اولا كل مهنة فيها الكويس والوحش يعني ماقدرش اقول ان 90% من الصيادله تجار مخدرات ولا اقدر اقول 90 % من الاطباء نصابين وواخدين الطب تجارة ومقدرش اقول ان 90% من المحاسبين حراميه لكن طبعا اكيد فيه محامين معدومين الضمير وبيكونو معروفين للناس والناس بتحب تتعامل معاهم رغم سمعتهم السيئه علي اعتقاد ان ده محامي صايع وهيعملو اللي مايتعملش ولازم الناس تعرف ان المحامي الذي يستعمل الاساليب الرخيصه ضد خصومه تاكد ان نفس الاساليب هيستعملها ضد موكله اذا المشكله في الناس قبل المحامي لاننا كمحامين معروفين في اماكن شغلنا ومعروف كل محامي وسمعته
الامر الثاني الناس هنا كلها حكمت علي روايتك انت ومن الممكن يكون هناك خلفيات معينه منعرفهاش ودائما عندما يصدر القاضي حكما لازاما عليه ان يستمع الي جميع الاطراف حتي يصدر حكما عادلا وده مش تشكيك في روايتك ولا دفاعا عن المحامي
لكن انت عندك حل غالبا هتكون نتيجته ممتازه وهي
اولا تسئل في المنطقه عندك عن محامي كبير سنا ومقاما بين المحامين يعني من الاخر المحامين بتحترمه وحضرتك تحكيله الموضوع وتاكد ان الموضوع هيتحل فورا لان المحامين فيهم ميزه وهي احترام الاكبر والاقدم مهنيا