حد يعرف ايه اللى محتاجه علشان اعمل ايميل سيرفر ( مع توفر دومين)
عرض للطباعة
حد يعرف ايه اللى محتاجه علشان اعمل ايميل سيرفر ( مع توفر دومين)
مفيش حد عنده فكره عن الايميل سيرفر يا جماعه
طب اشوف فين و اقرا فين و هل في جهه متخصصه فى عمله
الموضوع ببساطة على حد معلوماتي القليلة
بتعملك دومين بسام شركتك وبتعمل الاميلات عليه وبيتحجزلك مساحة على سيرفر الشركة المستضيفة على حسب المتفق عليه
ده اللي عاملينه عندي في الشركة
وعامة احنا مشتركين على الموقع ده
Web Hosting by PowWeb - One Plan, One Price
بيديلك ويب سايت باسم شركتك واميلات على اسم شركتك بعدد غير محدود ومساحة غير محدودة
وبتتعامل بيها على الاوت لوك
فيه ميزة حلوة كمان عندهم دعم فني اونلاين موجود 24 ساعة تقتدر تكلمهم من على الموقع في اي استفسار او مشكلة
بس صراحة مش فاكر الاشتراك السنوي كام بس هو مبلغ قليل جدا بالنسبة للشركات المصرية
iقدامك حل من اتنين
1- زي ما الاخ ابوصلاح قال بتأجر مساحه مع شركه و بتبقي هي المتوليه ل mailboxes و صيانتها و الباكب .... الخ بس دة حل مش ظريف بينفع بس لو شركه معندهاش تيم IT او الناس بتاعه ال IT مش مؤهلين لكدة و كمان شركات الاستضافه في مصر زي لينك و كدة الدعم بتاعهم سيء جداااااااا ممكن تبقي الاستضافه مع شركه برة مصر
2- انك تعمل installation لاميل سيرفر زي Exchange او lotus و انا بفضل exchange 2010 بس بتعمل حسابك علي هاردوير محترم و backup Solution محترم و ممكن تعمل cluster علشان السيرفر يبقي متاح داثما و يبقي عندك خطين DSL من شركتين مختلفين و يفضل بقي انك تشتري Domain Name مع شركه برة و يدوك امكانيه انك تخش تحط الDNS Records بنفسك و طبعا هتحتاج real IP او تعمل Publish من ورا firewall و دة الافضل طبعا
و اي سؤال انا تحت امرك
ممكن اعرف من حضرتك ليه الحل الاول مش ظريف وايه هيا المساوئ له
انا عايز أقولك على معلومة بسيطة
احنا بتعامل مع الشركة دي بقالنا 3 سنوات
محصلش اي مشكلة تذكر
غير انه للامانة هم مرتين بالعدد اللي توقف الارسال والاستقبال لمدة لا تزيد عن ساعة
والاميلات التي تستقبل تحفظ اولا في السيرفر لحين نزولها على الاوت لوك
المساويء هتبقي عن تجارب اتحكتلي لاني انا مشتغلتش مع هوست خارجي دايما بعمل الinstallation لل exchange و cluster و كل دة بنفسي في شركات كتير
1- تجربه قبل كدة اتقالتلي انك و عندك مشكله مش مفهوم سببها و عاوز second line of support او حد فاهم اوي صعب و دايما بتبقي الرد ان المشكله من عندك
2- تظبيط DNS Records بيبقوا رخمين في اوي و كتير بتلاقي الايميلات بتاعتك بتوصل Junk و مش بيعرفوا يحلوا المشكله دي و بيقرفوك جداااااااااا
3- لو الشركه بتاعتك اميلاتها secure و فيها اسرار كتير بيبقي صعب اوي انك تأمن لشركه تانيه انها تهوست الmailboxes بتاعتك
ده كلام من الآخِر بس تكلفته عالية شوية وعايز team IT محترم أو على الاقل واد SE لعيب قوي
وفي كل الحالات لما تشتري domain سواء من جوه أو بره اتاكد إن domain name باسمك مش باسم الشركة اللي بيعاهولك عشان الشركة المصرية بتعمل الحركة دي كتير
وفالاول والاخر كله بيعتمد على حجم الشركة بتاعتك و مدى الاحتياج على أساس حجم الشغل بتاعك
أنا أعرف شركة مصرية فيه ناس كتير قوي بيشكروا فيها
وشركات تانية بره ممكن اجيبلك accounts بتاعتهم
