الموضوع: انتقلت من الدايو الى الهيونداى

المشاركة الأصلية كتبت بواسطة volcano12

الفوجات ب 160 جديد صينى جديد بالتركيب + 40 زرار أصلى
الساعه الأصلى استيراد ب 80 جنيه و الأصلى جديد كانت غاليه قوى بس مش فاكر كام.... ده بس اللى كنت سائل عليه قريب بصراحه... الباقى مش عارف... بس فى ناس كتير هنا ممكن تفيدك

الف شكر ليك ياباشا بس معلش هو نوع المبات المستخدمه في الاكسينت ايه يعنى h4 ,h3 ولا حاجه تانيه ؟

المشاركة الأصلية كتبت بواسطة bassamhafez

اسف على التدخل بس انا كمان اجابتي على اسالتك كلها لا

بس هل ده معناه اني مقدرش حتى اشتري عربيه من بورسعيد واجمركها واخرج بيها عادي زي ما انا عايز

ويا تري الاسعار والجمارك في الحاله دي هتكون عامله ايه

مبدائيا معدش فيه شراء من الاستثمار بمعنى انك لازم تشتري عربيه من معرض او من صاحبها (البورسعيدى) وممكن عادي تدفع جماركها وتخرج بيها عادي

بس معلش لو كان الموضوع مجدي كان اغلب الناس اشتروا من بورسعيد ودفعوا الجمارك

و لمعلوماتك تقريبا اغلب العربيات بيتحط جمارك عليها جزافي طبعا هتدفع تمن العربيه + جماركها يبقي تشترى زيرو احسنلك وتكسب موديل السنه

المشاركة الأصلية كتبت بواسطة organic_magic

السلام عليكم ورحمه الله وبركاته


انا عضو جديد معاكم في قسم الهيونداى وعضو قديم لقسم الدايو


انا كان معايا دايو جوليت


وحاليا بفضل الله تم شراء امس سياره هيونداى اكسينت موديل 2000 (امريكى ) السياره منطقه حره


مواصفات السياره

1500 سي سي - اتوماتيك - 2 اير باج - الشنطه و تانك البنزين يمكن فتحهم من الداخل - كرسي السائق به اكثر من حركه 3 حركات الكرسي بطلع وبينزل من بدايته و من اخره


انا حابب استفسر عن سعر كام حاجه

انا عايز اركب فوجات زى بتاعه الفيرنا مكان الهوايات اللي في الرفرف
الساعه اللي في التابوه مش راضيه تتظبط - بدوس الزراير للاخر دون جدوى
هو الكاوتش 14 بس عايز اعرف لو عايز اركب جنط 14 يبقي المقاس المناسب ايه ؟
ايه قطع الغيار الانسب اللي ممكن تركب بسهوله الفيرنا ولا الفيفا؟
عايز اركب الفوانيس الخلفيه بتاعه الفيرنا
لمبه حزام الامام بتعلق في التابلوه اظبطها منين
ياريت مكان او رقم الفيوز الخاص بالكلاكس
عايز اركب الفوانيس الاماميه عدسات ينفع ولا لا

برجاء افادتى ولو تكرمتهم لو حد يعرف الاسعار هبقي شاكر جدا

1- الفوجات هاتها استيراد هيه والمفتاح احسن وانضف انا لسه سأئل عليهم ب 120 جنيه والفتاح الاصلي ب 20 ج يعني كله ب140 جنيه
2- هات لك ساعة استيراد تمنها من 100 : 80 جنيه حسب الحالة واهم حاجة متنساش تجيبها بالفيشة النتاية بتاعتها من ورا عشان مش هتلاقيها لوحدها
3- بالنسبة للكاوتش ... مش عارف بس ممكن تسأل ا/ ممدوح استشاري الدايو هيقولك تركب ايه ده راجل محترم وخبرته كبيرة بالكوري
4-فيه حساس للمبة الحزام خلي الكهربائي ينضف هولك ب w40 بس ياريت يكون كهربائي كويس جدا جدا لان اغلب مكونات الهيونداي الاكسنت البلاستيك بتاعها خفيف زي ورق السجاير ااقل حاجة بتكسرة وتبهدله فلازم يكون حساس في الفك والتركيبب.
5- الاكسنت الاوروبية لها قطع غيارها الخاصة ممكن تسال عند المنير في فيصل او الخواجة في نزلة البحر الاعظم
6- الشكل الخلفي لفوانيس الفيرنا غير الشكل الخلفي للاكسنت ولا يمكن التركيب بينهم الا بالتعديل وده هيتطلب نزولك الي الحرفيين وعمل تعديلات في الرفارف الخلفية (غير مستحب) وعوضا عن ذلك ممكن تشتري فوانيس خلفيه كريستال في حدود 140 للفردة وشكلهم شيك جدا وهيدولك رونق وجمال جديد.
7- بص هو المفروض ان خريطة الفيوزات علي الغطا بتاع علبة الفيوزات دور عليها Horn بس هو غالبا عندي في الخليجي الفيوز رقم 16 مش عارف في الاوروبي هيكون كام.
8- ينفع تركب عدسات للفوانيس ، اشتري العدسات اللي انت عاوزها وروح لنفس الكهربائي الشاطر اللي هيصلح لك لمبة الحزام ، وخليه يفك لك وش الفوانيس وركب العدسات والزينون فيها لو عاوز وقفلها وفييمها وقفلها واستمتع

