سلامو عليكو
النهردة كنت رايح اشترى عربية سكودا اوكتافيا 2011 ولما الراجل قالى ان الجيتا 2011 اول فئة فيها مثبت سرعة وبلوتوث ومالتيفنكشن انا غيرت رائى وقلت اجيب الجيتا .
بس لما قلتله اشوفها قالى مش موجود عندى غير الفئة التانية الى الحاجات دى موجودة فيها اصلا.
فانا مش مصدق او عايز حد يأكدلى ان الفئة الاولى فيها فعلا ا الحاجات دى ولا الراجل بيقول اى كلام، الكلام
ه كان فالمصرية ...
والف شكر مقدما:)
انا اشك في الكلام دا و محتاجين حد ياكد
ايه يا جدعان مفيش حد يفيدنا فالموضوع ده ؟
انا بصراحة ماعرفش اذا كانت الجيتا فيها ولا الا
بس اللى اعرفه ان المصرية دول نصابين ومش ناس كويسة للتعامل معاهم
انا من رايى شوف اى حد تانى يكون كويس
زى اباظه بيشكروا فيها اواطلع على التوكيل اضمن حاجة
للأسف هذا الكلام غير صحيح
الفئة الأولى : ستبترونيك و تكيف و زجاج كهرباء
الفئة الثانية طارة ملتىفانكشن و حساس ركن خلفى و أنذار ضغط الهواء بالأطارات و جنوط سبور
الفئة الثالثة فتحة سقف و فوج لايت أمامى و الأنوار الأمامية زينون و حساس ركن أمامى أيضا (أحيانا منها بالفرش الجلد الطبيعى.
أعتقد البلوتوث محتاج يتركب فى الفئىة 2 و 3 حيث الزرار موجود بالطارة و لكن غير فعال (مش متأكد بالنسبة للفئة 3 بس اكيد فى 2 الزرار مش شغال)
نصيحه مني سيبك من المصريه للسيارات نصابين روح لاي حد تاني موثوق فيه
أنا كنت في أوتوا ميشو امبارح و جتا اقل فئة مفيهاش حاجة غير إزاز كهربا ومريت كهربا بس
ونصيحة كمان بلاش تشتري جيتا دلوقتي عشان خلاص الشكل الجديد هينزل
الف شكر يارجالة على الردود
فعلا كلامك صح والراجل بتاع المصرية كان بيشتغلنى ، انا روحت الطارق امبارح ولقيتها زى ماهى مفيهاش اى حاجة زادت
انا كدة صرفت نظر عنها وخش فالاوكتافيا ان شاء الله ..
الف شكر تانى :)
ياريت تصبر شوية المفروض ان الاوكتافيا والجيتا أوربي يعني في تخفيض في الجمارك مجتش من شهر وانت اولى بالفرق دا اي كان الفرق ( مع إني شاكك في موضوع التخفيضات لان مفيش حاجة بترخص في مصر حد يصدق ان المازدا 3 2009 كانت 115 الف )