الحمد لله غيرت بليه شداد الدينامو...

السلام عليكم ورحمه الله ..
بقالي فتره ملاحظ صوت زي صوت بابور الجاز كده جاي من ناحيه طرمبه الباور وكنت استشرت اخونا محمد طناني لاني كنت شاكك في بليه الطرمبه فغيرت زيت الباور ولكن الصوت مستمر ...النهارده بس جبت مفك وسمعت بيه كل حته بتلف في الناحيه الشمال ,لقيت الصوت جاي من بليه شداد الدينامو, رحت للميكانيكي بتاعي ,فك ياعم وطلعت في حاله وحشه جدا وكان ممكن تقفش كمان ,المهم لقيت اللي في السوق مداسها فيب وب90ج والاصليه اللي طالعه مداسها معدن ومتكلفه .جتلي فكره اني افك برشامها (هي حافظه نصفين وجواها الرمان بلي) واغير البليه بواحده نفس المقاس مش خسران حاجه ,نفضت البرشام وجبت بليه ياباني وسقطها مكانها ورجعت البرشام وركبت وزي الفل ..التكلفه 35ج البليه +3ج تمن البرشام +طبعا متعه ان الحاجه دي عاملها بايدك ومطمن ليها ..

الف مبروك
مجبتهاش استيراد ليه
انا جبتها ب40 جنيه
مرتين والله

الف مبروك
و شكلى هاعملها قريب

ايوه انا عايز اعملها
مقاس البلية كام اللى انت جبتها
و يا سلام لو صور
و على فكرة انا هاجيبها يابانى برضوا
بس المقاس و النبى

فنااااان...
الف مبروك..
انت برشمتها تاني ازاي؟؟

مكنة برشام
انا هاعملها عند الخراط مش دى المشكله
مقاس البلية اهم

اقتباس:

---

المشاركة الأصلية كتبت بواسطة tananybasha

الف مبروك
و شكلى هاعملها قريب

ايوه انا عايز اعملها
مقاس البلية كام اللى انت جبتها
و يا سلام لو صور
و على فكرة انا هاجيبها يابانى برضوا
بس المقاس و النبى

---

والله يا محمد البليه ماعليهاش اي ارقام انا فكيتها وبتاع البلي قاسها بالبوكليز من جوه ومن بره والصبح ان شاء الله هنزل صوره بليه الشداد قبل ماغير الرمان بلي بتاعها ,بس كده .

لازم ارقامها تكون محفورة عليها

حاضر يا كبير ,الصبح ان شاء الله هشوف تاني

هي دي البليه اللى قصدك عليها يا فادي ,,,عالبركه ياكبير الحمد لله جت بسيطه

بس الصوت راح خالص

الحوار دة عملتة بردو فى بلية العجل بتاع الموتوسكل بردو اعدو يقولو الاصلى ب220 ج ختها وقسها بتاع البلى وجبتهاء يابانى 20 ج واصلية وركبتلها افيز بلستك 75 قرش لازم الواحد يشغل مخة حبة حبيبى يافادى

اقتباس:

---

المشاركة الأصلية كتبت بواسطة thug

هي دي البليه اللى قصدك عليها يا فادي ,,,عالبركه ياكبير الحمد لله جت بسيطه

---

هي يا محمد ,الحمد لله

اقتباس:

---

المشاركة الأصلية كتبت بواسطة tananybasha

بس الصوت راح خالص

---

الصوت راح خالص ..

يا رجالة معلش سؤال ايه بلية شداد الدينامو دي و وظيفتها ايه ؟؟؟ انا اعرف سير الدينامو....حتي الدينامو نفسه معرفش فين مكانه اصلا......

و تاني سؤال و ده الأهم......انا عندي بكر الترجيع بيعمل ونة كدا.....اصله فكه و شوفته....بس مش عارف و مرضيتش اعمل نفسي مش فاهم قدامه قلتله ركبه تاني دلوقتي طيب.....دا بيفتي ولا ايه النظام ؟؟؟

اقتباس:

---

المشاركة الأصلية كتبت بواسطة zalantaheee

يا رجالة معلش سؤال ايه بلية شداد الدينامو دي و وظيفتها ايه ؟؟؟ انا اعرف سير الدينامو....حتي الدينامو نفسه معرفش فين مكانه اصلا......

و تاني سؤال و ده الأهم......انا عندي بكر الترجيع بيعمل ونة كدا.....اصله فكه و شوفته....بس مش عارف و مرضيتش اعمل نفسي مش فاهم قدامه قلتله ركبه تاني دلوقتي طيب.....دا بيفتي ولا ايه النظام ؟؟؟

---

بليه الشداد بتبقي راكبه من الجنب علي البلوك وهي وظيفتها من اسمها بتحافظ علي سير الدينامو مشدود وده شكلها ..

http://www14.0zz0.com/2010/12/19/13/777598097.jpg

http://www12.0zz0.com/2010/12/19/13/961407194.jpg

مكتوب علي البليه الداخليه 6203du.....
060 ومن الوجه الاخر 058
البليه الاصليه نوعها nsk واللي انا ركبتها نوعهاskf ياباني .

ايوه بكرة الشداد
هى دى بلية الدينامو

الله ينور يا فادى تسلم إيدك
وموضوع مميز منك زى ما عودتنا يا كبير

فادى طول عمرة كبير

اقتباس:

---

المشاركة الأصلية كتبت بواسطة tananybasha

فادى طول عمرة كبير

---

أوافق بشدة :-)

الف مبروك يباشا ... عقبال عربيتي بقا بيتهيألي الصوت اللي فيها ده الشداده بحالها مش البليه بس

انا يوم الجمعه ان شاء الله هاعملها

طيب يعني كدا كان بيتنصب علي و الحمد لله....قاللي ان بكرتين الترجيع عايزين يتغيروا و تمنهم 350 جنيه !!!!!!!

انا غيرت بلية بتاعة الكاتينه
نصب
ب 250 جنيه
بس كامله

الصوت دا يا فادي كنت بتسمعه ع طول ولا بس الصبح لما تشغل العربيه؟؟

اعتقد على طول
صوت حفة رزله و خشانه

الله ينور يافادى باشا دايمآ انت والله
على فكره موجود فى السوق الجى ام ومش غاليه لكن فكرة كبسها وتشغيلها من تانى 100 - 100
وبالنسبه للأخ اللى بيسأل عن الصوت الصبح فى اول الدوارة وبعد كده بيروح اكيد من بيل الدينمو للتأكد خشبه طويله او خرزانه وتحتها على الدينمو تنقل لك الصوت بالضبط زى السماعه وانا لسه مغير البليتين اللى فى الدينمو يابانى واحده كبيره والتانيه صغيره سعرهم 15 + 25 وخلعلهم سهل بس عايز واحد عند فكره وعده بالذات عند اخراج الرمبيل القديم