السؤال الى تعبتوا منه ..الرجاء المساعده فى لوجان والإختيار الصعب ..؟

السلام عليك ورحمة الله وبركاته يا وحوش اللوجان

طبعا انا بشكركم جدا على المعلومات الكتير المفيده وبشكركم أكتر على الشفافيه الى بتتميزو بيها
انا متابع من فتره المشاركات الخاصه باللوجان وبصراحه حابب جدا العربيه دى
فيه مشكلتين عندى محتاج مساعدتكم فيهم :
- دى اول عربيه ليه و أنا جديد فى موضوع السواقه ( لسه بتعلم ) هل لو جبت اللوجان ها تتبهدل منى ولا تنصحونى بأيه ؟
- فيه قدامى عربيات مستعمله ودى ناس كتير بينصحونى بيها أجيبها أتعلم فيها (على أساس إنى بتعلم السواقه لسه )ومن الإختيارات دى لانسر 98 وفيه برضه فيات أونو 98 حاله ممتازه انا عارف إن فيه إختلاف كبير بين اللانسر والأونو بس فى الاول والآخر كله مستعمل ... مطلوب نصيحتكم لو تقارنولى بين اللوجان واللانسر 98

أنا شايف إنك لازم تتعلم كويس على عربية تانية (مدرسة قيادة مثلاً) مرة و إتنين و تلاته لحد ما تبقى مطمن على العربية إلي هتشتريها بعد كدة جيب العربية الي نفسك فيها و ربنا هو الستار و بعدين المستعمل القديم أوي ده هيتعبك أخر حاجه (مره ميكانيكي و مره كهربائي و مره زقه يا شباب لو سمحتم و حاجة مخمضة) :36_1_50[1]:

كنت زيك يا باشا .. واخدت كورس فى مدرسة تعليم .. فيه 6 حصص سواقة الحصة 45 دقيقة
وبعدها كنت بأجر عربية فيرنا صاحبها عاملها مخصوص علشان كده وكنت بأجر الساعة ب50 ج .. لغاية ما حسيت ان مستواى كويس وبعدها اشتريت اللوجان والحمد لله الدنيا ماشية
والموضوع ده مش هيكلفلك غير مثلاً 500 ج بدل ما تشترى عربية مستعملة وتيجى تبيعها تخسر فيها كام الف
ده رأيى .. وفى الآخر اقولك ان موضوع تعلم السواقه ده بيختلف من شخص لآخر حسب استعداده ..

اقتباس:

---

المشاركة الأصلية كتبت بواسطة mah_badawy

أنا شايف إنك لازم تتعلم كويس على عربية تانية (مدرسة قيادة مثلاً) مرة و إتنين و تلاته لحد ما تبقى مطمن على العربية إلي هتشتريها بعد كدة جيب العربية الي نفسك فيها و ربنا هو الستار و بعدين المستعمل القديم أوي ده هيتعبك أخر حاجه (مره ميكانيكي و مره كهربائي و مره زقه يا شباب لو سمحتم و حاجة مخمضة) :36_1_50[1]:

---

متشكر جداا على نصيحتك ودا بالفعل الى انا عملته ورحت مدرسة تعليم وأخدت الحصص بالفعل بس برضه لسه عندى رهبه انى أسوق عربيه زيرو بصراحه أخاف عليها

اقتباس:

---

المشاركة الأصلية كتبت بواسطة best2010

كنت زيك يا باشا .. واخدت كورس فى مدرسة تعليم .. فيه 6 حصص سواقة الحصة 45 دقيقة
وبعدها كنت بأجر عربية فيرنا صاحبها عاملها مخصوص علشان كده وكنت بأجر الساعة ب50 ج .. لغاية ما حسيت ان مستواى كويس وبعدها اشتريت اللوجان والحمد لله الدنيا ماشية
والموضوع ده مش هيكلفلك غير مثلاً 500 ج بدل ما تشترى عربية مستعملة وتيجى تبيعها تخسر فيها كام الف
ده رأيى .. وفى الآخر اقولك ان موضوع تعلم السواقه ده بيختلف من شخص لآخر حسب استعداده ..

