و لما أحب أجري ... أجري فين؟؟

**Mzeid** · 20-12-2010 08:10 PM

المشاركة الأصلية كتبت بواسطة bedo13

ماعنديش معلومات كتير عن الm3...
بس فعلا انا عندي الفيكترا مكتوب 192 وانا جبت بيها 215...يعني زيادة 23كم/س...

كان إحساسك إيه و أنت على السرعة دي ؟

**bedo13** · 20-12-2010 08:27 PM

كنت مكلبش في الدريكسيون ومرعوب لحسن تحصل حاجة..
بس كسرعة فالاوبل تقيلة واحساس السرعة فيها مش جامد.. يعني الحاجات جمبك بتطير وصوت الموتور عالي بس انت اكنك ماشي 150...
للعلم انا ما مشيتش عليها غير ل2-3 دقايق ورجعت تاني 140-150...
ودي مرة واحدة وما اتكررتش تاني...
ومرة تاني مشيت مسافة مويلة 210 بس كنت مشغل تكيف ولما طفيته ماعديتش ال210 بردو.. عشان طريق اسكندرية كان مساعد اكتر...

**bido600** · 20-12-2010 08:35 PM

يا جدعان ممكن اسئال سؤال غريب شوية ؟؟؟؟؟؟؟؟؟؟ امال لية شركات العربيات عاملة فيها السرعة دي محنا كلنا عارفين ان السرعة خطر بس في مواقف لازم فيها سرعة و في سعات الواحد بيحب يتجنن شوية و يشد انا مش هاروح ادفع في العربية مبلغ و قدرة و اروح ادفعلها ضرية وفي الاخر يقولك ممنوع الفامية و ممنوع السرعة و ممنوع و ممنوع امال انا دافع فلوس لية و الضريبة دي مش عشان الطرق و الطرق كلها زي الزفت بص يا عم الحج عاوز تجري في طريق كلة ناسية و زي الفل و مافيهوش رادار واحد طريق مطروح لاني جايب في 250 رايح جاي و انا تقريبا كل اسبوعين علية ولا مرة اتمسكت و علي اسكندرية الصحراوي من بعد الساعة 7 بليل لحد 9 الصبح و لو حد مسكك رادار اعمل زي ما بعمل قولة مفيش رخص مفيش بتنجان و اعلي ما في خيلك اركبة و ان كنت جدع حصلني و فك منه هيتحكمو فينا و في فلوسنا كمان

**Mzeid** · 20-12-2010 08:43 PM

المشاركة الأصلية كتبت بواسطة bedo13

كنت مكلبش في الدريكسيون ومرعوب لحسن تحصل حاجة..
بس كسرعة فالاوبل تقيلة واحساس السرعة فيها مش جامد.. يعني الحاجات جمبك بتطير وصوت الموتور عالي بس انت اكنك ماشي 150...
للعلم انا ما مشيتش عليها غير ل2-3 دقايق ورجعت تاني 140-150...
ودي مرة واحدة وما اتكررتش تاني...
ومرة تاني مشيت مسافة مويلة 210 بس كنت مشغل تكيف ولما طفيته ماعديتش ال210 بردو.. عشان طريق اسكندرية كان مساعد اكتر...

أنا بقى امبارح كنت راكب مع واحد صاحبي معاه 525 موديل 2001 و طبعا عربية تقيلة و عريضة و ثابتة و المفروض متحسش فيها بالسرعة
و كان ماشي الساعة 1 و نص بالليل على كورنيش اسكندرية
مش عارف كنت مش مطمئن و كان جايب اخره 120 مبيزودش عنها بس كان قليل لما بيوصلها لنه كان على 100 بس كنت حاسس أن العربية ماشية أكتر من 120 مش عارف ليه

**د.أحمد السعيد** · 21-12-2010 12:52 PM

المشاركة الأصلية كتبت بواسطة ahmedhossam86

الف شكر يا شباب.. انا حابلغ عن الطرق دي كلها و بالمرة ابلغ عنكو كمان.. ههههههههه

انا قريت كل الردود.. لفت نظري مشاركة من د/احمد المحترم.. انا عارف حضرتك ان الجري و الشد عواقبه وخيمة.. بس العربيات اصلا متصنعة انها توصل لـ 180 و 200 كمان.. و الا كانوا خلو الــحد الاقصي 120..

كلنا شباب و بنحس ساعة الجري بالانطلاق و تفريغ شحنة جوا الواحد.. لازم البلد تعي ده و تعمل ان شالله طريق جوه الصحراء طوله 5 كم.. و بكده يبقي عداها العيب..

..

عذرا على المداخله مرة اخرى و لكن للأسف طرق مصر كلها و أغلب اللى بيسوق (كخبرة و فن فى القيادة ) لا تصلح للجرى لعدم توافر مواصفات قياسيه للطرق و بذلك يكون الجرى غير امان

اما فى الدول العربيه و الاجنبيه شوف الطريق بيبقى عامل ازاى يعنى تسوق عليه 160 كأنك هنا على 90 و كل واحد ملتزم بحارة السرعة المحدده

على فكرة انا من 4 سنوات كنت بحب الجرى بردوا بس الحمد لله ادركت انه مش امان (انا 30 سنه دلوقتى ) و حضرتك شباب برده و معذور عايز تفرغ الطاقة اللى جواك

ربنا يستر لك طريقك و يحفظلك عربيتك و البلد بس ترصف الشوارع المكسرة و يبقى كتر خيرها !!!