يعلى عليه و جاب الخلاصة يا باشا العربية ممتازة و مفيش فيها اى مشاكل ممكن مشاكل فردية غير متكررة انما مشاكل اجمع عليها عدد من الناس متلاقيش فى حين ان معظم المنافسين فى الفئة دى عندهم مشاكل و بعدين احنا هنا اخوات مش عشان دا قسم الشيفر و العربية الاوبترا يبقى ندافع عنها لو العربية وحشة حنقول انها مش كويسة و ننصحك بالاحسن عمتا انا كنت زيك من حوالى شهرين او ققل و استقريت عليها و الحمد لله العربية ممتازة بجد و اهم حاجة تبقى مرتاح نفسيا للعربية اللى حتشتريها و بالتوفيق فى الاختيار

**kamalsalem** · 19-12-2010 01:34 AM

الاوبترا عربية عظيمة... بس كده.. مات الكلام..

**falak** · 19-12-2010 10:19 AM

يا جماعة أنا فعلا قريت هنا في القسم أكتر من مرة عبارة ( مشكلة علبة الدريكسيون ) بس للأسف مش واضح الكلام عنها
ممكن حد يفسر لنا إيه هي مشكلة علبة الدريكسيون ؟
لحسن أنا حالياً باشعر برجفة أو رعشة كده في الدريكسيون لما بادوس فرامل
وأنا حالياً في الضمان
عشان لو هي دي مشكلة علبة الدريكسيون ألحق أعمل حاجة وأنا لسه في الضمان
من فضلكم الرد ضروري
ما هي مشكلة علبة الدريكسيون ؟؟؟؟؟

**Bassem Raafat** · 19-12-2010 09:02 PM

المشاركة الأصلية كتبت بواسطة falak;3873154828[font=arial

أنا حالياً باشعر برجفة أو رعشة كده في الدريكسيون لما بادوس فرامل[/font]

ممكن بنسبه كبيره تكون طنابير مش علبة دريكسيون ، وبتبان الرعشه لما تيجى تدوس فرامل جامده حبتين ، صح كده ؟

المشاركة الأصلية كتبت بواسطة falak;3873154828[font=arial

ما هي مشكلة علبة الدريكسيون ؟؟؟؟؟[/font]

اللى أعرفه هو صوت تزيق عند لف الدريكسيون فى حالة سبات العربيه ، مع عدم دوس على الفرامل ، وأكيد حد يوضحلك المعلومه دى أكتر منى ، لأنى بصراحه ماقبلتهاش قبل كده الحمد لله .