كنت هموت النهاردة بس ربنا ستر

**kar!m** · 19-12-2010 08:42 AM

الف سلامة عليكى .. و الحمد لله انها جت سليمة
انتى بتصلحيها عند مين فى الزقازيق؟

**cyborg_ift** · 19-12-2010 09:11 AM

المشاركة الأصلية كتبت بواسطة rerii

النهاردة اتعرضت لموقف موت والحمد لله ربنا ستر وممتش وطلع لسه فى العمر بقية

النهارده وانا رايحة الجامعة من الزقازيق للقاهرة وماشية عادى ومفيش اى حاجة عديت كوبرى بردين ونزلت وبعدها بشويه كان فيه مطب وانا كنت ماشيه حوالى 80 وبهدى قبل المطب اكبس فرامل ملقتش فرامل خاااااااااااالص ولا كأنى بدوس على حاجة فضلت اارفع رجلى واحطها تانى مفيش حاجة وانا داخلة على مطب عالى واودامى عربية وجنبها عربية وفيه مسافة بينهم متعدنيش والعربية هيدروماتيك اول مرة اتحط فى الموقف ده شديت الهاند مفيش فايدة مش راضيه تهدى وسبحان الله العربيتين اللى اودامى بعدوا عن بعض والمسافة وسعت بينهم دخلت بينهم بسرعة جدا وانا على المطب والسرعة لسه مش راضيه تهدى فكرت ادى p على اساس انها تهدى اول ماديته العربية فضلت تطقطق فعملتها على n وحدفت يمين فى الرمل واتشاهدت واستنيت بقى قضايا انى هلبس فى عمود او عربية او انا ونصيبى لحد مالحمد لله العربية فضلت تهدى على الرمل لحد ماوقفت وطبعا مكنتش عارفه اتلم على اعصابى فتحت الكبوت بصيت على زيت الفرامل مفيهوش حاجه والتيل انا لسه مشيكة عليه من يومين جازفت ودورت العربية ومديتش بنزين وعملتها على d مشيت براحه ولاقيت فرامل رجعت بس بتهرب مشيت بالراحة جدا لحد بلبيس ووديتها عند واحد بتاع فرامل قالى ان ماستر الفرامل فيه مشكله والجلد بتاكل واودامى حل من اتنين يااما اشترى ماستر اصلى ب 250 جنيه وده مش من بلبيس اروح اجيبه من الزقازيق يااما يركبلى جلد يابانى للماستر طبعا الحل اللى كان اودامى فى ساعتها الجلد .ركبهولى وجربلى العربية بس انا حسيت ان الفرامل بعيدة خاصة ان فراملى كانت قويه الله يرحمها بقى وقلتله قاللى لا ده كده عدلها وجامده وكلام من ده . طلعت بيها من بلبيس للجامعه وطبعا وانا اعصابى بايظة وكل شوية بتأكد من الفرامل انها موجوده . لما وصلت الجامعه اتنين زمايلى قالولى تعالى هنوديكى لواحد حلو اوى فى الحرفيين وودونى لواحد هناك بيتعاملوا معاه ظبطلى الفرامل فى العجل اللى ورا وقاللى مادام الراجل حطلك جلد هيمشوا معاكى سنة .. وطلعنا جربناها بقت اقوى بكتير بس مش زى الاول قالى بالمرة نغيرلك تيل عشان التانى قرب يخلص وفعلا اشترينا واحد ب 90 جنيه وقالى ان النوع ده حلو وركبناه بس حسيت ان الفرامل ضعفت عن ساعة ماجربناها قالى ده عشان التيل جديد ولسه هيطبع معرفش الكلام ده صح وللا ايه

فيه واحد زميلى قالى المفروض ساعة مالفرامل سابت كنتى تدى تالت وسنة بنزين وبعدين تانى وسنة بنزين وبعدين اول معرفش الكلام ده ايه نظامه

