الكروز واستهلاك البنزين

**sody** · 19-12-2010 04:20 PM

السلام عليكم ورحمة الله وبركاته
أنا يا جماعه معايا عربيه كروز بقالي حوالي شهرين، العربيه الحمد لله كويسه جدا معايا ومريحاني جدا، بس اللي مضايقني منها هو استهلاكها للبنزين، بجد الصفيحه بتعمل 200 كيلو بالعافيه، و أقل من من 120 كيلو في وسط البلد، المهم الموضوع ده ضايقني أوي، فرحت التوكيل قالولي إن عندي سينسور كان مفتوح شويه فكان بينزل بنزين كتير، فربطوا عليه كويس وقالولي كده هيبقي تمام معاك، بس برضو المشكله ما زالت قائمه، استهلاك البنزين عالي، رحت لميكانيكي أعرفه، قالي العربيه دي بتبقي البوجيهات بتاعيتها واحد شمعه، الأحسن إنك تغير البوجيهات لبوجيهات 3 شمعه، قالي دي هتديك أداء أحسن بكتير في العربيه وهيكون حرق البنزين كويس فهيقل استهلاك البنزين وهيبقي سحبها كويس أوي

بصراحه كلام الراجل مقنع، وهو ميكانيكي ثقه وشاطر أوي، بس أنا خايف الموضوع ده يبوظ العربيه أو يأثر عليها، ما هو لو كان البوجيه التلاته شمعه ده أحسن من الشمعه الواحد، ليه الشركه في الأساس ما ركبتهوش في العربيه من الأول.

يا ريت لو حد عنده خبره وفكره عن الموضوع ده يفيدني،أغير البوجيهات فعلا ولا بلاش، وجزاكم الله كل خير

**aYaBooY** · 19-12-2010 05:43 PM

لا تخليك ورا التوكيل و تاخد حقك منهم انت دافع فلوس تاخد عربية كويسة مش ورق جرائد

**sody** · 19-12-2010 06:40 PM

المشكله إني لاقيت ناس كتير بتقولي إن إستهلاك الكروز والأوبترا في البنزين عالي، بس مش للدرجه دي.
أنا بس عايز أعرف موضوع الشمعه والتلاته شمعه ده صح ولا غلط

**yoko** · 19-12-2010 06:48 PM

موضوع الشمعة وال3 ده مالوش أي علاقة بالإستهلاك

**khaled_sabry** · 20-12-2010 11:46 AM

المشاركة الأصلية كتبت بواسطة yoko

موضوع الشمعة وال3 ده مالوش أي علاقة بالإستهلاك

+++++11111111111111
لأن موضوع عدد الشمعات بيفرق فى كفائة حرق البنزين اللى داخل للبستم ... انتا مشكلتك فى ان البنزين اساسا داخل كتير مش انه بيتحرق بكفاءه و لا لاء

**فادى محمد** · 20-12-2010 01:24 PM

-مفيش حاجه اسمها سينسور بينزل بنزين كتير وربطنا عليه وبقي تمام ده كلام واحد عجلاتي ..السينسور حساس بياخد كهربا ويدي معلومات للكونترول يونت ,اما لو قصدك الرشاش مسيل مثلا فده بيتغير وغيره في التوكيل احسن
-عدد شمعات الاحتراق مالوش علاقه باستهلاك البنزين ولوني اعتقد ان شمعه واحده قليل علي موتور حديث 1600 سي سي

**sody** · 20-12-2010 05:46 PM

المشاركة الأصلية كتبت بواسطة r_gamal1

طيب حضرتك فى الضمان خليك وراهم

أنا جايب العربيه كسر زيرو وصاحبها جايبها من معرض بس هي معاها ورق الضمان بتاع منصور

المشاركة الأصلية كتبت بواسطة hellboy

-مفيش حاجه اسمها سينسور بينزل بنزين كتير وربطنا عليه وبقي تمام ده كلام واحد عجلاتي ..السينسور حساس بياخد كهربا ويدي معلومات للكونترول يونت ,اما لو قصدك الرشاش مسيل مثلا فده بيتغير وغيره في التوكيل احسن
-عدد شمعات الاحتراق مالوش علاقه باستهلاك البنزين ولوني اعتقد ان شمعه واحده قليل علي موتور حديث 1600 سي سي

واللهي يا باشا ولا أنا مقتنع بموضوع السينسور ده وأصلا أنا مش فاهم يعني إيه سينسور،أنا ضعيف جدا فيالميكانيكا بتاعت العربيات الحديثه دي

المشاركة الأصلية كتبت بواسطة kamalsalem

باشا انا كنت زيك والعربية الحمد لله دلوقتي على الطوالي بتعمل 300 كيلو في الصفيحة مرتااااح
متجريش بيها واعمل ال5000 كيلو ولاحظ التحسن... ولو عايز تروح التوكيل الكروز بتخش في فرع الهرم من غير حجز... بس بجد يا باشا العربية كانت معذباني وهي جديدة.. دلوقتي ما شاء الله عليها بجد ركوبة

أنا العربيه دلوقتي عامله 20 ألف كيلو وأنا إشترتها وهي عامله 17 ألف، وموضوع البنزين ده مضايقني أوي من ساعة ما اشتريتها، ممكن تقولي إستهلاكها معاك في الطرق السريعه بيعمل كام وفي وسط البلد بيعمل كام، علي فكره أنا عربيتي موديل 2010، وأنا معاك بجد الكروز دي بجد ركوبه، وعربيه تحفه في كل حاجه ما شاء الله عليها

**zezmograby** · 20-12-2010 06:05 PM

لا لا متغيرش البوجيهات الاصلية خالص
من 300 كيلو في الصفيحة ل 200 كيلو اشك ان في تسريب بنزين

-

-

الموضوع: الكروز واستهلاك البنزين

LinkBack

أدوات الموضوع

عرض

-

-

المواضيع المتشابهه

ماهي نسبة الانضغاط في محرك الكروز ونوع البنزين الأمثل لمحرك الكروز

التكييف واستهلاك البنزين

هل يوجد علاقة بين نوعية طلمبة البنزين واستهلاك البنزين وسحب العربية ؟

نوع الزيت واستهلاك البنزين

سحب ال1300الاوتومتك واستهلاك البنزين

الكلمات الدلالية لهذا الموضوع

المفضلات

المفضلات

ضوابط المشاركة