الموضوع: ايه اللى حصل فى شوارع القاهره

السلام عليكم اولا
انا بقالى فتره كل لما انزل بالعربيه فى اى وقت بلاقى الناس مش بتسوق لا دى بتتخانق وكله مبقاش مستحمل بعضه و بقى فى عدائيه كبيره اوى بين الناس و بعضها حتى البنات و الستات بقى ليهم طريقه غريبه فى السواقه مش زى زمان انا من راى دى ليه ك>ا سبب منهم الكبت و الخنقه اللى عند الناس فبقت الناس بتفرغه فى بعض ثانيا الناس بقت تقلد سواق سواقين الميكروباص كسواقه و كاخلاق ثالثا مفيش قانون مرور لصالح المواطن رابعا مبقاش فى زوق خالص عند الناس ولا بقت الناس تسامح بعض حتى الملاكى بقيت اشوفهم بيدايقو بعض زى سواقين الاجره انا مش عارف والله العيب فى مين فينا ولا فى العربيات ولا فى الناس اللى مكبره دماغها وسايبين الناس يكلو فى بعض و عاملين نفسهم مش شايفين
شكرا واسف على الاطاله

لا عادي .....
الجميل في الموضوع ان العدائية بتكون من ناس المفترض فيهم انهم محترمين ليه بقي
عشان الناس دي فضلوا ماشيين باحترام لحد ما طقوا من جنابهم و قرروا ينتقموا من كل عربيه ماشيه في الشارع
الاحترام بقي نسبي
المشكلة ان حضرتك شايف الهبل اللي بيحصل حواليك و مفيش قدامك حل الا انك تجاريه و لو جزئيا ....
يعني المحترم دلوقتي بقي اللي بيدي اشارة قبل ما ياخد غرزة
وبرضة اللي بيطفي النور العالي و هو داخل في شارع غلط في وشك وانت ماشي صح بقي محترم لان العادي ان اللي داخل غلط في وشك لازم يشغل النور العالي و يقلبلك يعني حاجه كده زي تطليع اللسان
كله بقي ماشي و رافع راية انا مامن علي العربية يا ولود ....
عدم احترام الغير بقي عادي الواحد من دول يقعد يجري و تحس انه لو اتاخر ثانيه هتحصل مصيبة و اول ما تليفونه يرن يمسك التليفون و يهدي و يقعد يقرقض في ضوافره و يمشي علي 20كم \س و لا كان فيه حد وراه
تيجي عند يوتيرن اربع عربيات واقفين محترمين ورا بعض عشان يلفوا فجاه واحد جاي من يمينهم .... و هوب واخد اليوتيرن قبلهم .... هو ده الفتك بقي الناس دي طبعا هتحس قد ايه كانوا اغبياء و تفكيرهم قاصر .....
يا سيدي قول يا باسط ربنا يستر طريقك
علي كل حال انا سمعت ان الشرطة هتكهن عدد 10 المدرعة فهد ... فلو حد ناوي يشتري يلحق بقي