مشروع جراج ......ممكن ينجح ازاي ؟

**medomaster** · 19-12-2010 01:01 AM

بسم الله الرحمن الرحيم
نخش في الموضوع على طول ...انا ووالدي كنا قاعدين مع واحد صديق لوالدي فكان بيقوله ان في جراج جمبينا عاوز يتأجر تحت عمارة يعني ...فقلناله الإيجار كام قال 5000 شهريا والجراج يسع 150 سيارة .....فوالدي قالي دا ممكن يبقى مشروع كويس ودا لأن المنطقة اللي ساكنين فيها يكثر بها الركنة صف ثاني عشان مفيش جراجات في المنطقة كتير وال موجود بيبقى FULL وسألت على موضوع الإشتراكات وكدة قالولي ان الإشتراك في الشهر بيبقى 100 جنيه مع مسح السيارة يوميا وغسيلها 4 مرات شهريا ....فكنت عاوز اعرف منكم ايه رأيكم في المشروع دا وايه مشاكله اللي ممكن تبقى موجودة والواحد هيحتاج ايه عشان يفتحه من انفار يعني وكدة ....انا الصراحة شايف ان المشروع مربح جدا لو تمت ادارته صح ومشاكله تكاد تكون معدومة فكنت عاوز اعرف ارائكم ولو حد ليه خبرة في الموضوع دا ممكن يفيدني ياريت ...وربنا يخليكو ليا يارب (معلومة : احنا بنركن العربية في الشارع عشان الجراج اللي تحت البيت مليان ..فدي أول مصلحة من المشروع دا )

**A.Saad** · 19-12-2010 07:30 AM

مشروع كويس
بس فيه مشاكل
لو السايس مش امين ، ممكن يسرق حاجة من جوة عربية او يسرق عربية نفسها
ركنة غلط او طلعة غلط تخلى عربية تتخبط
الافضل
تثبت لكل واحد باكية
بلاش ركن فى الممرات لانه بيخلى المفاتيح مع السايس او يسيب العربية متمورة وتتزق
ولو اوتو مشكلة ،
تخلى عندك نمر اصحاب العربيات وبيانات كل عربية
ولو لسه حد جاى تشوف رخصة العربية وانها باسمه
تخللى فيه طفايات حريق
السايس هيكون شبه مقيم فى الجراج
ما يولعش نار يعمل اكل ولا يدفى
ممكن تجيب له سخان كهربا او بوتجاز كهربا
الكلاب ما تتربطش جنب العربية علشان ما تخربشهاش
انا خبرة ركن فى 4 جراجات
وبعدين الركن صف تانى حاجة والمبيت حاجة
يعنى مش تقارن ده بده
وسط البلد الصبح لحد 9 بالليل
صف تانى
بعد كدة هتلاقى اماكن مبيت
لكن لو العربيات ليلا فيها مبيت صف تانى يبقى كويس وايراد

**medomaster** · 19-12-2010 07:05 PM

المشاركة الأصلية كتبت بواسطة misoalex

عشان ينجح لالالالالازم سايس صح ويكون امين وبيعرف يسوق طبعااااااا
وحتحتاج مساعد ليه

وانت تتابعهم كويس جدااااااااا

ومين قال لحضرتك ان المشروع ده مفهوش مشاكل بالعكس ده كله مشاكل انت كده شايل عندك 150 امانه كل امانه فيهم مصيبه

لو عاوز المشاكل الى بتحصل ارصهالك بس انا مش عاوز احبطك
لكن لو فتحت عينك كويس جدا وتابعت الشغل كويس يبقى مفيش مشاكل ان شاء الله

بالنسبة للسايس والمساعد انا ممكن اجيب ناس اعرفهم وامناء واقامتهم هتبقى شبه دائمة في الجراج واديله مبلغ كويس برده ...اما بقى بالنسبة للمشاكل ياريت توضحلي برده المشاكل عشان ابقى عارف حلولها من الأول وما اتفاجئش بيها في النص كدة و ان شاء الله مفيش احباط ولا حاجة

المشاركة الأصلية كتبت بواسطة a.saad

مشروع كويس
بس فيه مشاكل
لو السايس مش امين ، ممكن يسرق حاجة من جوة عربية او يسرق عربية نفسها
ركنة غلط او طلعة غلط تخلى عربية تتخبط
الافضل
تثبت لكل واحد باكية
بلاش ركن فى الممرات لانه بيخلى المفاتيح مع السايس او يسيب العربية متمورة وتتزق
ولو اوتو مشكلة ،
تخلى عندك نمر اصحاب العربيات وبيانات كل عربية
ولو لسه حد جاى تشوف رخصة العربية وانها باسمه
تخللى فيه طفايات حريق
السايس هيكون شبه مقيم فى الجراج
ما يولعش نار يعمل اكل ولا يدفى
ممكن تجيب له سخان كهربا او بوتجاز كهربا
الكلاب ما تتربطش جنب العربية علشان ما تخربشهاش
انا خبرة ركن فى 4 جراجات
وبعدين الركن صف تانى حاجة والمبيت حاجة
يعنى مش تقارن ده بده
وسط البلد الصبح لحد 9 بالليل
صف تانى
بعد كدة هتلاقى اماكن مبيت
لكن لو العربيات ليلا فيها مبيت صف تانى يبقى كويس وايراد

