المشاركة الأصلية كتبت بواسطة funnymickey
ماشي اوكي
كلنا حراميه
انتا شايف ياسيف ان ده عدل ؟؟
يعني انتا تعبت وعملت حاجه عشان تنفع بيها البشريه ولا عشان تطلع منها مصلحتك الشخصيه وطظ في الباقي؟؟؟
انا معاك ان ده حقهم
من حقي اني اعمل مشروع وابيعه بسعر كويس يجيبلي عائد
زي اي تجاره في العالم
بس كل حاجه وليها حدود
لازم اعرف اني طالما عملت حاجه خليت الناس كلها في حاجه ليها
يبقي لازم اراعي ده
لما الاقي مرض تفشي بين الناس
وانا اخترعت علاج للمرض ده
مقولش الدوا بمليون جنيه الازازه واللي عاجبه
تاني يوم حلاقي الازازه اتاخدت واتحللت واتعرفت مكوناتها وبقالها مليون بديل في السوق
حتقولي مش دوا ده واستغني
ياسيدي انا راجل مرفه وعاوز اتفرج علي كل الدوريات اللي في العالم وكل الافلام والاغاني
من حقك تاخد فلوس
ومن حقي تبقي بسعر معتدل
انما عشان يبقي فيه واحد مستغل لحقوق البث لمجرد انه دفع فلوس وخد الحق ده
يبقي كده بقي حتلاقي النادي الاهلي باع لدريم حق البث
والزماالك باع حقه للحياه
وكل واحد يبيع وطظ في الناس المهم انا
لا خلاص
طظ فيكو كلكو
واولعوا بفلوسكو
وخلوها تنفعكو اما تدفعوا ملايين في دوري وفي الاخر نص الناس بتتفرج عليه شيرنج
والباقي مشترك
يبقوا يعيطوا
كان في ايدهم
الناس دي كلها تبقي معاهم
بس هما مستغنيين
وانا كمان مستغني
عندي البديل وارخص منك
اخد منك ليه
انتا تعرف اني فكرت فيها بطريقه تانيه
سبحان الله
كل مجال فيه اللي يبوظله الدنيا
شوف الكمبيوتر
لو مكنش فيه حل لنسخ الويندوز دي انها تتنسخ او مقفوله ومتفكتش
كنت حتلاقي كم استخدامات الكمبيوتر دي؟؟؟
لولا الهاكرز اللي بتخترق النسخ وتسرقها
كان زمان النسخ دي بقت باضعاف اضعاف تمنها
عشان عارف ان مفيش سكه غيره
لولا الشيرنج كان زمان اشتراك الجزيره شهري 500 والف جنيه والفين كمان
ماهو مفيش سكه غيره
لما حديد عز رفع سعر الحديد ووصل 8000 جنيه للطن والناس كانت بتصوت
رحم حد؟
لا لا
داس اكتر وبقي ب9000
ويقولك ده سعر سوق
اما الحكومه قررت استيراد الحديد ونزل تركي ب5000
نزل سعر حديد عز بعدها باسبوع بقي ب6000
ربنا بيسلط ابدان علي ابدان