العقد المسجل فات عليه اكتر من شهر من غير ما انقل ملكيه

**drhegab** · 18-12-2010 10:26 PM

السلام عليكم
الموضوع باختصار
انا اشتريت عربيه ب توكيل والبائع كام معاه عقد مسجل بس فات على تسجيل 7 شهور وهو كان ماضي مشتري والرخصه لسه ساريه
يبقا كدا انا معاايا توكيل وعقد مسجل فاتت مدته
انا عايز استفيد من الفتره اللى في الرخصه
هينفع ولا لازم اسجل دلوقتي ولا اصلا كدا انا التوكيل بتاعي يعتبر لاغي ولا ايه مش عارف انا احترت بصراحه

**mbx4e** · 18-12-2010 10:48 PM

كلامي دا على الراجل اللي باع لك
لو التوكيل باسمه واتاكد من رقم الشاسيه والموتور فيهم مطابقين للرخصة وللعربية غير محدد بمده ويكون مكتوب فيه عقد للبيع للغير وللبيع للنفس وللتعامل مع المرور يبقى توكيل سليم
بالنسبه للعقد المسجل اللي معاه ليه هو انا فهمت ان معاه واحد بس هو ماضي بايع ومشتري على اساس انه معاه توكيل دا بيتلغي بعد شهر من تاريخ هذا العقد
بالنسبه ليك انت :
هاتعمل حاجه من اتنين هاتجيب الراجل وتخليه يعمل عقد جديد لنفسه (طبعا يكتب فقط في خانة البايع اسمه مايكتبش في المشتري ) على اساس التوكيل اللي هو مشتري بيه وتكمل بعد كدا يعملك توكيل برده فيه بيع للغير وللنفس والتعامل مع المروور ويجبلك شهادة مخالفات وشهادة بيانات لو الرخصة منتهية ومده شهاده المخالفات والبيانات 15 يوم من تاريخ اصدارها
وتعمل انت بالتوكيل الجديد دا عقد مسجل ومتكتبش اسمك في المشتري
ياما على اساس التوكيل اللي معاه تخليه يعملك بيه توكيل خاص بيك انت وتعمل بعد كدا عقد مسجل في الشهر العقاري بالتوكيل بتاعك بس برده ماتكتبش اسمك في خانة المشتري وتقفش كل الورق اللازم في ايدك كل التوكيلات كل العقود الجديده والقديمه صور بطاقته صوره بطاقت اللي بايع له وصورة الرخصة القديمه او الرخصه القديمه لو هي نفسها
وبرده اتاكد من المرور اللي انت تبعه عشان ممكن تجيبه ويتعملك تنازل في المرور مباشرة وتدفع انت الضريبه بس المده مش هاتروح عليك كانك بتدفع قبل الميعاد بتاع انتهاء الرخصة وتطلع الرخصة باسمك وكدا يبقى ريحت دماغك واشتريت عريبتك من اي تلاعبات
وياريت لو حد من الاعضاء الكرام لاقاني بقول حاجه غلط يصحح لي عشان كلنا نستفيد وربنا معاك

**drhegab** · 19-12-2010 09:46 PM

طيب هو لو العقد المسجل اللى معاه دا خلاص اتلغي هما ازاي في الشهر العقاري عملولي توكيل من العقد المسجل؟؟؟؟؟؟
طيب انا كدا العربيه بتاعتي ولا لسه بتاعت الراجل ؟ مع العلم ان التوكيل خلاص طلع باسمي من العقد المسجل

**mbx4e** · 20-12-2010 12:24 PM

المشاركة الأصلية كتبت بواسطة drhegab

طيب هو لو العقد المسجل اللى معاه دا خلاص اتلغي هما ازاي في الشهر العقاري عملولي توكيل من العقد المسجل؟؟؟؟؟؟
طيب انا كدا العربيه بتاعتي ولا لسه بتاعت الراجل ؟ مع العلم ان التوكيل خلاص طلع باسمي من العقد المسجل

على فكرة بتوع الشهر العقاري بيريحوا دماغهم وفاكرين الناس عارفه التركات اللي زي كدا هم كل اللي عليهم انهم ياخدوا منك ورق وفلوس ويدوك ورق جديد
الغتاته في المرور مش مصلحة الشهر العقاري
وبما انك معاك توكيل غير محدد التاريخ بتاعه او مؤقت وللبيع للنفس وللغير والتعامل مع المرور روح(للمرور بتاعك اسال فيه) لهم بيه وادفع ضريبة قبل ما المده تخلص عشان ماتسحلش في شهادة بيانات ومخالفات من اول وجديد وياسلام لو مرورك غير مرور البايع و غير مرور المالك الاولاني خالص يبقى كدا هاينططوك بين التلاته كعب داير بالذات لو الرخصة اللي سارية في العربية باسم المالك الاولاني وبالذات اكثر لو رحيت قبل فترة انتهاء الرخصة بفترة صغيرة هانقول 10 ايام او اسبوعين هايقعدو يتلككوا في المرور وياخروك لغاية ما معاد التجديد يحل ويقلك روح هاتلي بيانات ومخالفات وادفع ولف ومن مرور لمرور
بالمناسبه لو الرخصة لسا ساريه وعربيتك رسومها صغيرة ولو كانت قديمه حبتين مش هاتكلفك كتير كضريبة وطفاية وشنطة اسعافات كل اللي هايحصل لو رحت قريب هايمددوا الفترة بتاعتك سنه ويطلعلوك رخصة جديده باسم بس خلي بالك في الاخطاء الاملائية والمطبعية بالنسبة لارقام الشاسيه والموتور والفرق بين 2 و 3 كارقام بالعربي
عشان في ناس بتخرف فيهم موظفين عندهم عمى ليلي ونهاري بعيد عنك والتواريخ كمان ولو جت الغلطه في يومين تلاتة من تاريخ الرخصة فوتها ماجتش من يومين بس تمسك رخصة باسمك هاتريحك نفسيا وماديا

**M.Elgergawy** · 20-12-2010 03:08 PM

أفضل حاجة روح المرور وإسأل علشان لو فيه حاجة تلحق تجيب الراجل اللي باعلك بالعقد

**Karim_Mohy** · 20-12-2010 03:17 PM

طب سؤال في نفس الموضوع للي عنده فكرة

العربية كان فيها توكيلات واشتريت من اخر توكيل بعقد مسجل ولكني لم ارخص عشان استفاد من الرخصة ؟

هل هايبقي فيه غرامة او حاجة ؟