الموضوع: خبير: توقعات بتراجع أسعار السيارات الكورية واليابانية بمصر في 2011

فان لم تستحى ................. فاصنع ما شئت

مستحيل مستحيل مستحيل الاسعار تنخفض دا يبقى كدة الوكلاء دول مش شايفين شغلهم:)

طيب فعليا بقا يا عم بلبع اسعار السيارات الكورية واليابانية بلا استثناء ارتفعت فى الايام الماضية كلها بمجرد طرح موديلات 2011 منها

انا نفسى اعرف كل اول واخر ونص سنة يجيبولنا خبير يتفتق عن علمه العظيم رواية تخفيض الاسعار دى ليه ؟ ، ايه الهدف يعنى !!

السلام عليكم و رحمة الله و بركاته

أنا متهيألى أن أى حد عاوز يجيب عربية أوروبى زيرو و مش عاوز يحس أنه انضحك عليه , ينزل يجيبها بنفسه و يشحنها و يدفع جماركها و يركب و يدعيلى , هو هيكون خسر الضمان بتاع العربية عند مراكز الخدمة المعتمدة هنا , بس هيكون كسب عربية جديدة بمواصفات راااااااااااااااااائعة و أكيد هيكون فيها أوبشنز أكتر من اللى بتنزل للتوكيل أو عند الموزع المعتمد هنا فى مصر .

و ممكن قبل ما يسافر يجيبها , يكون طالب من الموزع هناك و ليكن فى ألمانيا مثلا , أنه عاوز العربية الفلانية مواصفات خليجى , مش أوروبى و خلاص .

لأن أدام العربية جاية من أوروبا و معاك شهادة الeur1 يبقى يسرى عليها التخفيض .

لكن أن أسعار العربيبات ترخص فى مصر عشان تخفيضات الجمارك , انسواااااااااااااااااا خاااااااااااااااااالص .

المشاركة الأصلية كتبت بواسطة amir

اهداف كتير

اولا: اغرائك بشراء العربيات الموديل القديم هربا من ارتفاع السعر في الموديل الاجدد و ده بيتيح ليهم الخلاص من استوكات العربيات الموجوده و بأسعار زيها زي متوسط السعر العادي ليها

ثانيا: تهييئه الجو العام للمستهلكين ان في انخفاض اسعار فاللي كان مستني الاسعار تنزل علشان يشتري يبادر بالشراء مع بدايه تطبيق التخفيض الجمركي يتجه فعلا للشراء

ثالثا: خبر زي خبر تخفيض التعريفه الجمركيه بيدفع فئه من الناس انها تحجم عن شراء المستعمل و الاتجاه للزيرو و ده بيصب في مصلحه الموزع و المستورد , ده غير ان التخفيض المزعوم ده بيعمل ضغط علي اسعار المستعمل بالنسبه للبائعين, عن طريق اقناع جمهور المشترين ان البائعين سعرهم عالي لانه المفروض ينزل, و ده واقعيا مش الوضع الحقيقي الا انه بيدفع ناس كتير انها تفضل الزيرو

رابعا: اقناع الزبون ان الاسعار الجديده مطبق عليها نسب الخصم و التخفيض, و ده بيخليه يتقبل السعر المعروض للعربيه بغض النظر ان السعر ده مرتفع عن العام الماضي نتيجه سياسه رفع الاسعار طول العام و مع بدايه كل عام دون اضافه حقيقيه للعربيه ( و علي سبيل المثال فالميتسوبيشي لانسر اقوي مثال في النقطه دي), فالزبون يكون مقتنع ان السعر المعروضه بيه العربيه للبيع هو ده السعر بعد التخفيض

و اخيرا

كل ما هو متبع عامل زي صيد الاسود للتيران

الاسود بتهجم علي القطيع و تطوحه يمين و شمال

اللي بيقع في اي وقت فهو مكسب و صيد ثمين

انما في ارض الواقع تقريبا نسبه كبيره بتقع في الفخ ده و نسبه قليله بتكون فاهمه ايه اللي بيحصل

طيب ما المفروض لو ده السبب وراء تصريحاتهم دى يبقوا صباح العتة

لان اعلانهم ان الاسعار هتنخفض هيحجم الناس عن الشراء املا فى التخفيض ومحدش هيجيب موديل السنة اللى كسر السنة الجديدة ولا هيستعجل على الشراء

بكدا هما بيفرقعوا تصريحات مش فى مصلحتهم بيزنيسيا ، مش كدا ولا ايه ؟

وعلشان كدا برده لازال السر مش معروف ورا التصريحات دى