الحمد لله نتيجة الاستطلاع تمام!!!!!
لحد دلوقتي
عرض للطباعة
الحمد لله نتيجة الاستطلاع تمام!!!!!
لحد دلوقتي
punto evo 2011 pk1 auto
3500 كيلو
أي نعم معملتش صيانة ولا مرة بس رحت التوكيل(جسر السويس) كذا مرة. العربية كان فيها كام عيب بسيط فى التقفيل و قلتلهم عليه و صلحوه, و الأصوات الغريبة إللي كانت بتطلع راحت. بصراحه أنا شايفه إن التوكيل عشرة على عشرة من حيث المعاملة و الإهتمام و إنتظام المواعيد كتوكيل لسة بيبني سمعة,بإستثناء حجز المواعيد ده صعب و كنت علطول باجي من غير معاد. العربية طبعاً تحفة و بتجري و زي الفل. و إختراع الديوال لوجيك هايل.
Go For A FIAT In Egypt !!
يا ريت بعد اذن حضرتك توضح لي ما هي العيوب دي و اية الاصوات اللي كنت بتسمعها و هما عملوا اية باضبط
لان انا عندي برضة شوية اصوات كدة و عايز اعرف اذا كنت اروح لهم ولا ده عادي
عربيتي جراند بونتو 2009
عامله 20000 كيلو
العربيه ممتازه , و سعرها قليل عليها و أنا برجع السبب فى كده للتوكيل .
لأن التوكيل بطئ جدا فى شغله , و أماكن الأنتظار للعملاء زحمه , رحت قبل كده فى ميعاد الصيانة اللى حاجزته و سلمولى العربيه بعدها بمده طويله جدا حوالى 5 ساعات مع أني كنت عايز أصلح الزجاج الأمامي العطلان تبع الضمان بس , الزجاج باظ تاني بعدها بيومين مع العلم أني بسافر علشان أروح أعمل الصيانة من المنصورة , المفروض بعد كل صيانة يغسلوا العربيه ذي ما بيعملوا فى معظم التوكيلات , أسعارهم غالية قليلا .
Punto evo 2011
700 كلم سلمتها قبل الحادث
900 كلم استلمتها بعد الحادث
التقييم سئ و لو في أسوأ هختاره لأن أنا دلوقتي بقيمه من ناحية مدى مسئوليتهم و تقديرهم لحياة الإنسان إنهم يخرجو عربية بعيوب خطر....
بغض النظر بقى عن الوقت و البطء و أنهم فعلا أول رد على أي مشكلة يا إما سوء استخدام يا إما نتيجة الحادث... و مبيتعدلوش ألا لما تتعصب و تتهددهم و يدوك ورقة بالمشكلة و إنها على الضمان.
بانسبة لأصوات الحزام فعلا بتعلق و هما ولا في دماغهم و فعلا سواقتهم غريبة و لما استلمت العربية فرش كرسي السائق و الباب كمان اتوسخوا و لا كأنهم كرسي و باب ميكروباص......
و ياريت تقروا الموضوع ده خااااااصة ملاك الإيفو..
http://www.nilemotors.net/Nile/201796-a.html
عربيتى طلعت من الضمان من فترة. خلال ال3 سنين و 6 زيارات للتوكيل, كل مرة بيبقى زى الزفت و يوم مليان مشاكل و أدفع فلوس بالهبل و أول ما أمشى نفس العيوب تظهر
برافو
2009
11 الف كيلو
راى فى التوكيل سىء لا يستحق انة ياخد توكيل فيات
المشاكل اللى اتحلت تغير الكابل العمومى للبطارية بعد معاناة كبيرة وبعد ما عطلت منى مرتين, مش عارف لية معظم عربيات فيات وهى لسة جديدة كدا تلاقى فيها عيب يا اصوات يا ايرور على الكمبيوتر يا عيب اخر.وهما ما شاء اللة فاهمين اوى بصراحة:error404:
المفروض يا جماعه يبقى فيه تلات اربع اختيارات زياده بعد سيء
تقييمى لاوماترا سىء طبعا دول لولا انى برحلهم كان زمان عربيتى بقيت احسن ما روحتلهمش بحاجة الا و طلعت بمشكلة تانية بعد
انا ححكى موقف واحد و ده اخر موقف معاهم و لسه كان من اسبوعين تقريبا
انا معايا باليو و بقالها نتين و نص روحتلهم علشان سمعت صوت صفارة ى العربية فقلت اروح اشوف ايه الحكاية المهم طلعت ان بلية سير التقسيمة باظت و لازم تتغير هى و السير و طبعا قالولى دى مش تبع الضمان علشان السير و البلية المفروض انهم يتغيروا كل 40000 كم او سنتين يعنى حيغيروا على حسابى..............
المهم فوضت امرى لله فيهم و قلت ماشى مش حستخسر فى العربية و قلتلهم كمان بالمرة بقى يعملولى الصيانة بتاعتها
المهم بعد ما خلصوا الصيانة و تركيب السير و كلو تمام جربت العربية علشان انا اتقرست منهم و عارف مقالبهم فقولت لازم اتاكد ان كلو تمام قبل ما امشى و فعلا اتاكدت و مشيت
بعد 3 ايام بالضبط لقيت العربية بدات تقطع و سامع صوت تكتكة كهربا ناحية الموتور و دى كانت اول مرة تحصلى اصلا...
انا طبعا قلقت من التوكيل فقمت روحت لميكانيكى برة و قام قالى المصيبة اللى عملوها (كالعادة)............
طلع ان بتوع اوماترا منهم لله و هما بيغيرو ا البوجيهات قطعولى كبل من كبلات البوجيهات و علشان يداروا عليه لازقوا بشيكارتون علشان يعنى محسش بحاجة و انا بستلم العربية و بعد ما ستلمتها بكام يوم بدء التقطيع لان الشياكرتون ساح فالكابل بدا يهرب كهربا و يعمل التقطيع و الصوت ده فى العربية................
الميكانيكة حاول يثبت الكابل بشيكارتون منفعش قام لحموا بردو منفعش وانا دلوقتى بدةر على طقم كابلات تانى علشان اغير الموجودين
طبعا ان محروق دمى منهم و حلفت انى مش حروحلهم تانى ابدا خلاص................
مش حقول غير ربنا ينتقم منهم علشان مدوخنى كده بس انا اللى استاهل انى روحتلهم اصلا دى غلطة و مش حتكررر تانى انشاء الله