سلام عليكم,
الحمد لله انا من اصحاب العربية اللي بتحمل اسم فيات,
يا ريت يا جماعة اللي يشارك يكون من اصحاب نفس الماركة,
و يقول:
موديل العربية
سنة الصنع
العربية عامله كام كيلو
و يقول كام مشكلة واجهته و كام اتحل و كام ما تحلش
و رايه في التوكيل دلوقتي
و رأيه في العربية ككل
يا ريت كمان كل الناس تشارك سواء عنده مشكلة او ما عندوش.
لان عادة الناس اللي بيبقي عندهم مشاكل بس اللي بتشارك,
اما لو واحد ما عندوش مشكلة و التوكيل محترم معاه بيبقي ساكت,
فلو سمحتوا كله يشارك في الاستطلاع,
و لو سمحتوا هابدأ انا,
فيات لينيا
2009
22300 كم
بعد ما جبت العربية كانت بتغيب في الدوارة,
روحت التوكيل, استلمها مني م شريف محترم جدا
قعدت 3 ساعات و استلمت كان فيه ريلاي في علبة الفيوزات و غيروه
التوكيل جيد
العربية ما شاء الله جميلة
و الحمد لله بالنسبة للصيانات الدورية تمام قوي,
اخر مرة في صيانة ال20000 كنت رايح من غير ما احجز و كان يوم سبت
روحت الساعة 8 , استلموها 9, خلصت 12
قولتلهم ما يغيروش والا فلتر الهوا والا التكييف و فعلا.
بس ليا بقي اعتراض ساعات الناس اللي هناك اللي بتسوق العربية جوة المركز
بتفرك بالعربية و تدوس فرامل جامد و يرزعوا الباب و كدة يعني.
تحياتي
المفضلات