الموضوع: استشارة قانونية ..

المشاركة الأصلية كتبت بواسطة wassim_nasser

مساء الخيرعلى رجالة المنتدى .. انا كان عندى مشكله قانونية وعايز رأي محامين المنتدى .. الموضوع بإختصار ان كنت موكل محامى فى قضية وكنت متفق معاه على مقدم اتعاب الف جنيه وزيهم مؤخر .. والراجل خد الالف المقدم واشتغل وكسب القضية ورحت اديله المؤخر و قابل بأة جليطة وقلة ذوق و يا إما ادفع الفين يابلاش .. اقوله يامتر ازاي متفقين على الف مؤخر وانت عايز الفين ليه مش كان فيه اتفاق ولا شغالين بالبركة .. المهم كلمة من هنا كلمة من هنا رمى الفلوس ف الارض .. انا بهدوء لميت الفلوس من ع الارض ومشيت ودلوقتى باعتلى انذار على يد محضر عايز مؤخر الفين .. انا مش حازز ف نفسيتى إلا الحركة اللى عملها وعايز اعرف اتصرف ازاي وشكرا لسعة صدركم

حصللي موقف مشابه, بس ماوصلتش أنو رما الفلوس, و في الأخر بعد الصلح مابيننا أديته اللي هو عاوزه بس بعد ماسمعته كلمتين عن قيمة الوفاء بالكلمة, قال تعالى في صدر سورة المائدة( يَا أَيُّهَا الَّذِينَ آمَنُواْ أَوْفُواْ بِالْعُقُودِ )
والحقيقة أن قدامك حل من أثنين أما تديله اللي هوا عاوزه- ده لو رضا لأن تصعيد الموضوع من طرفه له دلالات - أو تشوف محامي أكبر و أغتت منه يقرفهولك بمعرفته بس ساعتها ممكن تدفع أكتر من ألفين جنيه, و في النهاية رأيي أن تتصالح فالصلح خير. وبسيطة أن شاء الله

رأيي ياباشا بحكم احتكامي مع محاميين كتير زمايلي وبسمع منهم على بلاوي
اولا تلغي التوكيل اللي انت عامله ليه
ثانيا لازم تحل الموضوع ودي وتوسط ناس ما بينكم
بس لازم ينتهعي ودي
لان بجد سكك الناس دي وحشة وممكن بسهولة يأذيك (مش تهديد والله بس للاسف هم فيهم فئة واطية )
معلش تعالى على نفسك شوية واشتري نفسك بالفلوس بس بعد ما تاخد حقك بالادب برضه عن حركة رمي الفلوس دي

انا مش عايز اكركب بطنك على اللي ممكن يعمله معاك ويأذيك ازاي