مشكلة فجائية في الكاسيت لوجان 2010

**alexman007** · 18-12-2010 08:41 PM

انهاردة روحت استلم عربيتي من البكس موتورز اللي في الحرفيين بالاسكندرية كان عندي خبطة في الباب اليمين والرفرف الشمال الخلفيان ... المهم بعيدًا عن ان اليكس موتورز شغل فوق الروعة وانا صراحة متحملتش مليم عشان تبع التأمين بس جايبين اللون البترولي للعربية بدرجة روعة روعة وشغل ونظافة العربية وبوليش كامل

ما علينا

استلمت العربية وبركب وش الكاسيت وانا مروح الاقي الكاسيت بيشتغل وبيطفي بيشتغل ويطفي ورا بعض ورا بعض اضغط على الايجيكت بتاع السي دي عشان يطلع مفيش فايدة ... اشيل الوش واركبه تاني مفيش فايدة ... احول للراديو برضه نفس الموضوع .... الصراحة اتقريفت ومش عارف بقى ده عيب ايه بالظبط؟؟؟؟؟

لو حاجة بسيطة حد يقولي ولا اروح التوكيل بكره الصبح؟؟؟؟
وشكرا ليكوا
محمود عزت

**Mah_Badawy** · 18-12-2010 11:42 PM

المشاركة الأصلية كتبت بواسطة alexman007

انهاردة روحت استلم عربيتي من البكس موتورز اللي في الحرفيين بالاسكندرية كان عندي خبطة في الباب اليمين والرفرف الشمال الخلفيان ... المهم بعيدًا عن ان اليكس موتورز شغل فوق الروعة وانا صراحة متحملتش مليم عشان تبع التأمين بس جايبين اللون البترولي للعربية بدرجة روعة روعة وشغل ونظافة العربية وبوليش كامل

ما علينا

استلمت العربية وبركب وش الكاسيت وانا مروح الاقي الكاسيت بيشتغل وبيطفي بيشتغل ويطفي ورا بعض ورا بعض اضغط على الايجيكت بتاع السي دي عشان يطلع مفيش فايدة ... اشيل الوش واركبه تاني مفيش فايدة ... احول للراديو برضه نفس الموضوع .... الصراحة اتقريفت ومش عارف بقى ده عيب ايه بالظبط؟؟؟؟؟

لو حاجة بسيطة حد يقولي ولا اروح التوكيل بكره الصبح؟؟؟؟
وشكرا ليكوا
محمود عزت

جرب تنظيف الريش بين الوش و الكاسيت و أضغط على الوش ممكن يكون حد و سخ الريش ديه

**Super_Star_h** · 19-12-2010 01:11 AM

شوف الريش صحيح بتاعة الوش
وشوف برضو الفيوز بتاع الكاسيت
او ممكن تكون مشكله كهربه سلك ارضى اتفك ولا اتهز من كابلات التسجيل

**georgedada82** · 19-12-2010 03:56 AM

ممكن حضرتك تقولنا الخبطة كانت ازاي واتكلفت كام بالظبط ؟

**MOUSTAFA_SAAD** · 19-12-2010 06:15 AM

فكه وركبه تانى ومتزعلش نفسك حتنحل ان شاء الله
ممكن تقولى فين اليكس موتورز دية وفين الحرفيين اصلا فى الاسكندريه
انا اعرف ان المنطقه دية فى القاهره
وانت مأمن تبع اى شركة تأمين

**tamer61** · 19-12-2010 03:57 PM

حمدا لله على سلامة العربيه...... أكيد الريش إللي في الكاسيت عليها تراب من الركنه و عشان كده بتلمس و تفصل مع الإهتزاز ....حاول تنظفها هي و الريش غللي في ظهر الوش و بإذن الله حيشتغل طبيعي. جرب و طمننا وإن شاء الله خير.

**hobby10** · 20-12-2010 09:50 PM

المشاركة الأصلية كتبت بواسطة georgedada82

ممكن حضرتك تقولنا الخبطة كانت ازاي واتكلفت كام بالظبط ؟

+111111111111

**alexman007** · 20-12-2010 09:50 PM

المشاركة الأصلية كتبت بواسطة georgedada82

ممكن حضرتك تقولنا الخبطة كانت ازاي واتكلفت كام بالظبط ؟

الخبطة كانت عبارة عن حكة بطول الباب اليمين اللي ورا وكانت مدخلة تانك البنزين لجوا شوية + خبطة في الرفرف الشمال الخلفي
أنا مضيت على المقايسة كان المبلغ المحطوط 1040 جنيه ... بس عايز أقولك روعة روعة ولا الزيرو وروحت استلمت العربية مغسولة ومتلمعة بالبوليش وكمان اتعملت بالبوليش لكل الخرابيش الصغيرة اللي كانت فيها وتلميع الصالون الداخلي
انا اتعرفت على صاحب اليكس موتورز وهو المهندس شريف وأي خدمات انا تحت أمرك انا موبيلي 0127140865
تحياتي
محمود عزت

**alexman007** · 20-12-2010 09:56 PM

المشاركة الأصلية كتبت بواسطة Mah_Badawy

جرب تنظيف الريش بين الوش و الكاسيت و أضغط على الوش ممكن يكون حد و سخ الريش ديه

المشاركة الأصلية كتبت بواسطة Super_Star_h

شوف الريش صحيح بتاعة الوش
وشوف برضو الفيوز بتاع الكاسيت
او ممكن تكون مشكله كهربه سلك ارضى اتفك ولا اتهز من كابلات التسجيل

المشاركة الأصلية كتبت بواسطة tamer61

حمدا لله على سلامة العربيه...... أكيد الريش إللي في الكاسيت عليها تراب من الركنه و عشان كده بتلمس و تفصل مع الإهتزاز ....حاول تنظفها هي و الريش غللي في ظهر الوش و بإذن الله حيشتغل طبيعي. جرب و طمننا وإن شاء الله خير.

شكرا ليكوا يا جماعة قوي قوي فعلا أنا نضفت الريش واشتغل وتمام بس فيه حاجة بقى غايظاني هههههههههههههه اما الكاسيت أول ما بيشتغل الشاشة كانت في البداية تظهر كلمة HELLO واما يطفي كان يطلع GOOD BYE دلوقت في بداية التشغيل مبقاش يقول Hello هتجنن بقى هل ده تخريف ريش برضه ولا ايه؟؟؟؟ ولو عاوز انضفها صح انضفها بإيه بالظبط؟؟؟
ومتابع معاكم

**alexman007** · 20-12-2010 10:00 PM

المشاركة الأصلية كتبت بواسطة moustafa_saad

فكه وركبه تانى ومتزعلش نفسك حتنحل ان شاء الله
ممكن تقولى فين اليكس موتورز دية وفين الحرفيين اصلا فى الاسكندريه
انا اعرف ان المنطقه دية فى القاهره
وانت مأمن تبع اى شركة تأمين

بص ياباشا اليكس موتورز في الحرفيين في اسكندرية بعد الموقف الجديد وانت رايح القباري مباشرة وانا كنت مأمن تبع المجموعة العربية المصرية للتأمين بدون تحمل

وأنا كتبت رقمي لأي حد عاوز يروح ومش عارف المكان بالظبط أنا تحت أمره
تحياتي