تخيلوا لو نرخص عربيتنا بدون واسطه (تجربه عمليه)

**Goodle** · 26-03-2008 01:53 PM

والله حاجة تطمئن القلب يا أخ محمد صبري

أنا خايف أمر بنفس تجربتك (ويمكن اكتر) لما أروح..

مع العلم إن واسطتي هو ربنا سبحانه وتعالي.

**matrix1987** · 26-03-2008 02:17 PM

يا خبر ابيض كل دا انت بجد صبور جدا جدا

والف مبروك وياترى اما هشترى العربيه كمان

اسبوع هرخص ازاى

**Noha.M** · 26-03-2008 02:26 PM

انا كان هايجيلي heart attack و انا يقرا موضوعك بجد !!!!!!

ربنا يستر علييييه

**دموع الثلج** · 26-03-2008 02:43 PM

المشاركة الأصلية كتبت بواسطة onna

انا كان هايجيلي heart attack و انا يقرا موضوعك بجد !!!!!!

ربنا يستر علييييه

يا نونا سسسلامه قلبك يا ستى بس نصيحه امسكى فى خالك بايدك وسنانك ولو ابن خالك ظابط اتجوزيه بسرعه اهو تضمنى راحتك فى الوسايط:D:D:D

**TAG_Turbo0** · 26-03-2008 02:49 PM

ههههههههههههههههههههههههه
حمد الله على سلامتك ومتعملش فيها محترم بعد كده
ومتزعلش بباك تانى أبداً

**hamedo0** · 26-03-2008 02:53 PM

المشاركة الأصلية كتبت بواسطة mido777

فعلا اجدع حاجة الواحد يشترى كرامته ب 100 جنيه ولا اقل شويه وحاجته تخلص وهو قاعد باشا
انا برضه كنت بعمل كده بس كنت ببقى متضايق

لكن لما جيت ارخص عربيتى الألنترا كان معايا واسطه جامده حبتين " مدير الأمن " بذات نفسه هو اللى كان موصى عليا
ومش عايز اقولت اللى تعمل معايا ايه ؟

1- امين شرطة استنانى عند البيت وطلع معايا بالمتوسكل وانا وراه الوعربية بدون نمر طبعا
تقولشى تشريفه ههههههههه

2- مدير مكتب مدير الأمن يتصل بيا كل ربع اعة علشان يطمئن ان كل حاجة ماشيه تمام

3- الضابط رئيس وحدة المرور فضلت قاعد معاه فى المكتب وكل شويه شاى وحاجة ساقعه

4- قائمة بأرقام اللوحات المميزة علشان اختار منها رقم واخترت 443334

5- مكالمات تانى علشان من مدير مكتب مدير الأمن علشان يعرفوا مدى الرضا عن القم اللى اخترته

فى الأخر انا كنت بأعمل كل ده وانا على مضض وزعلان من نفسى لأنى بحب اكون ملتزم بدورى زى كل الناس...

يا بختك وكمان عامل زعلان

**ams** · 26-03-2008 03:04 PM

المشاركة الأصلية كتبت بواسطة mido777

فعلا اجدع حاجة الواحد يشترى كرامته ب 100 جنيه ولا اقل شويه وحاجته تخلص وهو قاعد باشا
انا برضه كنت بعمل كده بس كنت ببقى متضايق

لكن لما جيت ارخص عربيتى الألنترا كان معايا واسطه جامده حبتين " مدير الأمن " بذات نفسه هو اللى كان موصى عليا
ومش عايز اقولت اللى تعمل معايا ايه ؟

1- امين شرطة استنانى عند البيت وطلع معايا بالمتوسكل وانا وراه الوعربية بدون نمر طبعا
تقولشى تشريفه ههههههههه

2- مدير مكتب مدير الأمن يتصل بيا كل ربع اعة علشان يطمئن ان كل حاجة ماشيه تمام

3- الضابط رئيس وحدة المرور فضلت قاعد معاه فى المكتب وكل شويه شاى وحاجة ساقعه

4- قائمة بأرقام اللوحات المميزة علشان اختار منها رقم واخترت 443334

5- مكالمات تانى علشان من مدير مكتب مدير الأمن علشان يعرفوا مدى الرضا عن القم اللى اخترته

فى الأخر انا كنت بأعمل كل ده وانا على مضض وزعلان من نفسى لأنى بحب اكون ملتزم بدورى زى كل الناس...