---

هل فعلا انته شايف انى لو عملت زيك كدا وأخدت بتاع 10 ساعات على عربيه تانيه زى الفيرنا الى بتتاجر دى هيبقى كافى ؟ (أنا الحمد لله بيقولولى انى إستيعابى كويس وبتعلم بسرعه) بس لسه عاوز شويه ممارسه
ولو ممكن بيانات صاحب العربيه دى علشان لو قريب منى اكلمه وأحاول أظبط معاه

وبالنسبه لسؤالى الثانى .. هل فعلا المستعمل ها يزهقنى حتى لو حالته كويسه .. وأيه اخبار اللانسر 98 دى

اقتباس:

---

المشاركة الأصلية كتبت بواسطة best2010

كنت زيك يا باشا .. واخدت كورس فى مدرسة تعليم .. فيه 6 حصص سواقة الحصة 45 دقيقة
وبعدها كنت بأجر عربية فيرنا صاحبها عاملها مخصوص علشان كده وكنت بأجر الساعة ب50 ج .. لغاية ما حسيت ان مستواى كويس وبعدها اشتريت اللوجان والحمد لله الدنيا ماشية
والموضوع ده مش هيكلفلك غير مثلاً 500 ج بدل ما تشترى عربية مستعملة وتيجى تبيعها تخسر فيها كام الف
ده رأيى .. وفى الآخر اقولك ان موضوع تعلم السواقه ده بيختلف من شخص لآخر حسب استعداده ..

---

رأي ممتاز و بكده تكون إتعلمت السواقه و جبت العربيه إللي نفسك فيها و جديده كمان. و ربنا يوفقك.

اقتباس:

---

المشاركة الأصلية كتبت بواسطة best2010

كنت زيك يا باشا .. واخدت كورس فى مدرسة تعليم .. فيه 6 حصص سواقة الحصة 45 دقيقة
وبعدها كنت بأجر عربية فيرنا صاحبها عاملها مخصوص علشان كده وكنت بأجر الساعة ب50 ج .. لغاية ما حسيت ان مستواى كويس وبعدها اشتريت اللوجان والحمد لله الدنيا ماشية
والموضوع ده مش هيكلفلك غير مثلاً 500 ج بدل ما تشترى عربية مستعملة وتيجى تبيعها تخسر فيها كام الف
ده رأيى .. وفى الآخر اقولك ان موضوع تعلم السواقه ده بيختلف من شخص لآخر حسب استعداده ..

---

والله كلام فوق الممتاز والفائدة عظيمه جدا

بص من ا لاخر
فايده انك تجيب استعمال الاول انك تخبط بيها براحتك بس اللوجان الخبطة تزعل
و ديه نصيحة عشان العربية مش ببلاش

اقتباس:

---

المشاركة الأصلية كتبت بواسطة admir_a9

بص من ا لاخر
فايده انك تجيب استعمال الاول انك تخبط بيها براحتك بس اللوجان الخبطة تزعل
و ديه نصيحة عشان العربية مش ببلاش

---

رأيك دا كان فى بالى وفيه ناس كتير بينصحونى بيه .. المستعمله أه ها أتعلم فيها براحتى بس العيوب معروفه ..
أعطال كتير وتضيع وقت عند الميكانيكى والكهربائى وانا اصلا معنديش وقت خالص بسبب الشغل يا دوب جمعه وسبت ومش معقول كل العربيه ما تعطل أخليها ليوم الجمعه والسبت علشان تتصلح .. دا غير طبعا لما تيجى تبيعها ها تخسر ها تخسر .. بس للأمانه فيه ناس بينصحونى بمستعمل حالته كويسه وأنا قدامى بالفعل دالوقتى لانسر 98 وفيات أونو 98 حالتهم كويسه بالفعل انها حيره كبيره

اقتباس:

---

المشاركة الأصلية كتبت بواسطة abohassan

متشكر جداا على نصيحتك ودا بالفعل الى انا عملته ورحت مدرسة تعليم وأخدت الحصص بالفعل بس برضه لسه عندى رهبه انى أسوق عربيه زيرو بصراحه أخاف عليها

---

أنا بردة أتعلمت على فيرنا و 3 كورسات كل واحد 12 حصة و كنت في أخر كورس مقضيها مرة 6 أكتوبر و مرة المعادي (حصص مجمعه) لحد مكنت في الأخر بتعلم الغرز على المحور :funny34d:

نصيحة المستعمل عذاب

اتعلم و امشى براحة و ربنا هو الستار

جيب الاونو عشان عضمها ناشف شوية بس لو حالتها كويسة مش هتلف بيها واحد زميلى اتعلم على اللوجان مقولكش شكل العربية بقا ايه ففكر كويس و خلى بالك ان الخبطة تزعل

اقتباس:

---

المشاركة الأصلية كتبت بواسطة admir_a9

جيب الاونو عشان عضمها ناشف شوية بس لو حالتها كويسة مش هتلف بيها واحد زميلى اتعلم على اللوجان مقولكش شكل العربية بقا ايه ففكر كويس و خلى بالك ان الخبطة تزعل

---

أنا بالفعل قدامى عربيه اونو حالتها كويسه .. وأنا معاك ومقتنع انى لازم اتعلم كويس سواء كنت ها اجيب عربيه جديده او مستعمله لانه مش منطقى إنى امشى اخبط فى الناس :khd:

بس برضه ليا اصحابى بيقولولى ان انته اكيد ها تخاف على العربيه وها تمشى بالراحه ..

المساله مش مسأله خوف اى انك هتمشى براحه المساله انك لسه هتتعلم و هتلاقى مواقف جديده و رزاله سوائين فلازم تغلط عشان تتعلم فالزيرو الغلطه فيه غاليه

اقتباس:

---

المشاركة الأصلية كتبت بواسطة abohassan

متشكر جداا على نصيحتك ودا بالفعل الى انا عملته ورحت مدرسة تعليم وأخدت الحصص بالفعل بس برضه لسه عندى رهبه انى أسوق عربيه زيرو بصراحه أخاف عليها



هل فعلا انته شايف انى لو عملت زيك كدا وأخدت بتاع 10 ساعات على عربيه تانيه زى الفيرنا الى بتتاجر دى هيبقى كافى ؟ (أنا الحمد لله بيقولولى انى إستيعابى كويس وبتعلم بسرعه) بس لسه عاوز شويه ممارسه
ولو ممكن بيانات صاحب العربيه دى علشان لو قريب منى اكلمه وأحاول أظبط معاه

وبالنسبه لسؤالى الثانى .. هل فعلا المستعمل ها يزهقنى حتى لو حالته كويسه .. وأيه اخبار اللانسر 98 دى

---

باشا انا بعت لك رقم الراجل على الخاص وهو من شبرا مش عارف هيكون المكان مناسب لك واللا ايه ..
بس اعتقد ان فيه زيه كتير ..
اعتقد 10 حصص كويس جداً لكن ركز على تعلم الآتى:
1- فى كل حصة خلى جزء منها فى الشوارع الفرعية (الداخلية) ودية مهمة جداً ولازم حصة للركن
2- ازاى تقف على مطلع كوبرى هام جداً
3- خلى الحصص فى فترات متقاربة يعنى كل يوم او يوم ويوم .. وقبل ما تستلم العربية ممكن تاخد قبلها حصة دبل
4- انصحك تعمل تأمين شامل وده هيديك اطمئنان شوية
5- لما تستلم العربية اعمل بيها كام مشوار فى اوقات تكون البلد فاضية وتكون مشاوير انت دارس الطريق بتاعها كويس

وما تهابش الموقف اكتر من اللازم والعربية الزيرو سواقتها سهلة جداً .. وفوق ده كله .. ربــنــا ســتــــار