وياريت رجاء شخصي لما تلاقي الكهربائي الكويس تبعت لي رقمه

عصام شعبان
0100499485

المشاركة الأصلية كتبت بواسطة essam_shaaban

اولا قبل كل شي انا بشكر حضرتك جدا جدا يا استاذ عصام علي سعه صدرك وردك علي اسألتى

1-الفوجات هاتها استيراد هيه والمفتاح احسن وانضف انا لسه سأئل عليهم ب 120 جنيه والفتاح الاصلي ب 20 ج يعني كله ب140 جنيه

انا فكرت في كدا بس اكيد الفوانيس بتاعه الفوجات المستعمله هتبقي مش بنظافه الجديد من حيث المظهر فربنا يسهل واللاقي حاجه نظيفه

2- هات لك ساعة استيراد تمنها من 100 : 80 جنيه حسب الحالة واهم حاجة متنساش تجيبها بالفيشة النتاية بتاعتها من ورا عشان مش هتلاقيها لوحدها

بص انا عندي الساعه شغاله بس المشكله الوقت مش مظبوط يعنى مشكلتى في الزراير كل ما ادوس عليا مفيش استجابه - انا فكرت اشيل كابل البطاريه السالب وبعدين اركبه تانى كدا الساعه هيتعملها reset وبعدين اشفها هتتظبط علي كام لو مثلا ظبطت علي 12 اجي اليوم اللي بعده الساعه 12 الا دقيقه واشيل كابل البطاريه السالب تانى علشان الساعه تتظبط دى افتكاسه مش عارف صح ولا غلط


3- بالنسبة للكاوتش ... مش عارف بس ممكن تسأل ا/ ممدوح استشاري الدايو هيقولك تركب ايه ده راجل محترم وخبرته كبيرة بالكوري

ممدوح باشا طبعا حبيبي انا اصلا جاى من عنده منا كان معايا جوليت وهو عارفنى بس انا قولت اسال هنا علشان مشغلوش عن الناس بتاعه الدايو بس لو كدا هابعتله ان شاء الله علي الخاص استفسر منه

4-فيه حساس للمبة الحزام خلي الكهربائي ينضف هولك ب w40 بس ياريت يكون كهربائي كويس جدا جدا لان اغلب مكونات الهيونداي الاكسنت البلاستيك بتاعها خفيف زي ورق السجاير ااقل حاجة بتكسرة وتبهدله فلازم يكون حساس في الفك والتركيبب.

طب هو مكان الحساس فين؟ وانا اعمله اعتقد ان الكهربائي مش هيخاف علي الفيشه اكتر منى


5- الاكسنت الاوروبية لها قطع غيارها الخاصة ممكن تسال عند المنير في فيصل او الخواجة في نزلة البحر الاعظم

الاكسينت اللي معايا امريكيه وليست اروبيه والاماكن اللي حضرتك ذكرتها لا اعلم منها شئ بس احنا عندنا شونه كبيره جدااا في بورسعيد اكيد لو دورت علي طلبي هلاقيه بأذن الله

6- الشكل الخلفي لفوانيس الفيرنا غير الشكل الخلفي للاكسنت ولا يمكن التركيب بينهم الا بالتعديل وده هيتطلب نزولك الي الحرفيين وعمل تعديلات في الرفارف الخلفية (غير مستحب) وعوضا عن ذلك ممكن تشتري فوانيس خلفيه كريستال في حدود 140 للفردة وشكلهم شيك جدا وهيدولك رونق وجمال جديد.

انا عندى تقريبا نفس الحجم بتاع الفيرنا لان كل اللي شاف العربيه كان مفكرها فيرنا من ورا بس لو كدا انا ممكن اجيب بتوع الفيرنا من الشونه ولو شكلهم مش تمام ابقي افيمهم


7- بص هو المفروض ان خريطة الفيوزات علي الغطا بتاع علبة الفيوزات دور عليها Horn بس هو غالبا عندي في الخليجي الفيوز رقم 16 مش عارف في الاوروبي هيكون كام.

طب كدا تمام عليا وعلي الخريطه ان شاء الله

8- ينفع تركب عدسات للفوانيس ، اشتري العدسات اللي انت عاوزها وروح لنفس الكهربائي الشاطر اللي هيصلح لك لمبة الحزام ، وخليه يفك لك وش الفوانيس وركب العدسات والزينون فيها لو عاوز وقفلها وفييمها وقفلها واستمتع

انا مش عايز افك الفانوس واركب عدسات انا كنت عامل كدا في الجوليت بس كنت مركب عدسات ومدخل تراب وميه فمش طلبا انا عايز اركب الفوانيس السودا زى اللي بتركب في الهوندا فانوس كامل بعدساته



وياريت رجاء شخصي لما تلاقي الكهربائي الكويس تبعت لي رقمه

من عنيا الاتنين بس انت مستعد تنزل بورسعيد؟

طبعا تشرفي في بورسعيد وانا هاكون ممنون جدا لو اتعرف واتشرفت بمقابله حضرتك

المشاركة الأصلية كتبت بواسطة bassamhafez

تسلم يا باشا ومبروك العربيه وسوري لو ما كانش عندي اجابه لاسئلتك عن عربيتك

الله يبارك فيك , لا ولا يهمك احنا هنا اخوات الي يعرف اكيد مش هيبخل علي حد بمعلومه

بسم الله الرحمن الرحيم
السلام عليكم انا حرد على استفساراتك الفنيه ان شاء الله لما اروح الشغل بس كنت حابب اني اوضح حاجه في امريكا اكسنت مو2000 هي هي الفيرنا فيفا عندنا بس احنا غبور اتأخر في الأستيراد لغايه ما حصل ليها فيس ليفت وسماها فيرنا
شوف اللينك ده لو كلامي صح نكمل ان شاء الله لو مش صح قوللي وانا معاك ان شاء الله ححاول افيدك
Hyundai Accent - Wikipedia, the free encyclopedia