عربيتى اتحكت مرتين من تحت ومش عارف اعمل اية

**magedm2007** · 19-12-2010 11:28 AM

صباح الفل
انا عندى بيكانتو مو2010 وصدقونى مش عارف اعمل اية انا ساكن فى شارع متفرع من شارع القومية بأمبابة وكل يوم بمشى من شارع القومية اللى مكسر بقالة 100 سنة ومش عايزين يصلحوة واخيرا ابتدوا يشيلو الاسفلت المكسر ويخلوا الشارع على التراب لسفلتة والمعاناة فى انى عايز ادخل الشارع بتاعى من شارع القومية والمشكلة ان البهوات مش عملين جزء يسهل الدخول للشارع الفرعى بيبقى الشارع الرئيسى مستواة اقل بكتير من الشارع الفرعى ففى الدخول والخروج العربية بتحك من تحت حكة جامدة ومش عارف اعمل اية وخايف تكون حصلت حاجة من تحت ربنا يسترها .

وشكرا

**sara2001** · 19-12-2010 10:53 PM

حضرتك تقصد ب اتحكت كذا مره
زي ما بتتحك في المطبات مثلاً
لو كده العربيه عندي حكت في مطبات كتير في الطريق
ومفيش حاجه حصلت الحمد لله

**ma3lenahhh** · 20-12-2010 01:24 PM

اعتقد ان شاء الله زى ما صديقنا بيقول انها عاليه و مش هيكون مؤثر فيها بس متهيالى برضه تشوف مكان تانى عشان تدخل منه للشارع و راى الشخصى ابقى روح كده ارفعها فى البنزينه و بص عليها من تحت عشان تطمن و متبقاش قلقان و ان شاء الله مش هتلاقى اى حاجه
هو البيكانتو فيها جارد من تحت ولا لا ؟ عشان انا من ساعه ما جبتها مانزلتش من تحت و شوفت بس لما اكون من فوق بشوف الارض عادى خالص و لو مفهاش ينفع اركب انا جارد ليها و لو ركبته هياثر على حاجه فى العربيه ولا اسيبها زى ما هيا و خلاص ؟

**magedm2007** · 20-12-2010 02:54 PM

شكرا لإهتمام سيادتكم وانا فعلا غيرت طريقى خالص عشان الشارع جبلى نقطة وهيخرب العربية وهكشف عليها فى القريب العاجل

**sara2001** · 20-12-2010 10:41 PM

المشاركة الأصلية كتبت بواسطة ma3lenahhh

هو البيكانتو فيها جارد من تحت ولا لا ؟ عشان انا من ساعه ما جبتها مانزلتش من تحت و شوفت بس لما اكون من فوق بشوف الارض عادى خالص و لو مفهاش ينفع اركب انا جارد ليها و لو ركبته هياثر على حاجه فى العربيه ولا اسيبها زى ما هيا و خلاص ؟

يعني ايه؟
ممكن توضيح