السنة الثانية من التخفيضات الجمركية على السيارات

**MAX_PIN** · 19-12-2010 01:43 PM

تترقب سوق السيارات المحلية تخفيض الجمارك على السيارات الأوروبية بحلول يناير المقبل للعام الثانى على التوالى، فى الوقت الذى قلل فيه عاملون فى السوق، من إمكانية تراجع الأسعار بشكل كبير، خاصة فى الفئات الأكثر مبيعا، مما يجبر وكلاء الشركات المنافسة، لاسيما الكورية واليابانية، على تخفيض أسعارها مع بداية العام الجديد.
قال المهندس عمر بلبع، نائب رئيس الشعبة العامة للسيارات باتحاد الغرف التجارية، إن هناك حالة من الترقب فى السوق لتطبيق الشريحة الثانية من تخفيض الجمارك على السيارات الأوروبية، وفقا لاتفاقية الشراكة الأوروبية الموقعة مع مصر التى تنص على إلغاء الجمارك نهائيا بحلول عام ٢٠١٩ ، بواقع ١٠% سنويا.
وأوضح بلبع، فى تصريح خاص لـ«المصرى اليوم»، أنه من المقرر تخفيض ١٠% إضافية من قيمة الجمارك على السيارات الأوروبية بحلول يناير المقبل، لتصل نسبة ما تم تخفيضه من هذه القيمة إلى ٢٠%، بعد أن تم تطبيق هذه الشراكة فى يناير من العام الحالى ٢٠١٠.
وأشار إلى أن هذا التخفيض سيكون له تأثير حتمى على السيارات المنافسة من الطرازات الكورية واليابانية، وكذلك على السيارات المجمعة محليا، خاصة فى الفئات «١٦٠٠ سى سى» التى يتوقع أن تنخفض أسعارها للعام الجديد بنحو ٢.٦%.
لكن المهندس علاء السبع، عضو مجلس إدارة الشعبة العامة للسيارات، عضو جمعية رجال الأعمال المصريين، أكد أن التأثير على أسعار السيارات لن يظهر قبل عام ٢٠١٤.
وقال السبع، فى تصريح خاص، إن انخفاض الجمارك، قد يظهر بشكل أكبر فى الفئات ذات السعات الأكثر من »٢٠٠٠ سى سى«، مضيفا أن هناك عوامل أخرى تتحكم فى أسعار السيارات الأوروبية، ومنها قيمة العملة التى يؤدى ارتفاعها إلى تضاؤل فرص تراجع الأسعار محليا.
وأكد أن عددا من الشركات الكورية واليابانية، اتجهت إلى الاعتماد على مصانعها بأوروبا فى توريد سيارات للسوق المحلية، كما سعت شركات أخرى إلى التواجد فى أوروبا بغية تحقيق هذا الهدف للاستفادة من مميزات اتفاقية الشراكة المصرية - الأوروبية.
ولفت إلى أن شركة نيسان اليابانية ستبدأ، خلال الربع الأول من العام المقبل، فى توريد سيارات موديل ٢٠١١ للسوق المحلية عبر مصنعها فى إنجلترا فى محاولة للاستفادة من تخفيض الجمارك المقرر مع مصر.

منقول من جريدة المصرى اليوم

**samcar** · 19-12-2010 01:52 PM

على فكره كل الوكلا اللى فى مصر - اللى مش حيوردوا على جنه ان شاء الله - رفعوا اسعرهم من بعد رمضان - طبعا علشان لما يحصل تخفيض جمارك يبقى السعر هو هو واحنا شعب مغلوب على امره - للاسف الحكومه - اللى كل روسها الكبيره هم شركا الوكلا ما يهمهاش غير النهب وبس

**MASERATI** · 19-12-2010 02:23 PM

السلام عليكم و رحمة الله و بركاته

أنا من رأيى أن اللى عاوز يستفيد من التخفيضات دى , يشترى العربية اللى هو عاوزها من بلدها , يعنى لو عاوز بيجو 407 , يجيب واحدة من فرنسا و يجيبها هو و يشحنها على مصر و يختار الأوقات اللى بيبقى فيها تخفيضات على أسعار العربيات فى نهاية السنة قبل ما موديل السنة الجديدة ينزل لأنى على مافتكر كان بيبقى فيه فى سويسرا, تخفيضات فى شهر 9 تقريبا من كل عام على موديلات السنة قبل ما موديل السنة الجديدة ينزل , بس عيب الموضوع ده أنه هيجيب عربية بمواصفات أوروبية , مش شرق أوسط و لا خليجى و مش هيبقى عليها ضمان هنا فى مصر .

