موتور المساحة الخلفى للفيليشيا

**Maged_Samy** · 18-12-2010 09:32 PM

انا عندى المساحة الخلفية (فيليشيا 1997 ) مش شغاله وبعد ما وصلت للموتور لقيت الفيشه مفصوله ركبتها والموتور اشتغل لكن كان مفوت فكيت الموتور ولقيت جواه تروس تفلون متأكله ودورت على قطع غيار ليها لقيتها تركى ب 35 جنيه جبتها وركبتها ويدوب لفت لفتين بالظبط واتكسرت ، مش عارف اعمل ايه اجيب غيرها تانى من نفس النوع ولا فيه منها تشيكى او المانى ولا اروح لخراط يعملهم حديد او نحاس ويا ترى هينفع يعملهم ؟
عشان الموتور عندى جديد مفيهوش اى مشكله غير التروس يعنى حرام اجيب واحد استيراد ومتهيألى ممكن الاقيه ب 250 او 300 وطبعاً لو كده يبقى مش مهم مساحة اساساً .
ودى صوره التروس القديمة اللى كانت راكبه :
[mtohg=undefined]http://img149.imageshack.us/img149/7011/18122010640x480.jpg[/mtohg]

**AhMeD MeTwAlY** · 19-12-2010 04:50 AM

انا عني كانت شغاله منه لله الواد الي كسر الترس الي فيها
متابع وباهتمام

**Maged_Samy** · 21-12-2010 09:53 PM

انا رحت لخراط وصفلى خراط تانى متخصص فى عمل التروس قالى اعملها لك نحاس ب 180 جنيه و رحت لواحد تانى قالى مش هتنفع نحاس هتكسر الموتور وهتبقى عفيه عليه وعملى تروس من مادة اسمها ارفلون وبيقول انها المانى واخذ 60 جنيه بالعافيه وكان عايز 75 جنيه ، واشتغلت الحمد لله بس انا حاسس طبعاً انها لو اى عيل لعب فيها هتبوظ تانى.
واكتشفت ان ده عيب فى كل الفيليشيا - هل العربيات التانيه تروسها حديد ولا زى الفيليشيا ؟
انا الموتور عندى صنع فى التشيك فهل ممكن لو باظ تانى اجيب واحد بتاع عربيه يابانى مثلاً او كورى ولا ايه رأيكم .
اتمنى منكم التفاعل مع مشاركتى حيث ان قسم الاسكودا وبالتحديد الفيليشيا فى ثبببببببببببببات عميق .
والف شكر .

**dado_256** · 23-12-2010 06:35 PM

بص يا معلم انا والله من ساعه ما جيبت عربيتى وعيل اتشعلق فيها والمساحه نفسها اتكسرت ومن ساعتها مركبتهاش تانى بس عندى الموتور شغال تمام الحمد لله عايز اركبله مساحه عشان اى عيل يتعلق فيها تانى ويكسرها بقى ربنا يخلى عيال الشوارع عندنا زى الفل والله

**mohamed2007** · 02-01-2011 04:25 AM

بيقولوا فيه فى وكالة البلح مواتير استيراد للمساحة الخلفية للفليشيا من 100-150جنية الواحدة لانى شارى العربية ومجربتش المساحة الخلفية ولما جيت اشغله لقيتها يتنتش وتمشى شوية وتقف وتركن فى جنب وساعات تنزل من عالقزاز فالكهربائى فك الموتور لقى الترس البلاستيك مكسور قعد يحاول معاة بلزق ومانفعش فقلى هات واحد استيراد من الوكالة فقلت ربنا يسهل وبصراحة ماروحتش

**Maged_Samy** · 02-01-2011 09:28 PM

المشاركة الأصلية كتبت بواسطة mohamed2007

بيقولوا فيه فى وكالة البلح مواتير استيراد للمساحة الخلفية للفليشيا من 100-150جنية الواحدة لانى شارى العربية ومجربتش المساحة الخلفية ولما جيت اشغله لقيتها يتنتش وتمشى شوية وتقف وتركن فى جنب وساعات تنزل من عالقزاز فالكهربائى فك الموتور لقى الترس البلاستيك مكسور قعد يحاول معاة بلزق ومانفعش فقلى هات واحد استيراد من الوكالة فقلت ربنا يسهل وبصراحة ماروحتش

الموتور بتاع الفيلشيا تشيكى وتروسه بلاستيك وبتتكسر بسرعه مع اول عيل يتعلق فيها ، حاول تسأل على اى موتور بتاع عربيه تانيه تكون يابانى مثلاً اكيد التروس بتاعته مش هتبقى بلاستيك - اسأل وياريت تبقى تقولنا عملت ايه .

**tefaatef** · 26-02-2011 08:14 AM

يا رجالة الموضوع اسهل من كدة بكتير الترس اللى مكسور دة و بيعطل المساحة طبعا بيتباع ب25 جنية بس والله نن عند محل اسمة عمرو و امجد فى اول فيصل

**Maged_Samy** · 26-02-2011 02:25 PM

المشاركة الأصلية كتبت بواسطة tefaatef

يا رجالة الموضوع اسهل من كدة بكتير الترس اللى مكسور دة و بيعطل المساحة طبعا بيتباع ب25 جنية بس والله نن عند محل اسمة عمرو و امجد فى اول فيصل

انا جبت الترس اللى سيادتك بتقول عليه من اسكندريه من عند عزاز ب 35 جنيه تركى واتكسر مع اول لفه للمساحة وده اللى خلانى اروح لخراط وادوخ الدوخه دى .

**rasim** · 26-02-2011 05:06 PM

السلام عليكم
انا برده عندى نفس المكشله بس اعتقد ان ليس لها حل والله واعلم غير ولو عاوز تشترى استيراد لو محتاجه قوى

**a_hmed** · 06-03-2011 04:12 PM

المشاركة الأصلية كتبت بواسطة maged_samy

انا جبت الترس اللى سيادتك بتقول عليه من اسكندريه من عند عزاز ب 35 جنيه تركى واتكسر مع اول لفه للمساحة وده اللى خلانى اروح لخراط وادوخ الدوخه دى .

بص يا معلم مدام انت من اسكندرية
هما 3 الى فى صلاح الدين الى عندهم كل حاجة بالترتيب

1- العالمية (قبل الاشارة على اليمين) - ده كويس جدآ جدآ
2- عزاز
3- حسن الضيفى

روح العالمية هتلاقى هناك ناس محترمة جدآ و هيجبلك من الاخر يعنى لو مثلا الترس هيتكسر هيجبهولك و هيقولك الاحسن تعمل كذا .. و لو حاجة صينى و كاتبين عليها المانى هيجبهالك بس هيقولك الاحسن منها ايه

الموضوع: موتور المساحة الخلفى للفيليشيا

LinkBack

أدوات الموضوع

عرض

موتور المساحة الخلفى للفيليشيا - انشر الموضوع فى :

-

-

-

-

-

المواضيع المتشابهه

رادياتير للفيليشيا

مفيش ستاير كبس للفيليشيا؟؟؟؟

سؤال عن افضل انواع زيت موتور للفيليشيا

اللحق طقم الشماسات(ستاير)للفيليشيا

ماهو أفضل نوع عجل مناسب للفيليشيا؟

الكلمات الدلالية لهذا الموضوع

المفضلات

المفضلات

ضوابط المشاركة