الزجاج اتكسر والشنطة أتسرقت
الحمد لله - كنت راكن في شارع جامعة القاهرة امام باب هندسة الساعة السابعة مساء و غيبت عن العربية حوالي ساعة رجعت لقيت الزجاج اليمين الامامي اتكسر وسرقوا الشنطة وكان فيها أوراق خاصة بشغلي- المهم العربيه بتتصلح في التوكيل وهي في التامين مش ده المشكلة .
المشكلة اني عاوز أركب انذار في التوكيل قالو مفيش طيب اركب بره قالك الجزء الى حد هيشتغل فيه هيخرج من الضمان.
انا طلبي للناس الجامدة الى تعرف تبعت اميلات للشركة الام يطلبوا منهم ان يبعتوا قطعة غيار عبارة عن انذار ويلزموا التوكيل بتركيبها لأني أعتقد لو كان فيه انذار في شارع عمومي زي كده على الاقل الحرامي كان هيكسر الزجاج ومش هيسرق حاجه من العربية لأنه هيجري.
و آسف على الاطالة - يا ريت رد وحلول.