ولو حبيب تكلمني وتقولي على إيه المطلوب بالضبط من ال solution ده أنا ممكن ارجحلك تعمل إيه بالضبط
فعلا الكلام ده مظبوط لانه حصل معانا لما حجزنا الاول دومين من شركة لينك دوت نت
وبسبب سوء خدماتهم والتكلفة العالية (كانوا طالبين 10ج على ما اتذكر عن كل ميل بيتعمل باسم الشركة شهريا واحنا حوالي 30 موظف يبقى سنويا 3600ج بخلاف ايجار الدومين السنوي) مقدرناش نحول بنفس الدومين لسيرفر تاني وراح علينا الدومين
طبعا في الموقع اللي كتبته مفيش حاجة من الكلام ده خالص اعمل آلاف الاميلات وامسحها واعمل غيرها محدش هيقولك انت بتعمل ايه
على فكرة انا مش بعمل دعاية ليهم والله بس دي احدى الشركات الاجنبية المحترمة وممكن يكون في عروض احسن باسعار اقل برضه
وكله يرجع لحجم شركتك وحجم وأهمية البيانات اللي عندك
هل يمكن لشركات الاستضافة الاطلاع على محتويات البيانات الشركات المخزنه لديها والايميلات مع اعتبار طبعا ان كافة التعاملات سرية
وما هوا انسب حل لعمل مناخ آمن و مالا يزيد عن 50 حساب ايميل (قابل للزياده مستقبلا)
الدومين تم شراءة من الانترنت فأظن انه كده مش له علاقة بالشركات جوه مصر
وهل الشركه اللى حضرتك ذكرتها ممكن احجز عندها المساحه و تربطها بالدومين بتاعي مهما كان و تهندل لي المسئلة
بما ان هما الادمن علي الميل سيرفر الرئيسي يبقي من حق الادمن انه يدي نفسة صلاحيات علي الميل بوكس
في رأيي الحل الامثل يحددة الميزانيه و سريه الايميلات و الدعم الفني اللي عندك و الdown time المسموح بيه يعني لو مثلا تستحمل down time 3 او اربع ساعات في حالة حدوث كارثه لا قدر الله يبقي تجيب سيرفر واحد و ممكن تتعاقد مع شركه تيجي تعمل installation للexchange و لما بيتعمل صح من الاول مشاكله بتبقي قليله جدااااااااااا و بيحتاج دعم لل end user مش للسيرفر و يتعمل backup كل يوم و لو حصل لاقدر الله كارثه تعمل استعادة لل backup و خلاص
هيبقي المطلوب منك سيرفر و مساحه تخزين محترمه + ترخيص exchange + سعر اللي الشركه هتيدهولك علشان installation
علي فكرة المساحه لتخزينيه المطلوبه بالبلدي كدة بتبقي
No of mailboxes * size of mailbox * 2 و الناتج بتزود عليه 25%
يعني لو المستخدمين 50 و هتدي كل واحد 100 ميجا يبقي المطلوب
50*100*2 = 10000 ميجا يعني حوالي 10 جيجا و نزود 25% يبقي 12.5 جيجا و هكذا
حدد احتياجاتك و شوف الانسب ليك
في Global Brands و في OMS و ITCORP
بس الاسعار بتاعتهم مش عارف توصل لكام بس بتبقي غاليه طبعا
احسن حاجة لو عرفت حد فاهم او حد شغال هناك يعملها لحسابه الخاص هيبقي ارخص بكتير
بالنسبة لنقطة الدعم الفني للاميلات
تقريبا انت مش محتاجها
هم بيدولك شوية ارقام وخطوات تعملها على الاوت لوك كل لما تيجي تستطب نسخة ويندوز من جديد
والمفوض انك كل فترة بتعمل باك اب لملف الاوتلوك اللي فيه كل اميلاتك لاسترجاعه مرة أخرى بعد الفورمات
في خاصية تانية حلوة جدا
انك ممكن من اي مكان او من البلاك بيري تدخل على الميل بتاعك بس من موقع الشركة نفسها بيوسر نيم وباسورد
والاميلات مش بتتمسح من على الموقع الا لما تفتحها بالاوت لوك بتاعك
مش الدعم الفني يقصد به هنا هو ان حصلت مشكله يكون موجود علشان يصلحها
لان مفيش It متخصص عندي
ازيك يا مجدي عامل ايه
انا مقريتش المشاركات علشان طويله شويه لكن خدت بالي انك حجزت دومين بالفعل
