الموضوع: مساعدة فى شراء سيفيك 1993

من بدايه ال 46 الي 48
و الله الموفق
قطع الغيار متوارفر و رخيصه مع واحد صحبي لكن اي اكس نفس الكماليات لكن بدون فتحه سقف عربيه 100/100

السعر على حسب الحالة والمصاريف اللى العربية محتاجها وهل بماتورها الاصلي ولا متسقطلها ماتور وحالتة كام؟ النظيف منها بيبدأ من أول 45 ألف وقطع الغيار متوافرة وأسعارها متوسطة، النادر هو الماتور الاصلي بتاعها + الكبالن بتاعته قليلة

المشاركة الأصلية كتبت بواسطة m3touk_85

تمام كده , واكتر حاجة انتبهت ليها فى الهوندات الاغراء يمعني ممكن تلقي عربية طالع عينها من بره بوهيه وخدوش لكن العربية اساسها من النوادر وعربية تانية جنوط وسماعات ويما هنا ويما هناك وشاسية ملحوم وخبطات او تركيب نص عربية خلوا بالكم من الحوار ده


اضافة يا هندسة كنت عايز اعرف هل ماتور ال si في كبالن صلايب بتكون مدور واخري مربعة ؟؟؟ داخل الاولة ( مش عارف اسمها ايه بس الصنايعية بيقولوا كده

صح الكلام ده عشان كدة طول عمرى أحب اشترى العربية أستوكايه بالكامل ويفضل ماتكونش لسه متجددة و راشه بره و مايكونش فيها جنط كمان وأروقها أنا بقى على مزاجى وأعدل فيها :)

اللى أعرفه انها كلها واحد بس في منها أطوال في قصير وفي طويل لو ركبت القصير هيهرب من الفتيس وهتسمع صوت تخبيط أول ما تطلع .. يعنى لازم تقيس الأول كويس على اللى عندك قبل ما تركب عشان ماتفكش الدنيا ثاني و تغرم كيلو ونص ولا 2 كيلو زيت فتيس

أعتقد الصنايعية بيسموها كبالن وصلة أو ( دكر و نتايه ) الدكر هو اللى متوفر والنادر هو النتايه :))

215 ألف كيلو مش كتير ولاحاجه يا ويل في مواتير الهوندا بس المهم الصيانات الدورية و استخدام نوع زيت جيد وتغير الزيت في ميعاده ومتابعة المياة كل يومين أو بصفة أسبوعية على الأقل بحيث ماتتسببش في زيادة حرارة الماتور وتلف أجزائة

مثال كان ليا صديق من مدة كام شهر عاوز يشترى هوندا Si المهم تم الكشف على عربيتين واحدة ماشية 110 ألف والثانية ماشية 285 ألف الماتور اللى كان عامل 110 طلع الكبس بتاعه 65% واللى عامل 285 ألف طلع كبسه 77% وفعلاً اشترينا الثانية مع انها عاملة كيلومترات كثير نسبياً نفهم من كدة انة ليس هناك علاقة ثابتة بين عدد الكيلومترات المقطوعة وحالة الماتور

المشاركة الأصلية كتبت بواسطة m_nabil

215 ألف كيلو مش كتير ولاحاجه يا ويل في مواتير الهوندا بس المهم الصيانات الدورية و استخدام نوع زيت جيد وتغير الزيت في ميعاده ومتابعة المياة كل يومين أو بصفة أسبوعية على الأقل بحيث ماتتسببش في زيادة حرارة الماتور وتلف أجزائة

مثال كان ليا صديق من مدة كام شهر عاوز يشترى هوندا si المهم تم الكشف على عربيتين واحدة ماشية 110 ألف والثانية ماشية 285 ألف الماتور اللى كان عامل 110 طلع الكبس بتاعه 65% واللى عامل 285 ألف طلع كبسه 77% وفعلاً اشترينا الثانية مع انها عاملة كيلومترات كثير نسبياً نفهم من كدة انة ليس هناك علاقة ثابتة بين عدد الكيلومترات المقطوعة وحالة الماتور

معلومة جامدة جداااااا... بجد الله ينور عليك
طيب انا قدامى واحده 92 ex ... بصراحة لسة مشوفتهاش بس صاحبها بيقول انها اول يد وماشية 250 الف وطبعا سليمة دواخل وعلى فكرة هى عربية استوك ... وبيقول كمان محتاجة ترش واللى فهمتة منة ان العربية من جوة حالتها 90% ومن برة 70% وطبعا من ضمن ال 70% الموتور وفى تلميحات ان المكنة ممكن تكون خفيفة ... هو بيتكلم فى سعر مبدئى 40 الف وممكن 39 بس بصراحة انا شايف ان السعر كتير شويية ... ياريت تقولى رأيك اية فى العربية دى عموما وبالنسبة لسعرها يكون كام .

المشاركة الأصلية كتبت بواسطة hamdymsr

معلومة جامدة جداااااا... بجد الله ينور عليك
طيب انا قدامى واحده 92 ex ... بصراحة لسة مشوفتهاش بس صاحبها بيقول انها اول يد وماشية 250 الف وطبعا سليمة دواخل وعلى فكرة هى عربية استوك ... وبيقول كمان محتاجة ترش واللى فهمتة منة ان العربية من جوة حالتها 90% ومن برة 70% وطبعا من ضمن ال 70% الموتور وفى تلميحات ان المكنة ممكن تكون خفيفة ... هو بيتكلم فى سعر مبدئى 40 الف وممكن 39 بس بصراحة انا شايف ان السعر كتير شويية ... ياريت تقولى رأيك اية فى العربية دى عموما وبالنسبة لسعرها يكون كام .

في الحالة دى لازم تروح تعاين العربية بنفسك أولاً لو استريحت نفسياً ليها تحاول تشوف أخر السعر مع صاحبها اية وهل هيمشى السعر ده معك ولا لأ، وبعدين تكشف عليها كويس وتعرف تقريباً محتاجه مصاريف اية وتكلفتها كام! وتكبس الماتور أقل من 70% ما أنصحكش هيبقى الماتور ضعيف وهيحتاج يتعمر أو يتغير بعد فترة مش بعيدة

النظيف في Ex في حدود 40 ألف فعلاً يقل أو يزيد حاجه بسيطة وربنا يوفقك