الموضوع: تصميم 516

أخيرا ياegypt0777 قلت ميزة كويسة فى العربية ورفعت معنويتنا شوية الله بخليك ,خد راحتك مع أبو الفتوح بس العربية ملهاش زنب الله يكرمك لحسن الواحد بيحس وهو راكبها أنها هتتفك منة حتة حتة وهو ماشى ,
ومن ناحية الشكل , هو بس لو كانو لموا الشنطة شوية من الجناب ودوروا الزوايا وخلوا الأكصدام الخلفى بارز شوية لأن عيب الموجود عدم بروزة للخارج بشكل كافى لأنة مش بيمنع الصدمات عن غطاء الشنطة ولكدة لو لاحظتوا أن معظم السيارات بها خبطات ونوغذ فى غطاء الشنطة , لوكانوا عملوا الشكل دة مكانش هيبقى للعربية دى حل وبعدين ممكن نعمل تعديل فى الشكل بحيث يدى أحساس بصغر الشنطة ويدى شكل جميل ويحسن من الشكل وهو بوضع شريط كاوتش أسود عريض فى منصف الأكصدام أودهان النصف السفلى للأكصدام بلون أسود مما يعطى بأحساس بصغر الشنطة , و الحقيقة أنا شفتة لايق على التكسات مع اللون الأبيض بس مش عارف ممكن يليق على الألوان التانية ولا لأ بس بيتهيألى لو هتدهن نصف الأكصدام السفلى أسود لازم كمان تدهن العتب تحت الأبواب والجزء السفلى بتاع الأكصدام الأمامى . أية رأيكم ولا دة ممكن بعتبر ولامؤخذة عك ومع كل ذلك أنا شايف أن العربية دى كويسة وأحسن كتير من غيرها اللى فى نفس فئة السعر من كل ناحية ومناسبة تماما للناس العمليين والعائلات واللى عايزين عربية تخدمهم مش للغاويين جرى وتخميس وغرز يعنى هى عربية عائلية وقورة وتؤدى الغرض بأمتياز لكن من ناحية التوكيل والصناعة المصرية هو دة حالنا وطبعنا الظاهر اللى عمرة ما هيتغير للأسف ولازم نستحمل .تحياتى.