السلام عليكم أهالي نايل موتورز الكرام:Oc_sun1[1]:
كنت عاوزة اسأل عن شركة تقدر توصلي حاجة خارج مصر..تكون سعرها كويس,,
مش عارفة أرامكس بتشتغل كمان برا مصر ولا لأه..
وكمان عاوزة أعرف متوسط الاسعار لو حد يعرف اذا سمحتم:B4_611:
عرض للطباعة
السلام عليكم أهالي نايل موتورز الكرام:Oc_sun1[1]:
كنت عاوزة اسأل عن شركة تقدر توصلي حاجة خارج مصر..تكون سعرها كويس,,
مش عارفة أرامكس بتشتغل كمان برا مصر ولا لأه..
وكمان عاوزة أعرف متوسط الاسعار لو حد يعرف اذا سمحتم:B4_611:
السلام عليكم
موضوع الشحن ومعرفة الشركة اللى هتقوم بالشحن والاسعار يتوقف على الاتى
حجم الشحنة
وزن الشحنة
مكان وصول الشحنة
لو الحجم والوزن صغير او متوسط ( كرتونة صغير او اتنين ثلاثة )اى شركة كورير ارامكس - دى اتش ال- يو بى اس والتكلفة بتكون متوسطة حسب الوزن او الحجم ايهما اكبر
لو الحجم والوزن متوسط او كبير بتحتاجى شركة شحن وتخليص جمركى لخفض التكلفة ويتم الشحن داخل صندوق خشبى وعملية الشحن دى تسمى LCL والاسعار بتبقى حسب ال destenation
أرامكس أساس شغلها برا مصر
انتي الاول بتروحيلهم وبتفتحي صندوق بريد باسمك في فرع شركتهم في البلد المطلوبة وده برسوم تدفع مرة واحدة مدى الحياة
اول لما حاجة بتجب على الرقم البريدي بتاعك في عنوانهم (الى هو اصلا بمثابة عنوان ليكي) هم بيتولوا توصيلها لحد البيت عندك والتحصيل بعد التوصيل مالم تكن بضائع ليها جهات عرض ساعتها بيتصلوا بيكي علشان تيجي تخلصي الاجراءات
واي استفسار تحت أمرك
لاني لي سابق تجربة معاهم
ليه بس كدا ياحج أحمد..دنا غلباااااااااااااااااااااا ااان
انا برده عاوة تفاصيل يعني مثلا لو شنطة سفر متوسطة شنطة ملابس يعني...وعايزة ابعتها فرنسا ممكن تتكلف كام تقريبا واي الاجراءات اللي هتحصل
ولو هتعامل معاهم شهريا ممكن الوضع يختلف ولا هوا هوا؟
لو موصلتيش لحل لحد بكرة
ان شاء الله بالليل هقابل واحد صاحبي شغال مستخلص جمارك هسأله واجيبلك الرد
وممكن مؤقتا دلوقتي تبعتي لاشرف فتحي على الخاص لان هو برضه مستخلص جمارك أكيد هيفيد حضرتك
مين بينده؟؟؟؟
بصى يا ستى....
انتى قدامك سكه سفر.....آ...آ...قصدى إختيارين......!!
الحاجه بتاعتك لو فى حدود نص كيلو مثلا يعنى اوراق او هديه او موبايل او ما شابه...يبقى عليكى وعلى الكارير...أو خدمه البريد السريع بالمصرى...ارامكس او فيديكس او يو بى اس أو نت كارير اللى هو فى مكاتب البريد اللى لونها اخضر الجديده دى وعلى فكره هما اسم فقط لكن الشاحن الحقيقى فيديكس ومنصحكيش بالدى اتش ال الا لو حاجه سريعه التلف او مستعجله جدا..وحسب الحاجه رايحه فين ...يعنى كل شركه لها تعريفه شحن حسب الوزن والوجهه....
اما بقى لو شنطه سفر او كرتونه او اى حاجه زى كده...تقيله يعنى ...لغايه 45 كيلو بتحتسب بما يعرف بالحد الادنى للقيمه التسعيريه...يعنى لو شنطه هدوم مثلا يبقى حضرتك تشحينيها على شركه شحن اللى هيا نفسها شركه الطيران زى اير فرانس او لوفتهانزا او البريتش او حتى مصر للطيران.....
وهنا بقى هتضطرى توصلى الحاجه لقريه البضائع وتتعاملى مع الجمارك المصريه...مش هتدفعى رسوم لكن هتدفعى ارضيات وشهاده إجراءات..واكراميات وحلويات ..وفات فات وفى ديله سبع لفات....أو تتعاملى مع شركه شحن وتخليص يقوموا بالليله من اولها...لأخرها....
ها عايزى تسألى على ايه تانى؟؟!!
السؤال بعد كده بجنيه..!!!:Oc_sun1[1]:
خلونا نجوز البنات...
الله يكررررررررررررررررررررمك يا استاذ اشرف...
