المشاكل الى انا اقصدها يا جماعه اغلبنا يعرفها لو بيركن فى جراجات
1- الخرابيش والخبطات ودى نتيجه ان السايس مش بيسوق كويس او مستتهتر او من واحد داخل ياخد عربيته او طالع بعربيته ومستعجل ودى علاجها زى مقولتلك سايس نضيف ومحدش يدخل او يطلع بعربيته لا يسيب العربيه على الباب ويستلها على الباب وده بحصل فى اغلب الجراشات عاوز العربه بيستنى تدخل تجبهاله والعكس
وبرضه الحذر لا يمنع القدر اكيد حتخيش منك عربيات فيه الى بيعدى وفيه الى صاحبها مبيسكتش
2- لو صاحب العربيه من النوع الى بيحب يرمى بلاه يعنى يجيبلك العربيه مخيشه او مخبوطه ويقولك تانى يوم انا العربيه جايبها سليمه
ودى حلها تاخد بالك من اى عربيه وانت بتستلمها ولو فيها اى خبطه تلفت نظره ليها وتقوله عليها عشان ميبقاش ليه حجه
3 - المتعلقات الى موجوده فى العربيه دى اهم حاجه تعمل يافطه كبييييره ان الجراش مش مسؤل عن المتعلقات الشخصيه زى الفلوس والموبايل واللاب توب والحاجات دى برضه عشان تخللى مسؤليتك لو حصل حاجه لاقدر الله
4- لو حتعمل بالنظام الى انا بقولك عليه بتاع محدش يدخل يدخل عربيته او يطلعها حضمن 75 % ان مفيش حاجه تتسرق من عربيه زى العلامات ولو الشنطه مفتوحه يتاخد منها كوريك وهكذا لان مش كل الى حيركنو عندك محترمين ممكن تلاقى سواق تاكس او نص نقل بيجرش عندك عادى يعنى
5- خلى بالك من السايس او اى حد شغال تحت ايدك لانهم بيحبو جداااااااااااااااا يركبو العربيات ويشغلو الكاسيت او لو فيها dvd وعده صوت وده طبعا حيجيبلك مشاكل ابسطها البطاريه حتنام ويجى يدور العربيه الصبح متدورش
6- موضوع الفلوس ده بقى طبعا اغلبنا عارفين انه لازم تدفع مقدم وده النظام الى ماشى بس اكيد حتلاقى ناس مدفعتش وناس بتدفع على مراحل وهكذا طبعا انت وشطارتك ودى محدش حيدخل فيها غيرك
بس لو عدد العربيات الى عندك كتيييير يبقى لالالالالالازم تعمل ايصالات انت مخك مش دفتر وغير فيه ناس بيستعبطو ويقولك ما انا دفعتلك وكده
فالايصال افضل حاجه ليك وللزباين وتعرفه انه يحتفظ بيه
ده الى فاكره دلوقتى ولو فيه حاه تانيه افتكرتها حكتبها عشان اى حد يستفيد
المفضلات