الموضوع: الزجاج غير متوفر بالتوكيل وسيتأخر وصوله من القاهرة ما الحل ؟

أحبائى الكرام ،،،

سلام الله عليكم ورحمته وبركاته ....

أرجو منكم المساعدة لوجه الله تعالى نظرا لما أعانيه حاليا من ظروف متخبطة ولا أدرى ما السبب فى ذلك ولكن لايسعنى سوى أن أقول الحمد لله تعالى ولله الأمر من قبل ومن بعد وعسى أن تكرهوا شيئا......

بالطبع أحبائى قرأتم موضوعى الخاص بالسرطان المفاجىء لزجاج سيارتى الساجا التى لم تمش أكثر من 60 كم ولم يتم ترخيصها بعد ...

http://www.nilemotors.net/Nile/191038-a.html#post3873153322

المهم ...

كما ذكرت من قبل ....

وعدنى مدير مركز صيانة بروتون بالاسكندرية أن الزجاج الخلفى سيكون متوفرا بالاسكندرية مساء الاثنين القادم حيث أنه لا توجد سوى قطعتان فقط وموجدتان بالقاهرة أبو رواش ...

حمد الله وقلت لنفسى عسى أن تكرهوا شيئا ....

لا بد لى من الانتظار وليس بيدى حيلة أخرى ...

مساء اليوم ..

إتصل بى مرة أخرى مدير المركز ليخبرنى بخبر أخر جميل ...

" للأسف يا أستاذ محمد عربية قطع الغيار اللى بتيجى لينا من القاهرة للإسكندرية مش هتيجى الاسبوع ده ومعلش حضرتك مضطر إنك تستنى شويه ...ولو حضرتك مستعجل إنزل القاهرة على توكيلنا هناك وركبه ...... "

أنا مش عارف أقول إيه بعد كده ....

أنا خلااااااااااااااص جبت أخرى ...

هنزل مصر بالعربية الجديدة اللى من غير نمر ومن غير زجاج خلفى ؟؟

همشى بيها إزاى ياعالم ...

عربية قعدت أحوش فى تمن مقدمها ثلاث سنين ومقسط الباقى على سنتين ...

عربية ورقها يتأخر بالاسبوعين والعربية مركونة فى الجراج زى قلتها وانا بتفرج عليها ..

عربية لما جه ورقها ويوم ما رايح المرور أخيرا عشان أرخص .... الزجاج الخلفى جاله سرطان ...

عربية لسه زيرو وفى الضمان وهدفع ثمن الزجاج اللى بالشىء الفلانى 650 جم وقلت ماشى...

عربية مش لاقى الزجاج بتاعها الا فى التوكيل وهيجى بعد أربعه أيام وقلت ماشى ...

عربية توكيلها يقولى قطع الغيار هتتأخر شويه ..

والله العظيم ياجماعة ..

قسما بالله العظيم ثلاثه ...

أنا إتخنقت وجبت أخرى ...

والله العظيم و ربنا وحده أعلم إن فلوسها حلال ..

والله العظيم حلال ....

بعدت عن نظام التقسيط العادى وإخترت الاسلامى ...

بعدت عن التأمين وتوكلت على الله ...

وربنا وحده أعلم أنى تصدقت إزاى شكرا لله على مارزقنى ...

قسما بالله أنا ليل نهار بقول الحمد لله أنا ربنا كرمنى أخر كرم وأنعم عليا بوظيفه مرموقه مكفيانى وزيادة وأنعم عليا بزوجه صالحة و ثلاث بنات زى القمر وأخيرا سيارة زيرو كنت بحلم بيها طول عمرى ومن زمان عشان أركب حاجة محترمة أحافظ بيها على زوجتى وعلى بناتى الثلاثة من المواصلات والشوارع واللى بيحصل فيها ....

أنا مش عارف فى إيه وإيه اللى بيحصل معايا ده ...

اللهم لا إعتراض ..

إخوتى الكرام .....

أرجو منكم المساعدة إن إستطعتم ولكم منى خالص الدعاء والشكر والإمتنان ولكم من الله خير ثواب لأنكم ستفرجون عنى كربى بإذن الله ...

طلبى هو إن أى حد فيكم يعرف مكان أقدر أشترى منه الزجاج الخلفى للساجا يقولى عليه ...

بس ياريت يكون متأكد من توفره وبأى ثمن عشان انا مش ناقص لف ودوران ومش هقدر أتحرك بالعربية أصلا لأنها لسه مترخصتش ومش هتترخص إلا لما اركب الزجاج ...

أى نعم التوكيل قالى الاثنين الجى ورجع قالى الاسبوع الجى وأنا متأكد إن الاسبوع اللى بعده واللى بعد اللى بعده هيعدوا والزجاج مش هيجى ....

أنا فى قمه شعور لا يمكن وصفه بالكلمات ولكن سيشعر بى كل من تعب وسهر وعمل بكد وحرم نفسه وأولاده للتوفير وفى نهاية المطاف هذا الانتظار الغير مسمى ودون أجل...

أنا أسف ... أسف جدا جدا ... أسف بجد ...



محمد عبد المجيد

الاسكندرية
0116007025
0123704384

المشاركة الأصلية كتبت بواسطة mangere90

السلام عليكم ورحمة الله وبركاته

ياجاعه اناعندي فكركده بسيطه ممكن نساعد بيها اخونا الطيب ده , و هي اي حد معاه ساجا
ساكن في مصر ممكن يقابل صاحب الموضوع ويطلعو علي د . جريش ياخد اسطمبه من الزجاج الخلفي
ويعملو واحد زيه واكيد هتبقي التكلفه مش غاليه زي التوكيل ويبقي كده خدمت الراجل وفي نفس الوقت
بقي في اسطمبه ليها عند د. جريش لأي حد يحتاجها بعد كده , و ان شاء الله خير , وعايز اقوللحضرتك
ان امر المسلم كله خير .

أنا بصراحة صعبان عليَّ إن العربية تبقى لسة جديدة ويتراكبلاها إزاز مش أصلي عشان كده بفضل إنه يطلع عالتوكيل أو حد يجيبله الإزاز ويوديهوله إسكندرية.