رايكم في توكيل فيات

**semsem_uno** · 20-12-2010 03:13 PM

المشاركة الأصلية كتبت بواسطة yoko

يا جماعة قلنا الي يكتب يكون إتعامل مع التوكيل مينفعش بالسمع يعني
سمسم قال جيد وهو مجربوش يبقى 2 قالوا جيد
والي قالوا سئ الإتنين معهمش فيات جديد فمينفعش يتحسب صوتهم يبقى النتيجة لسه

0 جيد جدا
2 جيد
0 مقبول
0 سئ

انا قلت جيد لأن بالنسبة للمشاكل اللي بشوفها توكيل فيات يعتبر احسن
و كمان علشان مش شايف ان ناقصو حاجة الا الدعاية
بس عامتا حاضر يا يوكو كلامك يمشي

**loodaa** · 20-12-2010 03:39 PM

انا ما اتعاملتش مع جسر السويس
اتعاملت مع النيل الهندسية في صيانة ال 5000 و كان عادي مفيش مشاكل
كان في خبطه ردوها على البارد ببلاش و كشفوا على الباقي و انتهى الموضوع في ساعه زمن

**osamy** · 20-12-2010 10:42 PM

المشاركة الأصلية كتبت بواسطة wael17

انا مش هاشترك في التصويت غير بعد صيانة ال 5 الاف عشان دي هاتكون اول تجربة

وانا كمان

**yoko** · 20-12-2010 10:46 PM

جيد جدا 0
جيد 5
ahmedbasto, formulator, MNabeih, mohamed_selim, yoko
مقبول 1
Anti_virus_abdo

سئ 1
aymoz

طبعا شيلت أسامي الناس الي معهاش فيات جديد
والناس الي إختارت في الإستطلاع تكتب المشاكل والي إتحل منها والي متحلش

**Anti_virus_abdo** · 21-12-2010 08:19 PM

انا عمات صيانة ال5000 و كان معاها شوية مشاكل
1) اصوات تزييق في الابواب و التابلوه و علي حسب ما قريت و شفت تزييق الابواب دية حاجة common في الجراند بونتو و كذا جد قال عليها وانا هناك و قريت عنها كتير عندهم المشكلة و التوكيل اول ما تقولهلهم يقولك اااااااه خلاص هتتعمل اية تاني
2)صوت شوشرة في الراديو علي طول الصوت مش نقي (بالاريال) دا بتكلم علي nile FM w nogoum fm الهما اقوي ارسالين دا ساعات في مناطق (مكشوفة و الارسال فيها قوي عادي) مش بيشوف nogoum fm في ال Auto scan بيفوت 100.6 و طبعا بقيت القنوات ضيعة.
عملوا الصيانة و خلصوها قبل معادهم حتي و قلولي عبلنا الابواب و الصوت قل فعلا بس مرحش و قلي رجعنا علي توصيلات الكاسيت و الراديو و كلها زي الفل بس للأسف برده فيه نفس العيب الي مش رضيين يعترفوا بيه اصلا ! و مشيت علي كدا
تاني يوم لقيت صوت الابواب رجع زي الاول بأزعاجة رحتلهم تاني و قلتلهم علية قلولي ماشي و خدوها ساعتين و خلصت بس لا جديد و ناوي اروح توكيل Clarion عشان الكاسيت بس ديه حكايتي مع التوكيل عشان كدا اديتة مقبول مع العلم ان الواحد ميعرفش صيانة ال5000 نفسها اتعملت بضمير ولا لأ زي تربيط العفشة و كدا (زي ما حصل مع يوكو في تربيط العفشة مثلا) بس بصراحة انا حسيت بفرق بعديها العربية بقت مسكه نفسها اكتر و اي جديد هبي اقولكم علية :))

**yoko** · 21-12-2010 08:27 PM

جيد جدا 0
جيد 5
ahmedbasto, formulator, MNabeih, mohamed_selim, yoko
مقبول 2
Anti_virus_abdo, yassinhaitham

سئ 1
aymoz

طبعا شيلت أسامي الناس الي معهاش فيات جديد
والناس الي إختارت في الإستطلاع تكتب المشاكل والي إتحل منها والي متحلش

**yoko** · 21-12-2010 08:29 PM

شكرا لكل الناس الي رددت والموضوع ده عشان يبقى تقيم محايد للتوكيل ونقاط الضعف ونفاط القوة وعشان الناس متخدش فكرة غلط عن التوكيل من مجرد شويه إشاعات أو حقائق وإتكبرت بالسلب أو الإيجاب

**yoko** · 21-12-2010 08:47 PM

المشاركة الأصلية كتبت بواسطة tareket

التقيم مع التوكيل يختلف

الصيانة الدورية

مقبول

الصيانة بطأ جدا
التكلفة مرتفعة جدا بس الصراحة كل التوكيلات بتستهبل

الضمان

وهمى
من الاخر الضمان هيبقى لو موتور ولع مثلا
الفتيس وقع
اى حاجة تانية هيقول ده سوْء استخدام

معاك تقريبا أما موضوع الضمان
فكل التوكيلات كده بيقولك سوء إستخدام لقاك فاهم وبتقاوح هيعملها ضمان مش فاهم بركة

أنا مغير كلاكس عليهم في الضمان

مشاهدة نتائج الإستطلاع: رايكم في توكيل فيات حاليا

الموضوع: رايكم في توكيل فيات

LinkBack

أدوات الموضوع

عرض

-

-

-

-

-

-

المواضيع المتشابهه

توكيل فيات

بلاش حد يشتري فيات ايفو او اي موديل تبع توكيل اوماترا لانو توكيل اي كلام !!!!!

مشكلة مع توكيل hp وعايز رايكم فيها ؟؟

توكيل فيات

الكلمات الدلالية لهذا الموضوع

المفضلات

المفضلات

ضوابط المشاركة