في خدمه بتقدمها مواقع الهوتميل و الجوجل انها تستضيف الايميلات بتاعتك بنفس إسم الدومين بتاعك انت ، يعني بتدخل عليها تسجل اسم الدومين بتاعك ويبقي لينك كنترول بانيل تنشئ منها ايميلات ، والايميلات دي بتكون بإسم الدومين بتاعك ، زي مثلا magdy@nilemotors.net
وكل التعامل مع الأيميل ده بيكون من خلال الهوتميل أو الجي ميل زي مانت عايز سواء ده أو ده .. كل التعاملات كأنه ايميل جي ميل عادي خالص
الكونفجريشن الوحيد اللي بيتعمل هو انه بيتحط إسم الMX بتاع ميل الجوجل او الهوتميل في اعدادات الهوست بتاع الدومين علشان يتم تحويل الايميلات اللي جايه علي مستضيف خدمة الايميلات
والحل ده عملي جدا جدا انا شغال بيه بقالي 6 سنين علي اكتر من دومين ومعظمها دومينات شغل وحاجات مهمه .. والميزه فيه انك كده مش مرتبط بالسيرفر حتي لو كل اللي عليه اتحذف انت ايميلاتك موجوده علي الجي ميل .. طبعا مساحه الايميل الواحد 7 جيجا زي اي ايميل جي ميل
المهم لو عايز تنفذ الموضوع ده بلغني وهظبطهولك ان شاء الله واقولك تتعامل معاه ازاي
يا ريت يا محمد الشغل واقع عندي بقاله اسبوعين ومش عارف اكلم اى حد
بصراحة الرجالة مخلوش حاجة تتقال
أحسن الحلول
1- يكون عندك السيرفر بتاعك سواء exchange أو lotus او غيره......بس طبعاً هتتكلف كتير.
2- تعمل الحل بتاع pro samir على جى ميل أو هوت ميل.....و أرشح الجى ميل.
3- تعمل الحل الأخير بالأستضافة عند أى شركة إستضافة نطاقات.
أنا أشتغلت زمن بالحل الأول على lotus و حاجة تانية أسمها postfix و شغال حالياً بالحل التالت كمان فى شركة تانية (سرية الأيميلات مش مهمة قوى) و الدعم الفنى موجود فى الشركة.
معلش ممكن الطريقة لاني انا محتاجها والف شكر عالحلول الجميلة والردود الممتازة
احنا بالنسبة عندنا في الشركة سايبين شركة بره هي اللي بتعمل الكلام ده انت بس بتظبط ال pop3 smtp
والميل والباسورد مش اكثر
بالنسبة لموضوع باكب الاوت لوك ففي طريقة حلوة اوي هي انك تخش عال c
وتعمل بحث باسم ال outlook.pst
هو ده اللي بيكون شايل الايميلات كلها ولو انت تقولي بس النسخة عندك ايه وانا اقوللك تجيبو ازاي
والف شكر لرجالة نايل موتورز والف شكر لكريم منير انو جمعنا مع نامحترمة بتفيد بعض
ابو عبد الله
ده لينك التسجيل علي الجي ميل
https://www.google.com/a/cpanel/domain/new
هتسجل عادي خالص وهيديلك بيانات الريكوردات بتاع الMX تضيفها في Mail MX داخل لوحة تحكم الهوست .. و هيديلك ملف HTML ترفعه علي الهوست علشان يتأكد ان الدومين بتاعك .. ولما تخلص اعمل اكتيف لخدمة الميل من لوحة التحكم
وده لينك الهوتميل
Windows Live Admin Center
اعمل لوجين بأي ميل وبعدين سجل الدومين بتاعك وتابع معاه الخطوات ، لكن ده الMX بتاعه هو ريكورد واحد
وخد بالك ان ممكن تضيف اكتر من دومين علي نفس الميل اللي انت داخل بيه لوحة التحكم ، لو عايز حد تاني ياخد الكنترول بانيل يبقي اعملها ميل تاني تسجل بيه علشان متبقاش مربوطه بايميلك الشخصي
ولو في حاجه واقفه قولي علي نوع الكنترول بانيل لينكس ولا ويندوز واصورلك الكونفجريشن بيتعمل ازاي
طب يا محمد انا دلوقت لو عاوز اربط الايميل بجوجل مثلا اعمل ايه
مع العلم ان مفيش سابق معرفه بالموضوع ده
الامور نفسها مبهمه مش عارف الاقي ال mx ده فين هل في الاساس بيبقي موجود ولا ممكن مش يكون موجود فى لوحه التحكم اللى واخدنها من الشركه المصرية المستضيفة