عرض للطباعة
السلام عليكم ورحمه الله و بركاته
لسة حاخد الفرنا بتاعتى الجديدة ال 1600 اروح المرور ارخصها (بس خايف من كام لجنه الى حقابلها فى السكة من غير ارقام للعربية لحد موصل المرور) انا استلمتها بوصل بتاريخ 20-3 و المبايعة بتاريخ 19-3 بس لسة مرحتش المرور
المهم اى الاوراق المطلوبة و الاجراءات و كمان التكلفة الكلية لترخيص 3 سنين
و الطفاية وزنها اى كيلو ولا كيلو و نص و بكام؟
هي قسط ولا كاش
بص يا سيدي
انا لسة مرخص امس
1- بتاخد من البائع ورقه المبايعة (جواب المرور) مثبت به رقم الشاسية ورقم الموتور
2- تروح مرور بين السرايات لختم الجواب السابق (اعتماد البائع ) ( 5 جنية)
3- ترجع للمرور اللي انت تبعة (عنوان اقامتك)
4- تشتري ورق ترخيص ثلاث سنوات (45 جنية)
5- تأمين ثلاث سنوات (215 جنية)
6- تشتري طفاية 1 كجم (100 جنية )
7- ترفع البصمة
8- تذهب للفحص الفني
9- تعود لشبابيك الترخيص لدفع الضريبة ثلاث سنوات (220 جنية)
10- تروح لشباك اللوحات تأخذ رقم لوحه علي الورق
11- تعيد الأوراق لشباك الترخيص وو تنتظر اصدار الرخصة
12 - تستلم الرخصة واستيكر الترخيص
متنساش تاخد بطاقتك - راجع علي بيانات الرخصة (رقم الشاسية - رقم الموتور - رقم اللوحة - السعة اللترية 1599 - اللون -....
13 - تعود لشباك اللوحات لإستلام اللوحة (طابق رقمها مع الرقم الموجود بالرخصة)
كدة اجرات المرور خلصت ....خد نفس عميق واحمد ربنا و صلي علي المصطفي
14- لو اللوحات قديمة روح بالمرة لخطاط يظبطهالك
15-روح لسمكري يربطهم ... وخلاص كدة .. مبروك ربنا يديك خيرها ويبعد عنك شرها
ابقي اقرأ فيها سورة البقرة لتحل بها البركة و تبعد عنها العين
بالمناسبة وانا رايح ارخص كان فية لجنة علي الطريق ووقفوني بس الحمد لله الظابط كان ذوق قالي فين النمر شاورتله علي الأوراق وقلتلة رايح المرور ارخص قالي اتفضل
كاشاقتباس:
المشاركة الأصلية كتبت بواسطة Nile_Storm
بس دا يفرق فى اى ؟
بالنسبة لاعتماد البائع دا اى ؟ انا شاريها من اسكندرية و الورق فية 3 اختام منهم ختم نسراقتباس:
المشاركة الأصلية كتبت بواسطة abozayed
بالنسبة للطفاية متناكد واحد كيلو ولا كيلو و نص ؟
كمان مقولتليش اى اسماء النماذج الى حجبها و املها ولا اروح لبتاع التصوير اخد ملف كامل فاضى بورقة و خلاص
يبقي انت اكيد في مصر :pاقتباس:
المشاركة الأصلية كتبت بواسطة ABOZAYED
بالنسبة لاعتماد البائع دا اى ؟ انا شاريها من اسكندرية و الورق فية 3 اختام منهم ختم نس
بيتهايئلي ان كدة خلاص .. انا كنت اخد ورقة المبايعة عليها ختم غبور بس
ولما روحت بين السرايات ختموها بالنسر
بالمناسبة الإجراءات دي علشان العربية تصنيع محلي .. المستورد بتزيد شوية اجراءات (تقريبا ورق الإعفاء الجمركي وشهادة بيانات ...)
الطفاية مش متأكد بس انا بشوف معظم الناس اللي بترخص ملاكي بترخص بطفاية كيلو
بالمناسبة ابقي شوف تاريخ انتاجها لأن ليها تاريخ صلاحية (يكون انتاجها سنة 2008)
بالنسبة للنماذج روح مكتب التصوير اشتري ملف (ترخيص جديد ) وصور البطاقة (صورتين مثل ) وبعدين روح لشباك التراخيص الجديدة وها يدولك ورقة تروح بيها الخزنة تدفع 45 جنيه وتاخذ النماذج
ياباشا انت عامل حسابك بالرشوه ولا من غير الرشوه؟
لو من غير معاك وسطه ولا مش معاك
لو من غير ربنا يعينك حتى لو كل ده معاك قبل متروح
تفرق في مده الترخيص لان بالقسط غالبا الترخيص يتجدد سنويا
أكد رسول الله صلى الله عليه وسلم على هذا المعنى فقال: >الراشي والمرتشي والرائش في النار<، قالوا ومن الرائش يا رسول الله؟، قال: >الساعي بينهما بالرشوة<اقتباس:
المشاركة الأصلية كتبت بواسطة volkeswagin