الرشوة

**omaroof** · 20-12-2010 04:45 PM

المشاركة الأصلية كتبت بواسطة ziabassem

الرشوة اصبحت واقع يعيش فينا .

بس اللي مجنني مفهوم الرشوة في مصر أنك بتدفعها علشان تاخد حاجة من حقك وشرعية .. على حين أن مفهوم الرشوة بره أنك بتدفعها علشان تاخد حاجة مش من حقك .

معظم الوقت بتدفع عشان تاخد حقك فعلا
لكن فيه غيرك بيدفع عشان ياخد حق موش حقه

المشاركة الأصلية كتبت بواسطة cyborg_ift

إمشي عدل يحتار عدوك فيك

كلام جميل بس ياترى بينفع طول الوقت

المشاركة الأصلية كتبت بواسطة hellboy

بسم الله الرحمن الرحيم(ومن يتقي الله يجعل له مخرجا)صدق الله العظيم .
-حاول انك ماتغلطش علشان لو غلطت هتتحمل النتيجه
-لو حد راودك عن رشوه اثبت علي موقفك
-سمعت ان في الضروره القصوي يجوز تدفع لو مصالحك هتتعطل وياثم المرتشي ولا عليك حرج ولكن انا مش مرتاح للفتوي دي لان كل واحد هيعظم مطالبه وضرورياته ويصبح المجتمع نصفه راشي والاخر مرتشي ,اعتقد ان الصح انك تاخد بالاسباب لمعاقبه طالب الرشوه من اللي سلطتهم اعلي منه لممارسه دور التقويم والاصلاح ,(كنتم خير امه للناس تامرون بالمعروف وتنهون عن المنكر)صدق الله العظيم .انا عارف ان كتير هيقول الكلام ده صعب في مجتمعنا بشكله الحالي بس محدش يقول كلام انشاء علشان ده كلام ربنا ..والله نحاول ونثق في ربنا سبحانه وتعالي انه هيوفقنا .

اللى يخوف اكتر ان الفتاوى اصبحت الان XXXL
وكل يوم فتوى جديده والله اعلم بنية اللى بيفتى

**omaroof** · 20-12-2010 04:48 PM

المشاركة الأصلية كتبت بواسطة م/مصطفى محمود

بجد ربنا يفتح عليك

انا برضوا شايف إنك لو بتدفع رشوة لأنك داخل عكس فأنت كده وش راشي وفى النار (مُخالف وراشي ومفيهاش أى كلام)

أما موضوع إني أدفع علشان آخد حقي فأنا برضوا مش مُقتنع بية ، لأني كده بساعدة على التمادي فى الغلط ، وعمرة ما هيبطل غير لما يلاقي الناس وقفتلة ، ومش علشان أنا مش عايز أتعطل يوم أو أتنين أساعد وأشارك فى الفساد ، يا جماعه إحنا كُنا خير أمة لما كُنا بننهي عن المنكر ونأمر بالمعروف ، ومش هنرجع خير أمة تاني غير لما نبقى عند موقفنا

وأنا الحمد لله طلعت الرخصتين (العربية والخاصة) من غير ما أدفع ولا شلن (والموظفة طلبت مني عيني عينك أجيبلها كارت شحن قولتلها لأ ومعرفتشي تعمل حاجه لأني ماشي سليم )

وأنا شايف لو خلاص الموضوع مقفل خااااااااااااااااااالص ومش عارف آخد حقي بأي صورة من الصور هشوف واسطة (لأني أجبرتة برضوا أنه يشتغل كويس من غير ما يستفيد) وإن كنت برضوا هبقى مُتضايق من نفسي ، لكن فلوس بإذن الله لأ لأ لأ

وعلى رأي علي الحجار

يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..

فى الاوراق العاديه الكلام ده يمشى بس لو عندك مشكله فى ورقه ولازم تروح تصححها وتعمل غيرها وتلف وتدور ومكانش عندك وقت ياترى حاتدفع ولا ايه؟

**م/مصطفى محمود** · 20-12-2010 05:06 PM

فى الاوراق العاديه الكلام ده يمشى بس لو عندك مشكله فى ورقه ولازم تروح تصححها وتعمل غيرها وتلف وتدور ومكانش عندك وقت ياترى حاتدفع ولا ايه؟

والله كان عندي مشاكل فى ورق العربية (رقم الماتور فية غلطه) وخليت الراجل يحلها ومفيش أى مشاكل

انا والله مرة واحدة دفعت رشوة زمان ( كان موبايلي إتسرق وبنعمل موضوع الإستعلام ودفعتها للموظف علشان يشتغل وكده اللى هو المفروض شغلة ويعملة ببلاش ) وبرضوا كان بسبب ضيق الوقت ، وصدقني حتى الآن ندمان على الحركة دي (وعلى فكرة ربنا مباركليش فى الموضوع والتليفون مرجعش)