وياترى ازاى ممكن اجنب نفسى التعرض للموقف ده تانى ازاى خاصة ان الفرامل بتاعتى كانت كويسة جدا لحد ثوانى قبل ماتهرب كده

وربنا يستر طريقنا كلنا

حمد الله على السلامه قدر ولطف

بس زميلك ده إظاهر عليه كوميدي أوي إزاي عربيه أوتوماتيك تسقطي بيها غيارات

نصيحه أقعدي مع نفسك وشوفي إنتي مزعله حد منك أو غلطتي في حق حد أو حتى في حق نفسك تروحي علطول تصالحيه أحسن يكون دعا عليكي وحاولي تخلي بالك من نفسك وتصوني العربيه علطول ومتبخليش عليهه وربنا يحفظك ويسلم طريقك

**No Comment** · 19-12-2010 10:35 AM

اولأ : حمدا ًلله على السلامة .
ثانياً : حصل موقف مشابه للموقف ده معايا من فترة والعربية اوتوماتيك بردو انا فى الأول نزلت بالغيار من d4 الى الـ d2 علشان تهدى العربية وبعد كدة استخدمت فرامل اليد لحد ما وصلت للميكانيكى ولقيت حاجة فى اللقمة أو القطمة بتاعت الطنبورة والتيل سابت من مكانها وده كان بسبب شغل كنت عملته قبلها عند الميكانيكى ومقفلوش الشغل كويس ... الله يسامحهم

**M.Elgergawy** · 19-12-2010 01:23 PM

أنا لما سألت على عدد الكيلو متر علشان الماستر بيتشيك عليه كل 250 ألف كم ( دا كلام مهندسي التوكيل ) والكيلو متر في العداد بتاع العربية اللي في التابلوة وآسف إن كنت أزعجتك بسؤالي

**Rerii** · 19-12-2010 01:25 PM

أنا لما سألت على عدد الكيلو متر علشان الماستر بيتشيك عليه كل 250 ألف كم ( دا كلام مهندسي التوكيل ) والكيلو متر في العداد بتاع العربية اللي في التابلوة وآسف إن كنت أزعجتك بسؤالي

لا ابدا بالعكس انا بس بحب اعرف كل حاجة وانت كده بجد اضفتلى معلومة جميلة ومفيدة جدا ميرسى ليك جدا

**ahmed_mido1889** · 19-12-2010 02:16 PM

اولا حمدالله علي السلامه
ثانيا غيري المستر بواحد جديد ويا ريت لو تجيبه من التوكيل لأن المستر بمجرد انه بيهرب خلاص بيبقي انتهي وحصلت معايا مره اني بقيت اسقط غيارات لحد ما وقفت العربيه والجلد ما بيكملش سنه ده هو اخره شهر ولو كمله

**د.محمود صلاح** · 19-12-2010 08:15 PM

حمدا لله على السلامة واحسنتي التصرف وربنا يحفظنا ويحفظكم جميعا من كل سوء ..

يرجى تغيير الماستر ضروري وفي أسرع وقت .

