ممكن طريق مصر اسماعيلية الصحراوي...هوا مش حلو أوي لكن بليل اوي بيبقى فاضي نسبيا...انا جايب عليه180 و مفيش رادار بليل
عرض للطباعة
ممكن طريق مصر اسماعيلية الصحراوي...هوا مش حلو أوي لكن بليل اوي بيبقى فاضي نسبيا...انا جايب عليه180 و مفيش رادار بليل
الف شكر يا شباب.. انا حابلغ عن الطرق دي كلها و بالمرة ابلغ عنكو كمان.. ههههههههه
انا قريت كل الردود.. لفت نظري مشاركة من د/احمد المحترم.. انا عارف حضرتك ان الجري و الشد عواقبه وخيمة.. بس العربيات اصلا متصنعة انها توصل لـ 180 و 200 كمان.. و الا كانوا خلو الــحد الاقصي 120..
كلنا شباب و بنحس ساعة الجري بالانطلاق و تفريغ شحنة جوا الواحد.. لازم البلد تعي ده و تعمل ان شالله طريق جوه الصحراء طوله 5 كم.. و بكده يبقي عداها العيب..
بس الحكومة مش عايزة ده لانها بتكسب من الرادارات ملايين.. و لا فارق معاها رغبة الشباب و لا ارواح الناس..
هو طبعا الجرى حلو بس بجد خلو بالكم يا رجالة انا طول عمرى بحب السرعة بس بجد من الى الواحد بيشوفة بيقول الجرى المعقول ميزة كان زمان فى طريق مصر العاشر المعهد العالى للتكنولوجيا الطريق كان فاضى مش زى دلوقتى خالص و بجد شباب كتير من المعهد دة عملو حوادث بشعة و الى بيزعل هم الاهل انا مش ضد الجرى على العكس بحب أجرى جدا بس الله يخليكم بلاش تهور و اتنين أصحاب يسخنو ورا بعض علشان واحد يقول للتانى أنا قطعتك على الطريق فالثانى يسخن و يجازف زيادة عن اللازم سيبة يعدى و السلام و ربنا يسترها علينا كلنا
اتعلم الجري في المكان أحسن
طب وهيا الm3 تجيب 347كم/س؟؟
انا معرفش بصراحة...
ماعنديش معلومات كتير عن الm3...
بس فعلا انا عندي الفيكترا مكتوب 192 وانا جبت بيها 215...يعني زيادة 23كم/س...
كنت مكلبش في الدريكسيون ومرعوب لحسن تحصل حاجة..
بس كسرعة فالاوبل تقيلة واحساس السرعة فيها مش جامد.. يعني الحاجات جمبك بتطير وصوت الموتور عالي بس انت اكنك ماشي 150...
للعلم انا ما مشيتش عليها غير ل2-3 دقايق ورجعت تاني 140-150...
ودي مرة واحدة وما اتكررتش تاني...
ومرة تاني مشيت مسافة مويلة 210 بس كنت مشغل تكيف ولما طفيته ماعديتش ال210 بردو.. عشان طريق اسكندرية كان مساعد اكتر...
يا جدعان ممكن اسئال سؤال غريب شوية ؟؟؟؟؟؟؟؟؟؟ امال لية شركات العربيات عاملة فيها السرعة دي محنا كلنا عارفين ان السرعة خطر بس في مواقف لازم فيها سرعة و في سعات الواحد بيحب يتجنن شوية و يشد انا مش هاروح ادفع في العربية مبلغ و قدرة و اروح ادفعلها ضرية وفي الاخر يقولك ممنوع الفامية و ممنوع السرعة و ممنوع و ممنوع امال انا دافع فلوس لية و الضريبة دي مش عشان الطرق و الطرق كلها زي الزفت بص يا عم الحج عاوز تجري في طريق كلة ناسية و زي الفل و مافيهوش رادار واحد طريق مطروح لاني جايب في 250 رايح جاي و انا تقريبا كل اسبوعين علية ولا مرة اتمسكت و علي اسكندرية الصحراوي من بعد الساعة 7 بليل لحد 9 الصبح و لو حد مسكك رادار اعمل زي ما بعمل قولة مفيش رخص مفيش بتنجان و اعلي ما في خيلك اركبة و ان كنت جدع حصلني و فك منه هيتحكمو فينا و في فلوسنا كمان
أنا بقى امبارح كنت راكب مع واحد صاحبي معاه 525 موديل 2001 و طبعا عربية تقيلة و عريضة و ثابتة و المفروض متحسش فيها بالسرعة
و كان ماشي الساعة 1 و نص بالليل على كورنيش اسكندرية
مش عارف كنت مش مطمئن و كان جايب اخره 120 مبيزودش عنها بس كان قليل لما بيوصلها لنه كان على 100 بس كنت حاسس أن العربية ماشية أكتر من 120 مش عارف ليه
عذرا على المداخله مرة اخرى و لكن للأسف طرق مصر كلها و أغلب اللى بيسوق (كخبرة و فن فى القيادة ) لا تصلح للجرى لعدم توافر مواصفات قياسيه للطرق و بذلك يكون الجرى غير امان
اما فى الدول العربيه و الاجنبيه شوف الطريق بيبقى عامل ازاى يعنى تسوق عليه 160 كأنك هنا على 90 و كل واحد ملتزم بحارة السرعة المحدده
على فكرة انا من 4 سنوات كنت بحب الجرى بردوا بس الحمد لله ادركت انه مش امان (انا 30 سنه دلوقتى ) و حضرتك شباب برده و معذور عايز تفرغ الطاقة اللى جواك
ربنا يستر لك طريقك و يحفظلك عربيتك و البلد بس ترصف الشوارع المكسرة و يبقى كتر خيرها !!!
اشكرك يا د/ احمد و تقبل مروري .. ربنا يحفظ الجميع و يرجعنا لبيوتنا كل يوم سالمين غانمين..