لكن فى الرخصة والله الموضوع كان متسهل (اه كان فى مشاكل وغلاسة بس حاسس إن ربنا معايا والله)

وعلى فكرة أنا عملت الرخصة وكان عندي قبليها يوم أمتحان وتاني يوم أمتحان وكان معايا ورق بذاكر فية فى المرور :d

**omaroof** · 21-12-2010 12:06 AM

المشاركة الأصلية كتبت بواسطة م/مصطفى محمود

والله كان عندي مشاكل فى ورق العربية (رقم الماتور فية غلطه) وخليت الراجل يحلها ومفيش أى مشاكل

انا والله مرة واحدة دفعت رشوة زمان ( كان موبايلي إتسرق وبنعمل موضوع الإستعلام ودفعتها للموظف علشان يشتغل وكده اللى هو المفروض شغلة ويعملة ببلاش ) وبرضوا كان بسبب ضيق الوقت ، وصدقني حتى الآن ندمان على الحركة دي (وعلى فكرة ربنا مباركليش فى الموضوع والتليفون مرجعش)

لكن فى الرخصة والله الموضوع كان متسهل (اه كان فى مشاكل وغلاسة بس حاسس إن ربنا معايا والله)

وعلى فكرة أنا عملت الرخصة وكان عندي قبليها يوم أمتحان وتاني يوم أمتحان وكان معايا ورق بذاكر فية فى المرور :d

ده انته لو دفعت رشوه مره واحده بس وانته عايش فى مصر كدا تبقى عملت المعجزات فعلا
بصراحه يتعملك تمثال لان فى مصر طول مانته ماشى بتتقلب تحت بند الاكراميات والقهوه

**rompo10** · 21-12-2010 12:12 AM

ادفع احسن البلد كلها كده

**mohamed2007** · 21-12-2010 12:45 AM

بصراحة انا رفضت ادى رشوة 50 جنيه لامين شلرطة عند فندق سياج لانه قالى انت ماشى عكسى وانا اصريت انى مش ماشى عكسى وكانت النتيجة ضياع يوم فى مرور فيصل عشان استرد الرخص وغرامة 1025جنيه وطبعا ندمت عشان مدتلوش ال50 جنيه وريحت دماغى

**omaroof** · 21-12-2010 04:54 PM

المشاركة الأصلية كتبت بواسطة mohamed2007

بصراحة انا رفضت ادى رشوة 50 جنيه لامين شلرطة عند فندق سياج لانه قالى انت ماشى عكسى وانا اصريت انى مش ماشى عكسى وكانت النتيجة ضياع يوم فى مرور فيصل عشان استرد الرخص وغرامة 1025جنيه وطبعا ندمت عشان مدتلوش ال50 جنيه وريحت دماغى

بزمتك موش حرام عشان مدفعتش رشوة 50 تدفع 1025 جنيه
طيب ليه ما صورتش عربيتك وهى واقفه عشان تثبت حاله وتقدم شكوى فى اللى عملك المخالفه وتتهمه انه طلب منك رشوة

**mixd99999** · 22-12-2010 04:39 AM

مصري.......... ولم اعد افتخر

**wawoo** · 22-12-2010 05:54 AM

المشاركة الأصلية كتبت بواسطة ziabassem

الرشوة اصبحت واقع يعيش فينا .

بس اللي مجنني مفهوم الرشوة في مصر أنك بتدفعها علشان تاخد حاجة من حقك وشرعية :h_angry[1]: .. على حين أن مفهوم الرشوة بره أنك بتدفعها علشان تاخد حاجة مش من حقك . :oc_sun1[1]:

مهو من ضمن مفهوم الرشوة انك حتاخد حاجة من حقك فعلا لكن بتفع رشوة عشان تخدها قبل غيرك و دة برو مش من حقك او بتدفع رشوة عشان تخلص حقك بسرعة او تتخطى دور غيرك ودة مش من حقك برضو و الرشوة اصبحت امر واقع عشان الكل بقى موافق انة يدفعها و اللى معندهمش ضمير بقو اكتر من اللى عندهم

**waelfarid** · 22-12-2010 07:19 AM

الناس علي دين ملوكهم طبعا ندفع والا
ضروري الصغير مرتبه ميكفيهوش علشان يسرق علشان لما كبيره وقدوته اللي اكبر منه يسرق ميبقاش حد احسن من حد
متشوف فلان وعلان وترتان بيعملوا ايه هي جت علينا يعني مقولة برضة
يبقي الحل ايه (انهم اناس يتطهرون) الناس الكويسين يخرجو برة القرية الظالم اهلها