**تامر.محمد** · 19-12-2010 02:57 PM

و ممكن يجيبها من الخليج اظن على اساس ان العربية صناعة اوربي ؟
ولا لازم تبقى صناعة اوربا و مشحونة من اوربا .؟

**M.Elwan** · 19-12-2010 03:29 PM

المشكلة انك تستورد عربية هو نظام حساب الجمارك عقدة محتاج خبير جمارك يحسب جمرك العربية يعنى بيتحسب عليها رسم تنمية 3% + ضريبة 15% طبعا ده زائد الجمارك والشحن والمخلص الجمركى
وطبعا متنساش الشاى بالياسمين للناس فى المينا والشحن والجمرك والتخليص
ده غير نقطة مهمة جدا هل بيحسب سعر العربية على اساس فاتورة الشراء بتاعتك ولا عن طريق قائمة الاسعار المعتمدة فى الجمرك ودى بيتم تحديدها عن طريق الوكيل
يعنى تشترى العربية رخيصة وهو يحسبلك الجمارك على اساس سعر الوكيل بسعر عالى
لكن ان بفكر فى حلول تانية انك تجيب عربية من المنطقة الحرة فى بورسعيد مثلا وتخلص جماركها هل الفكرة دى تنفع ؟؟؟

وبالنسبة للضمان اعتقد ان الضمان يسرى عليها فى التوكيل على افتراض انك حتستورد من اوروبا للاستخدام الشخصى والتوكيل حيتأكد انها مش خليجى وانها فعلا من اوروبا من كود العربية وفى الحالة دى مفيش سبب يمنعه من قبول العربية فى الضمان

**MASERATI** · 19-12-2010 05:26 PM

المشاركة الأصلية كتبت بواسطة m.elwan

المشكلة انك تستورد عربية هو نظام حساب الجمارك عقدة محتاج خبير جمارك يحسب جمرك العربية يعنى بيتحسب عليها رسم تنمية 3% + ضريبة 15% طبعا ده زائد الجمارك والشحن والمخلص الجمركى
وطبعا متنساش الشاى بالياسمين للناس فى المينا والشحن والجمرك والتخليص
ده غير نقطة مهمة جدا هل بيحسب سعر العربية على اساس فاتورة الشراء بتاعتك ولا عن طريق قائمة الاسعار المعتمدة فى الجمرك ودى بيتم تحديدها عن طريق الوكيل
يعنى تشترى العربية رخيصة وهو يحسبلك الجمارك على اساس سعر الوكيل بسعر عالى
لكن ان بفكر فى حلول تانية انك تجيب عربية من المنطقة الحرة فى بورسعيد مثلا وتخلص جماركها هل الفكرة دى تنفع ؟؟؟

وبالنسبة للضمان اعتقد ان الضمان يسرى عليها فى التوكيل على افتراض انك حتستورد من اوروبا للاستخدام الشخصى والتوكيل حيتأكد انها مش خليجى وانها فعلا من اوروبا من كود العربية وفى الحالة دى مفيش سبب يمنعه من قبول العربية فى الضمان

السلام عليكم و رحمة الله و بركاته

أنا متهيألى و الله أعلم أنه بيحدد الجمرك على العربية بناء على السعر اللى عنده مش على أساس فاتورة الشراء بتاعتك ن لو كان الأمر كده, كان اللى بيجيب عربية من هناك بيدفع تمنها عادى بس بيطلع تمنها المكتوب بالفاتورة أقل من اللى دفعه فعليا.

بالنسبة للعربية الخليجى , حتى لو كانت أوروبية المنشأ, مابينزلش عليها التخفيض لأنها مش جاية من أوروبا رأسا و أنك لازم تكون أول مالك ليها فى أوروبا و تجيب شهادة eur1 و أوراق تانية كتير غير كده و الفيلم ده, أعتقد أنه معمول عشان يحمى التجار و الوكلاء هنا فى مصر و يجبر أى حد عاوز عربية زيرو أنه يجيب منهم يا اما يروح يجيبها من أوروبا و طبعا الحل التانى مش بيبقى متاح للكل .

بالنسبة للعربيات بتاع المنطقة الحرة , مش عارف ادا كان ينزل عليها التخفيض و لا لأ , بس أنا متهيألى أن لو جبتها منطقة حرة , هتبقى شاريها من تاجر كسبان منك برضه و اعتقد أنهم بيشترطوا أنها ماتزيدش عن 1600 سى سى .

بالنسبة للضمان , أنا متهيألى أنها هتبقى بره الضمان لأن الضمان مش دولى و هنا أنا بحس أنهم بيتلككوا عشان يطلعوا العربية من الضمان و المشكلة هنا مش كون العربية خليجى و لا غيره, لكن المشكلة أن العربية مش جاية من التوكيل أو الموزع المعتمد هنا فى مصر.

أنا شايف أن أفضل حل , أن الواحد يجيب من أوروبا عربية زيرو بس بمواصفات خليجى لو أمكن و ينزلها مصر و يختار الوقت اللى بيبقى فيه تصفيات هناك عشان ينزلوا الموديلات بتاع السنة الجديدة .

**samcar** · 20-12-2010 12:04 AM

لو العربيه سعرها معدى ال 250 الف مثلا يبقى الموضوع يستاهل قرف الاستيراد والشحن والتخليص - لان الفرق ممكن يكون فى حدود 50 او 40 الف - وطظ فى التوكيل معلش الضمان هنا زى عدمه - واظن اللى حصل ايام حكاية تويوتا - وان كله تمام يا باشا والتيوتا اللى فى مصر مالهاش دعوه بعك الشركه الام - مسخره لغايه ما اتقضحوا وما عرفش رسيوا على ايه

لكن لو عربيه تحت ال 150 مثلا يبقى الهم ده حيوصلك لفرق مثلا 15 او 20 وده ممكن تلاقى هنا خليجى بالسعر ده - يبقى تحمل نفسك هم الاستيراد ليه