عظيم:)

يبقى عرفنا مين اللى هيوصل الحلاوه بتاعة الاستاذ كريم لزملاء سلومه الاقرع:Dاللى منعرفهمش خااااااااااالص

**nancy** · 26-03-2008 03:06 PM

احسن مرور هو مرور النزهة طبعا للاسباب التاليه :
1- مكان نظيف الانتظار فيه يحترم آدميه الامواطن.
2-مفيش هناك وسايط و لا رشاوي و ده انا شوفته بعيني انا مدفعتش قرش غير بوصل يعني الضرايب و التامين حتى الطفايه .
3-انا روحت و سحبت الورق و مليتو و عملت الفحص و فعلا مكانش فيه نمر او بمعنى اصح كان فيه نمر للناس الي في الانتظار .. المهم اخدو رقم تليفوني و ادوني رقم التليفون بتاعهم و معاه رقمي في الانتظار و بعد 15 يوم بالضبط كلمني واحد من هناك و قالي نمرك موجوده ..... هو اينعم واضح انو فيه ازمه بس اسلوبهم في التعامل مع الازمه راقي و متحضر و عادل و ده اهم حاجه .
4- غير انو بقة في ظهر الfbi سابقا ;)
5- و احب بامناسبه ده اوجهه الشكر للكابتن خالد عماره رئيس وحده مرور النزهه للتنظيم الجديد

**Noha.M** · 26-03-2008 03:11 PM

المشاركة الأصلية كتبت بواسطة دموع الثلج

لو ابن خالك ظابط اتجوزيه بسرعه اهو تضمنى راحتك فى الوسايط:D:D:D

عرييييييييييييييس ياماااااااااااااااااى:D:D:D:D :D

انتى عملتى ايه يا دودو فى عربيتك

رخصتي ولا لسة؟؟؟؟

**aif** · 26-03-2008 03:11 PM

بصراحة انت غلطان .. انت روحتلهم في عز الزنقة
انا طول عمري بارخص العربية بدون واسطة .. يمكن المرة الاخيرة بس عشان ازمة النمر
انت لازم تروح بدري الساعة 8 ونص تكون هناك .... وتكون مشتري النمازج من قبلها وماليها في البيت وفاكك النمر ومعاك صور من كل شيء ممكن يطلبوه منك .... البطاقة والعقد وحتي صور جيرانك لو لزم الامر ... يعني لو طلب منك لبن العصفور ... تقوله موجود يا باشا تحبه بالنسكافيه والا ساده

وبعد العربية ما تعمل الفحص بيقي مش لازم وجودها في المرور .. يعني ممكن تعمل الفحص وتشتري النمازج والتأمين والمخالفات في يوم ... وتاني يوم تروح بدري برضه ومن غير العربية ما تكون معاك ( او تركنها بره المرور عند محسن المنادي اللي علي اليمين )و تكمل الاجراءات علي الشباك
بصراحة اللي يروح بدري الموضوع بيختلف معاة تماما

الموضوع: تخيلوا لو نرخص عربيتنا بدون واسطه (تجربه عمليه)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تجربه قياده الضفدعه احم قصدي الفوليستر و يا لها من تجربه

تجربه عمليه تمت والحمد الله

للى معاه واسطه يشترى الزنون بتاعى

حد يعرف اي واسطه في توكيل كيا أبو رواش ؟؟؟

السيارة Byd Flyer من وجهة نظرى و حكمى عليها و لكن بدون تجربه

الكلمات الدلالية لهذا الموضوع

المفضلات

المفضلات

ضوابط المشاركة