السلام عليكم
انا عاوز حاجة متكسرش ال40 وبصراحة محتار بين التمبرا والانوس ممكن اعرف مين احسن من حيث:
1-قطع الغيار 2 -البنزين 3- سهولة الصيانة(مش كل شوية تفتح بوقها) 4- الوسع
وياريت لو حد ليه تجارب مع العربيتين يحكيها
شكرا
عرض للطباعة
السلام عليكم
انا عاوز حاجة متكسرش ال40 وبصراحة محتار بين التمبرا والانوس ممكن اعرف مين احسن من حيث:
1-قطع الغيار 2 -البنزين 3- سهولة الصيانة(مش كل شوية تفتح بوقها) 4- الوسع
وياريت لو حد ليه تجارب مع العربيتين يحكيها
شكرا
انا هكلمك على التمبرا لانها معانا
قطع الغيار الخارجيه غاليه شويه فى نفس مدى السيارات الحديثه
الداخليه رخيصه نسبيا و متوافره
استهلاك البنزين 1600 سم ^3 85 حصان 130 نيوتن.متر
خارج البلد 250:230كم فى الصفيحه (بعد صيانه كامله)
داخل البلد 190:170كم فى الصفيحه (بعد صيانه كامله)
الوسع
واسعه جدااااااااااااااااااااااا اااااا(ملعب)
ا فهى مثل الليجانزاmedium family car
السعر
المنتصف الاول من التسعينات 38000الى42000 تكون حالتها كويسه جدا
من 91الى 97 ايطالى زمن 97الى 2000 مصرى
لو عندك اى سؤال اتفضل
انا ماعنديش تمبرا بس مع واحد صلحبى وديما بيشتكى من مشاكل فى كهرباء العربية
لو تمبرا ايطالي دوس فيها انما لانوس الموتور هيعد هو لا ينطبق عليه وصف معمر اساسا لكن هه يعني و لانوس عفشتها ضعيفة دوس مع تمبرا ايطالي
Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzaaaaaaaaaaaaaaaaaaaa For Ever
رأى الشخصى لو التمبرا نضيف (بكل معنى الكلمه) أتكل على الله انا شايف انها هتكون أحسن من الانوس
بس لو التمبرا مش أد كده هات اللانوس هتبأى أسهل فى صيانتها
وربنا يوفأك
انا معايا لانوس جايبها من شهر و هي مو 2000 , بس صعب تلاقي لانوس متعديش الـ 40 , هتبقى مش تمام ,
يبقى قارن بين التمبرا و الاكسيل ,
انا جربت الاكسيل و هي فيها كل المميزات اللي انت عايزها و في حدود السعر ,
لكن التمبرا مجربتهاش و لكن سألت على قطع غيار ليها لقيتها غالية قوي ,
صلي إستخارة وربنا يوفقك .
قطع الغيار متوفره
الاسعار معرفهاش تحديدا (جبنا مساعدين خلفى ب220):o
ممكن تروح تسال محلات قطع الغيار عن القطع الخارجيه(فوانيس,مساحات ,مرايات,.....)و القطع الداخليه عشان تطلع باجابه شافيه
المقارنه المفروض تكون مع الهيونداى اكسنت (نفس المدى السعرى) مش الانوس
و اهم حاجه الحاله و اللى انت عاوزه فى العربيه هو اللى هيحددهالك و متشتريش ابدا حاجه انت مش حاببها:)
انا بصراحة مرتاح للتمبرا
يا اخوانى انا معايا عربية تمبرا ايطالى 93 و بصراحه هيه حلوه و لكن اكمنها انجكشن فهيها مفيش ميكانيكى فاهم فيها حاجة و لا كهربائى و عليك و التوكيل و اسعاره المعروفة الغالية بس فيه محلات بتبيع قطع غيارها زى الكيلانى اللى فى شامبليون و كذا قطع غيار مستعمل زى فى المطرية
انا استخدم سيارة تمبرا منذ اربع سنوات واعتقد انى قد كونت حكما على اداء هذه السيارة
الفيات التمبرا هى سيارة ايطالية تم انتاحها بديلا عن السيارة التيبو بدء من سنة 1990 حتى 1996 توقف انتجاها فى ايطالية وان ظلت تصنع فى تركيا والبرازيل حتى 2001 وكانت تجمع فى النصر للسيارات حتى سنة 2000
ويوجد منها موديلان نوع ذو عدادت عادية واخر ديجتال
والسيارة ذات محرك متميز 1600 سى سى يتسم بالقوة والهدوء خصوصا السيارات المصنعة فى ايطاليا عكس المجمعة فى مصر لان محركها مش اد كده بالمقارنة بالايطالى
السيارة ذات تصميم جيد من ناحية الاتزان ودينامكية الهواء وان كان يعبها ارتفاع الشنطة وصعوبة الرؤية الخلفية فى حالة الركن
الصالون واسع ومريح جدا وبقليل من الصرف يبان انه فخم
التكيف فيها ممتاز من ناحية التبريد بس عيبه انه بيسحب جزء محترم من قدرة الموتور بيبان اوى فى السحب
تسارع العربية مش جامد بطىء نبسيا بس العربية بتجرى كويس اوى
استهلكها فى البنزين منقدرش نقول انه موفر بس تقريبا زى اللانوس فى السفر انما جوه البلد عالى زى الماتريكس
الفتيس يدوى خمس سرعات يعتبر ناعم احسن من الاكسيل على سبيل المثال وفى منها موديلات اتوماتك بس الحقيقة مجربتهاش
ويوجد منها نوعين واحد كربراتير ودى اللى عندى والتانى انجكشن بس مش متعدد النقاط والاشعال الكترونى رائع
يعنى لا ابلاتين ولاكوندنسر ولا كلام فاضى والشفاط بها اتوماتكيا تبعا لدرجة حرارة الموتور
والعربية فيها شوية تجهيزات كهرائية والكترونية كتير شوية وبتتطلب واحد كهربائى بيفهم كويس علشان يعمل فيها اى شغل والعربيات المزودة بتبلوه ديجتال بتبقى مشكله اكتر شويتين من العادى وان كان الاتنين شكلهم حلو
قطع الغيار ياسيدى متوفرة بس مش عند كل الناس ناس بعينهم فى التوفقية وشارع شمبليون عتدهم كل حاجة اسعرهم اعلى بحاجة بسيطة عن الفيات عموما بس تعتبر فى رينج الهيونداى والدايو
وفى منها التركى والبرازيلى والمكسيكى وفيه حاجات صينى ابعد عنها هى والايطالى لانه مش ايطالى ولا حاجة
العربية هادية على الطريق ماتسمعش دوشة الموتور والعجل خصوصا اذا كنت قافل الازا ز ومشغل التكيف
العربية فيها كل الكماليات باور -زجاج كهرباء وفيه بعض الموديلات المرايات بتتظبط كهرباء
العفشة فيها غريبة شوية بس متينة ووزنة العربية كويس عيبها مثلا ان لو عاوز تغير جلبة مقص يبقى المقص كله لازم يتغير لانه يعتبر حته واحده والتعليق عموما يعتبر ناشف حاجة بسيطة بالمقارنة بالعربيات الحديثة وده بتحس بيه وانت سياق بس القاعدة ورا باشا اخر راحة بيستمتع بيها اللى قاعد فى الخلف وكمان فيه فتحة للتكيف علشان الركاب فى الخلف تقدر تشغلها اوتقفلها حسب الحاجة
يارب اكون قد افادتك
تحياتى