لاحظت ظهور دخان ابيض من الشكمان او ما ادور العربية ولما شميته لقيت فيه بنزين ني
رحت للميكانيكي قالي في اول الدوارة عادي ده بخار ماء ولما العربية بتسخن خلاص بيختفي
طيب وريحة البنزين دي؟
قالي عادي
بصراحة انا مش مقتنع ايه راي الخبراء؟؟؟؟؟؟؟
عرض للطباعة
لاحظت ظهور دخان ابيض من الشكمان او ما ادور العربية ولما شميته لقيت فيه بنزين ني
رحت للميكانيكي قالي في اول الدوارة عادي ده بخار ماء ولما العربية بتسخن خلاص بيختفي
طيب وريحة البنزين دي؟
قالي عادي
بصراحة انا مش مقتنع ايه راي الخبراء؟؟؟؟؟؟؟
لا مؤاخذة يا حضرة مصمم المواقع غلط انك تحط انفك في الشكمان اوع تعمل كدة تاني علشان صحتك وفعلا عادي
وانا ححط انفي جوه الشكمان برده؟؟؟؟؟؟؟
ده حتي عيب
انا شميته من بعيد لبعيد كدا عشان اشوف ريحه اية اللي طالعه منه دي
وانت متأكد ان كدا عادي؟ عربيتك بتعمل كدا برده؟؟؟؟؟؟
شوفت بك السلانسية ... يمكن يكون عايز يتنضف .... احيانا بيسسب الريحة دي ... واحيانا كمان بينزل قطرات بنزين من الشكمان لو مش نضيف
ياسيدي متخدش المعني الحرفي للكلمة دي استعارة مبالغة خوفا علي صحتك مش اكتر بس يا ريت نعرف فيه بيك سلانسيه في العربيات الانجكشن ولا لا
على ما اعتقد اسمه حساس الايدل idle control
بس العربية كاربراتير مكواة 2003
مش انجكشن
طيب هل في استهلاك في الزيت (بتاكل زيت ) وبالنسبة للبوجيهات غيرتهم امتي
والله ياشوتر
عندي نفس المشكلة
دخان أبيض الصبح..ودخان أبيض لما بقررررص
ونقص الزيت شوية
وحرق بنزين أكتر من اللزوم
وريحة العادم بشمها وأنا في الصالون مع القرررص على الغيار شوية
بس أنا الأيام دي مكبردمااااااااااغي
علشان خلال الكام أسبوع الجايين...ناوي على موتور 1600 مانيوال إن شاء الله
أحتمال يكون العربية عاوز يتعملها كاوتش الصباب ما تخافش دى مش عمرة و لا طقم شنبر لآ كاوتش الصباب ممكن هو الى ممكن يسبب العيب دة
تصدقوا عندي نفس الاعراض دي
هي انفلوانزا لانسر ولا ايه
لا ياجماعة دي طبيعة الجو اللي احنا فية ومحدش يلعب في عربيووووووووووووووووو نهائيييييييييييييييييييي انا والدي كان بر وقالي ان الجو برا بيجلي العربيات كلها كدا ومع التغير في الجو والمطر وازدياد الرطوبة النسبية بيخلي احتمال دخول الرطوبة للموتور كبيرة وبالتالي يحصل الكلام دا والحكاية دي بتكون ظاهرة اوي في الكاربيراتير عن الانجيكشن لاكن موجودة في الاتنين
ياجماعة لازم تخدوا بالكو الاول
بين البخار الابيض اللى بيخرج من الجكمان وبيصاحبة نقط مياة لما تكون العربية لسة بتسخن
لأن زى ما وضح العضو فى المشاركة السابقة الرطوبة والجو البارد هو السبب فى الموضوع دة.
طالما الزيت مظبوط مفيش نقص يادوب ممكن نسبة تبخر الزيت وبتكون حاجة بسيطة ومتأكد ان دة مجرد بخار يبقى فى التماموز .
استاذ احمد بالنسبة لموضوع نقص الزيت دة ......... اتأكد ان مفيش اى ترشيح فى المكنة وحتى لو خفيف جدا الاول
ومش ممكن بردو يكون النقص دة نسبة تبخر الزيت بس دة بيكون حاجات بسيطة اوى .... هو الزيت بينقص تقريبا قد اية او بتزود قد اية .