الموضوع: تخيلوا لو نرخص عربيتنا بدون واسطه (تجربه عمليه)

المشاركة الأصلية كتبت بواسطة nancy

احسن مرور هو مرور النزهة طبعا للاسباب التاليه :
1- مكان نظيف الانتظار فيه يحترم آدميه الامواطن.
2-مفيش هناك وسايط و لا رشاوي و ده انا شوفته بعيني انا مدفعتش قرش غير بوصل يعني الضرايب و التامين حتى الطفايه .
3-انا روحت و سحبت الورق و مليتو و عملت الفحص و فعلا مكانش فيه نمر او بمعنى اصح كان فيه نمر للناس الي في الانتظار .. المهم اخدو رقم تليفوني و ادوني رقم التليفون بتاعهم و معاه رقمي في الانتظار و بعد 15 يوم بالضبط كلمني واحد من هناك و قالي نمرك موجوده ..... هو اينعم واضح انو فيه ازمه بس اسلوبهم في التعامل مع الازمه راقي و متحضر و عادل و ده اهم حاجه .
4- غير انو بقة في ظهر الfbi سابقا ;)
5- و احب بامناسبه ده اوجهه الشكر للكابتن خالد عماره رئيس وحده مرور النزهه للتنظيم الجديد

اهلا بيكى يا نانسى فى المنتدى والف شكر ان اول مشاركه تكون فى موضوع معاناتى
زى ميكون اشتركتى عشان توضحى نقطه مرور النزهه
وحلو كده ضمنا مرور العتبه والنزهه يا جماعه حد شايف حاجه حلوه فى البلد تانى(وللهى مش تريقه)

المشاركة الأصلية كتبت بواسطة aif

بصراحة انت غلطان .. انت روحتلهم في عز الزنقة
انا طول عمري بارخص العربية بدون واسطة .. يمكن المرة الاخيرة بس عشان ازمة النمر
انت لازم تروح بدري الساعة 8 ونص تكون هناك .... وتكون مشتري النمازج من قبلها وماليها في البيت وفاكك النمر ومعاك صور من كل شيء ممكن يطلبوه منك .... البطاقة والعقد وحتي صور جيرانك لو لزم الامر ... يعني لو طلب منك لبن العصفور ... تقوله موجود يا باشا تحبه بالنسكافيه والا ساده

وبعد العربية ما تعمل الفحص بيقي مش لازم وجودها في المرور .. يعني ممكن تعمل الفحص وتشتري النمازج والتأمين والمخالفات في يوم ... وتاني يوم تروح بدري برضه ومن غير العربية ما تكون معاك ( او تركنها بره المرور عند محسن المنادي اللي علي اليمين )و تكمل الاجراءات علي الشباك
بصراحة اللي يروح بدري الموضوع بيختلف معاة تماما

وللهى ياباشا انا كنت فى المرور قبل ميفتح اصلا
وقفت فى الطابور بتاع المعادى
الوحيد اللى رحته متاخر بتاع العتبه اللى خلصنى بسرعه متخيل؟
والكلام ده يا جماعه كان يوم 6اكتوبر والناس كلها كانت فكراه اجازه وهو كان متبدل ليوم 7
بتاع حلوان رايح 9 يعنى فى معاد مبيفتح

المشاركة الأصلية كتبت بواسطة volkeswagin

+11111111111111111111111111111111111

انا اوئيد هذا الرئى بعد اللى حصل فيا وفعلا من بعدها بابا ربنا يخلهولى وبقيت مقدرش ازعله
عشان مش نقصه شحططه طب ده مرور ومقدور ومعرف اخره امال لو حد راح قسم :)

ههههههههههههههههههههههههه هه

طيب خلاص يا جماعة انا هسيبلكو مهمة العريس دى :D:D

---------------------------

يا رب يخليهولك يا محمد يا رب :)

المشاركة الأصلية كتبت بواسطة onna

ههههههههههههههههههههههههه هه

طيب خلاص يا جماعة انا هسيبلكو مهمة العريس دى :D:D

---------------------------

يا رب يخليهولك يا محمد يا رب :)

ربنا يخليكى
---------------------
متنسيش تعزمينا على الفرح بقى عشان لو شخصيه مهمه نتعرف عليه ويبقى لينا ظهر تانى بعيد عن بابا
ويبقى زياده الخير خيرين :)

المشاركة الأصلية كتبت بواسطة mido777

يا صبرك.....

بس مبروك عليك واكيد اكتسبت خبرة الطوابير

100+++++++++++

المشاركة الأصلية كتبت بواسطة volkeswagin

ربنا يخليكى
---------------------
متنسيش تعزمينا على الفرح بقى عشان لو شخصيه مهمه نتعرف عليه ويبقى لينا ظهر تانى بعيد عن بابا
ويبقى زياده الخير خيرين :)

يا فندم انت تؤمر من غير افراح ولا حاجة :)

المشاركة الأصلية كتبت بواسطة nancy

ميرسي على الترحيب بس المشكله ان الحلو موجود بس مش بيبان عشان الوحش اكتر بامانه سمعه مرور النزهه واصلالي من زمان و يوم ما روحت اشتري العربيه عملت الي ميتعملش عشان الافراج يروح على هناك ..... و بعدين دور على القياده في كل مكان ..... انا عايزه اقولوكو الكابتن خالد ده مبيقعدش على مكتبو على طول بيلف و الموظفين قاعدين متكهربين و لا واحد يفتحلك الدرج ... مهو لو فتحو و البيه الظابط عدى هو هيتشيع......انما الاماكن البايظه دورو بقة على كبير و الناس بتتطلب عيني عينك و كمان بيفاصلو .......... احنا ممكن نبقى احسن بلد في العالم لو احنا احسن شعب و ده للاسف مش صح ... احنا بدون نظام ... و احنا اصلا معندناش قيم فيلابينا ;)

اكيد فى حلو بس كام فى الميه تقريبا معدش يعدى نص فى الميه
الرشوه دلوقتى هى الطبيعى اللى مش طبيعى ان حد يعمل حاجه من غير واسطه او رشوه
---------
معلش يلا بينا على فين;)