سدتها ف وشي هي فعلا شنطة سفر صغيرة..لكن عمرها متوصل 45 كيلو ابدا :(
ليه بس؟؟؟
حضرتك مفهمتنيييش...!!!
أنا أقصد أن فى حد أدنى للحساب..يعنى من كيلو ل 45 هتدفعى نفس المبلغ لكن بعد كده كل كيلو بيزيد بيتحسب مضروبا فى سعر شحن الكيلو....
عموما أنا هقولك اللى فهمته...
دى شنطه عايزه تشحنيها بدل ما تدفعى عليها على الطياره مبلغ كبير...
تعملى ايه بقى...لو انتى اللى هتقومى بالعمليه دى...
تحددى شركه الطيران اللى تحبى تتعاملى معاها....من خلال انك تسألى على سعر شحن الكيلو ولو عايزه اللى قدامك يفتكر انك فاهمه..(مثلا!) تقوليله الشنطه امتعه شخصيه ومش هتعمل وزن أكتر من المينيمم....وعايزه أعرف تكلفه بوليصه الشحن شامله البوليصه والوقود وكافه المصاريف...يعنى من الأخر هدفع كام؟ مش بس ال rate.. تمام...
ارشحللك اير فرانس لأنهم محترمين جدا ومعندهومش ارضيه للصادر...
يليها لوفتهانزا ولكن أغلى ويليهم البريتش ثم سويس اير ثم ال KLM...
وياريت تبعدى تماما عن مصر للطيران فى خدمه الشحن...
بعد ما تحددى هتشحنى الشنطه على اى شركه....تجيبى الجواز وتذكره السفر....ودول للجمرك...وتشترى شهاده ونصيحه لله...
وإنت رايحه متتكلميش مع حد غير موظفين الجمرك او شركه الطيران لأن فى فئه وظيفتها تستنى اللى ميعرفش حاجه زى حضرتك وتستغله وتعمل عليه أحلى شغل....
لو بقى عاوزه شركه تقوم بالكلام ده.....ممكن أدلك تتعاملى مع مين...!!!
شحن وتخليص ....وتوصيل للعميل هناك لو تحبى...وكله بحسابه....آ...آ..قصدى يثوابه...
لو شركة شحن سعرها حنين
tnt
البريد السريع اللى تبع البريد المصرى اللى اشرف قالك عليه
ايوووووووووووووون انا عاوزة من دا الله يخليكاقتباس:
لو بقى عاوزه شركه تقوم بالكلام ده.....ممكن أدلك تتعاملى مع مين...!!!
شحن وتخليص ....وتوصيل للعميل هناك لو تحبى...وكله بحسابه....آ...آ..قصدى يثوابه...
استاذ احمد سعد..متهيالي البريد المصري مبيشتغلش غير فلطرود الصغيرة تقريبا
طيب مادام فيها شحن مش تساليني يا ايس هانم :(
ارخص شحن لخارج مصر هو البريد السريع الممتاز
اول كيلو 75 جنيه و اي كيلوا اخر بعد كده ب 22 جنيه و الوزن لحد 30 كيلوا و بيوصل الطرد في 3 ايام
و فيه الريد العادي حلو بردوا و سعره ارخص من السريع لو الطرد وزنه كبير و بصل الطرد في خلال اسبوع الي اسبوعين
و ماتحوليش مع ارامكس او فيدكس لانهم مولعين نااااااااار
و لو البريد غالي ممكن بداله تشتري جمل تحطي على ضهره الصندوق و تبعتيه هو يوصلها
و احنا عارفين طبعا ان الجمل حيوان صحراوي يتغذى على العشب و يتحمل قسوة جو الصحراء
:d :d :d
ضحكتني والله ونا مليش نقس اضحك
طيب سؤال بخصوص نفس الموضوع يا جماعة
حد جرب يشترى مكونات كمبيوتر (Processor - Mother board - Vega - Ram ) من على النت ويستخدم العنوان اللى بتقولو عليه تبع ارامكس وبعدين ارامكس توصله للبيت؟؟
ولو ده حصل يتكلف كام؟؟
اول نص كيلو ب 70 جندي و اي نص كيلو بعده ب 43 جندي
و الجمارك انت و ظروفك ....... المامور مراته مريحاه نفسيا و معشياه عشوة حلوة و جاي الشغل مبسوط و مش عايز ينكد على حد ....... هتدفع قليل
مشبشباله و قارفاه و منكده عليه ..... هينكد عليك
جمارك الكمبيوتر و اجزاءه هي 10% بس ..... التريك انها مش 10% من قيمة الفاتورة ..... لا من القيمة التقديرية المقبولة من قبل الجمارك و دي ممكن تبقى اقل, يساوي او اعلى من الفاتورة ..... هي دي اللي فيها بند انت و حظك
بجد يجماعه انتو افدتو ناس كتير وانا واحد منهم عن الموضوع ده ربنا يبارك فيكم جميعا