**sara2001** · 19-12-2010 10:36 PM

المشاركة الأصلية كتبت بواسطة rerii

النهاردة اتعرضت لموقف موت والحمد لله ربنا ستر وممتش وطلع لسه فى العمر بقية

النهارده وانا رايحة الجامعة من الزقازيق للقاهرة وماشية عادى ومفيش اى حاجة عديت كوبرى بردين ونزلت وبعدها بشويه كان فيه مطب وانا كنت ماشيه حوالى 80 وبهدى قبل المطب اكبس فرامل ملقتش فرامل خاااااااااااالص ولا كأنى بدوس على حاجة فضلت اارفع رجلى واحطها تانى مفيش حاجة وانا داخلة على مطب عالى واودامى عربية وجنبها عربية وفيه مسافة بينهم متعدنيش والعربية هيدروماتيك اول مرة اتحط فى الموقف ده شديت الهاند مفيش فايدة مش راضيه تهدى وسبحان الله العربيتين اللى اودامى بعدوا عن بعض والمسافة وسعت بينهم دخلت بينهم بسرعة جدا وانا على المطب والسرعة لسه مش راضيه تهدى فكرت ادى p على اساس انها تهدى اول ماديته العربية فضلت تطقطق فعملتها على n وحدفت يمين فى الرمل واتشاهدت واستنيت بقى قضايا انى هلبس فى عمود او عربية او انا ونصيبى لحد مالحمد لله العربية فضلت تهدى على الرمل لحد ماوقفت وطبعا مكنتش عارفه اتلم على اعصابى فتحت الكبوت بصيت على زيت الفرامل مفيهوش حاجه والتيل انا لسه مشيكة عليه من يومين جازفت ودورت العربية ومديتش بنزين وعملتها على d مشيت براحه ولاقيت فرامل رجعت بس بتهرب مشيت بالراحة جدا لحد بلبيس ووديتها عند واحد بتاع فرامل قالى ان ماستر الفرامل فيه مشكله والجلد بتاكل واودامى حل من اتنين يااما اشترى ماستر اصلى ب 250 جنيه وده مش من بلبيس اروح اجيبه من الزقازيق يااما يركبلى جلد يابانى للماستر طبعا الحل اللى كان اودامى فى ساعتها الجلد .ركبهولى وجربلى العربية بس انا حسيت ان الفرامل بعيدة خاصة ان فراملى كانت قويه الله يرحمها بقى وقلتله قاللى لا ده كده عدلها وجامده وكلام من ده . طلعت بيها من بلبيس للجامعه وطبعا وانا اعصابى بايظة وكل شوية بتأكد من الفرامل انها موجوده . لما وصلت الجامعه اتنين زمايلى قالولى تعالى هنوديكى لواحد حلو اوى فى الحرفيين وودونى لواحد هناك بيتعاملوا معاه ظبطلى الفرامل فى العجل اللى ورا وقاللى مادام الراجل حطلك جلد هيمشوا معاكى سنة .. وطلعنا جربناها بقت اقوى بكتير بس مش زى الاول قالى بالمرة نغيرلك تيل عشان التانى قرب يخلص وفعلا اشترينا واحد ب 90 جنيه وقالى ان النوع ده حلو وركبناه بس حسيت ان الفرامل ضعفت عن ساعة ماجربناها قالى ده عشان التيل جديد ولسه هيطبع معرفش الكلام ده صح وللا ايه

فيه واحد زميلى قالى المفروض ساعة مالفرامل سابت كنتى تدى تالت وسنة بنزين وبعدين تانى وسنة بنزين وبعدين اول معرفش الكلام ده ايه نظامه

وياترى ازاى ممكن اجنب نفسى التعرض للموقف ده تانى ازاى خاصة ان الفرامل بتاعتى كانت كويسة جدا لحد ثوانى قبل ماتهرب كده

وربنا يستر طريقنا كلنا

حمدالله على سلامتك
الحمد لله انك بخير
كان في موضوع عن تسقيط النقلات وكنت سألت فيه
عن تسقيط النقلات في الأوتوماتيك للضروره القصوى
زي هروب الفرامل
والأعضاء مشكورين وضحوا انه ينفع التسقيط في الأوتوماتيك
بس مش عارفه مدى ضرره على الفتيس

-

-

الموضوع: كنت هموت النهاردة بس ربنا ستر

LinkBack

أدوات الموضوع

عرض

-

-

-

-

-

-

-

المواضيع المتشابهه

ربنا سترها معاى النهاردة على المحور

كنت هموت و انا مروح النهاردة

كنت هموت النهاردة على الدائرى

كنت هموت لكن الحمد لله ربنا ستر

كنت هموت النهاردة بسبب سواق ميكروباص حمار

الكلمات الدلالية لهذا الموضوع

المفضلات

المفضلات

ضوابط المشاركة