احنا عندنا بليل صف تاني كل الشارع ويمكن الثبح مبيبقاش فيه ناس كتير صف تاني عشان بتبقى في عربيات برة بس برده ساعات الشارع بيتقفل من العربيات الصف تاني وعربيات كتيــر بتتخبط من الموضوع دا ....اعشان كدة الموضوع زغلغ في دماغي وكدة وموضوع السايس دا انا ممكن اجيب اسرة كاملة تعيش فيه وافهمهم الأساسيات وبرده اتابعهم على طول ويبقى عنيا عليهم ...وبالنسبة لموضوع الرخصة دا انا لازم اشوف كل الرخصة واشوف التوكيلات وكدة ولا هتبقى تقيلة على الناس اني اقولهم كدة ؟

المشاركة الأصلية كتبت بواسطة ahmed4000

حسب المنطقة هل هى منطقة اغنياء ولا لا

لانهم لو مش مرتفعين المستوى مش حيرضوا يدفعوا اشتراك تحت بيتهم

هل ياترى منطقة عليها رجل يعنى ناس كتير بتيجى يبقى حتبقى كويسة للزائرين اللى بيغلبوا على مكان

ممكن لو هو مساحته كبير تستخدمه كمان ككار كير وتعمل شغل بيه وباسعار رخيصة فى الاول

المنطقة مستواها مرتفع ودي اسعار الجراجات حولينا وانا عن نفسي نفسي الاقي جراج ونزلت كذا مرة انا وواحد صحبي ندور في كل العمارات اللي جمبنا وبرده ملقيناش ...بس هو عادي ان جراج عربيتك يبعد مثلا عن بيتك ناصية ولا ايه ؟؟؟؟؟ وبالنسبة للمساحة فالجراج كبير جدا ماشاء الله وانا فكرت اني اعمل فيه مغسلة مثلا او حاجة زي كدة على صغير تدعيما للدخل منه يعني .....بس مشعارف ايه حوار الكار كير دا ....؟؟ وهل هيحتاج تراخيص ولا هيبقى بيني وبين المستأجرين ؟
وبعدين انا كنت عاوز اسألكو سؤال ...هو الموضوع دا بيبقى بعقد ولا بيبقى ازاي ولو واحد مدفعش ايه اللي بيحصل وكدة ...وشكرا جزيلا ليكو

**A.Saad** · 19-12-2010 07:21 PM

اصحاب الجراجات كانوا بيقولوا
فيه ناس مش بتدفع كل الايجار وفيه ناس بتاخر الايجار
وفيه ناس بتبقى محترمة
بس محدش بيكتب عقد
ومحدش بيدى وصل الا قليل وغالبا لو عربية شركة
انا عن نفسى كان ممكن امشى 5 دقايق للجراج
دى حسب كل واحد فيه اللى عايز عربيته جنبه وفيه لا

**medomaster** · 19-12-2010 08:13 PM

والمفروض اللي ميدفعش دا أصبر عليه ولا امنعه من دخول الجراج ....ولا ممكن يقفش مثلا ويمشي لو عملت كدة ؟

**A.Saad** · 19-12-2010 09:02 PM

انت وتصرفك
اللى ما بيدفعش ده كان محامى
فجايز الراجل سكت علشان كدة

**A.Saad** · 19-12-2010 09:14 PM

ما هو مبيدفعش
دى عادة مش مرة وخلاص

-

-

-

الموضوع: مشروع جراج ......ممكن ينجح ازاي ؟

LinkBack

أدوات الموضوع

عرض

مشروع جراج ......ممكن ينجح ازاي ؟ - انشر الموضوع فى :

-

-

-

-

-

-

المواضيع المتشابهه

استشارة فى مشروع جراج ..... ياريت المشاركة من الجميع

عندي فكره بس مش عارف انفذها ازاي... مشروع تبادل اشرطه دينيه

مشروع تخرج (قاعدة بيانات) ابيعه ازاي؟

ممكن استشاره في مشروع

ايه افضل مشروع الواحد ممكن يعمله

الكلمات الدلالية لهذا الموضوع

المفضلات

المفضلات

ضوابط المشاركة