يارب يطلع كويس
للاسف مفيش تيل بديل لتيل الجينا
العفو يا فندم
السعر دة للامامى فقط
البوش الالمانى مش بينزل منة خلفى
بس فى fbk ماليزى وسعرة 130 وكويس جدا
عرض للطباعة
ياصديقى انا لم اتاخر عن اى مساعده اى صديق يطلب مساعدتى فى شىء لوجه الله
اى مجموعة منكم طلب شىء تتجمع وانا مستعد ادلكم على المورد الصح الامين واستلم ليكم وخلص ليكم القطع المطلوبه بعون الله
قال رسول الله عليه الصلاة والسلام
حب لاخيك ما تحب لنفسك
صدق رسول الله عليه الصلاة والسلام
هل في جديد يا رجاله
انا سمعت من واحد شغال فى العربيات البروتون
انه هيستورد تيل مخصوص للجين والبيرسونا من تركيا
وانه هيركبه بنفسه ويدى عليه ضمان سنه
افلح ان صدق
يا سلام عليك يا اسلام
طبعا اكيد هايبئا افضل تيل للعربيه ولكن
فى رأيى العيب عندنا مش تيل العيب طنابير
انا ركبت التيل ال fbk فى البروتون صفر ركبت fbk بردو نفس الخامه فى التويوتا ماصفرش
ده غير ان الطنابير عندى باظت فى اول 20000 كم بالتيل الاصلى البوش بتاع العربيه
ده غير ان احنا الانواع اللى بنركبها سواء fbk او ريمسا او او او ماركات كويسه وبتعمل تيل لانواع كتير غير بروتون وشغاله فيهم 10 على 10
لكن فى بروتون بالذات بتصفر وبتكحت ومش بتمسك والكلام ده كله
دى مجرد وجهة نظرى
انت بالذات متكلمش انت كنت هتودنى فى داهية بالتيل العمولة بتاعك دة هههههههههههههه بتجرب فيا ماشى :H_angry[1]:
المشكلة مش فى الطنابير المشكلة فى التيل انت بنفسك شوفت لما عملت رجلاش وكان راكب التيل الاصلى الفرامل كانت عاملة ازى
ولما راحنا الاسماعلية وكانا بنشد مع محمد عبد العال وماشين 130 140 ومرة واحدة لقينا قدمنا قضيب قطر وواقفنا قبلة بالظبط حتى محمد ساعتها كسر شمال قبل ما يخبط فيا من وراء لان الفرامل عندى كانت اقوى من عندة
المهم
النهردا يا جماعة روحت لمكة قولته ورينى بقا التيل البوش الى شوفتة المرة الى فاتت عشان بفكر اشترى وامرى لله
قالى اشترى مش هتندم دة تيل جامد جدا دة حتى بينور بالليل :Ob_mak1[1]: وقاعد يقولى اشعار فى التيل
وانا اسمع اقوله ماشى ماشى ام نشوف
المهم حاجة بسيطة ماخدتش بالى منها المرة الى فاتت انه مش المانى
طلع ايطالى وكمان لما قبلت عبد الرحمن النهردا قالى انه بتاع fiat stilo كان مكتوب علية كدا وهى دى صورة العربية بالمناسبة
Fiat Stilo wallpaper # 01 of 22, Front Angle, MY 2002, 800x600
وبعد كدا عبد الرحمن اخد منى التيل الاصلى وراء وقدام وقالى فى يوم كدا هطلع على توكيل بوش اشوف اية الاخبار وهشوف بردوا عند بتوع قطع غيار الفيات
وحاليا ركبته فعلا الحمدلله والنتيجة ان شاء الله فى خلال اسبوع او 10 ايام
فين الصور بتاعت التيل والكرتونة ..؟
في انتظار التقارير إن شاء الله
متدي لعبد الرحمن الطنابير بالمره :)