انتقلت من الدايو الى الهيونداى

**organic_magic** · 20-12-2010 11:47 AM

السلام عليكم ورحمه الله وبركاته

انا عضو جديد معاكم في قسم الهيونداى وعضو قديم لقسم الدايو

انا كان معايا دايو جوليت

وحاليا بفضل الله تم شراء امس سياره هيونداى اكسينت موديل 2000 (امريكى ) السياره منطقه حره

مواصفات السياره

1500 سي سي - اتوماتيك - 2 اير باج - الشنطه و تانك البنزين يمكن فتحهم من الداخل - كرسي السائق به اكثر من حركه 3 حركات الكرسي بطلع وبينزل من بدايته و من اخره

انا حابب استفسر عن سعر كام حاجه

انا عايز اركب فوجات زى بتاعه الفيرنا مكان الهوايات اللي في الرفرف
الساعه اللي في التابوه مش راضيه تتظبط - بدوس الزراير للاخر دون جدوى
هو الكاوتش 14 بس عايز اعرف لو عايز اركب جنط 14 يبقي المقاس المناسب ايه ؟
ايه قطع الغيار الانسب اللي ممكن تركب بسهوله الفيرنا ولا الفيفا؟
عايز اركب الفوانيس الخلفيه بتاعه الفيرنا
لمبه حزام الامام بتعلق في التابلوه اظبطها منين
ياريت مكان او رقم الفيوز الخاص بالكلاكس
عايز اركب الفوانيس الاماميه عدسات ينفع ولا لا

برجاء افادتى ولو تكرمتهم لو حد يعرف الاسعار هبقي شاكر جدا

**ahmedxman4** · 20-12-2010 02:42 PM

وعليكم السلام ورحمة الله وبركاته
اولا : الف مبروك لحضرتك على العربية وربنا يباركلك فيها وربنا يديك خيرها ويكفيك شرها
ثانيا : انا اسف لانى مش هقدر اجاوب على اى سؤال من بتوع حضرتك لأنى بصراحة معرفش بس كنت طمعان فى كرم حضرتك تجاوبنى على اسئلتى
1- العربية لما تكون منطفة حرة يعنى كانت فى الجمارك ومركونة ولا ايه بالظبط وايه الانواع اللى ممكن الاقيها فى المنطقة الحرة وهل الاسعار معقولة ولا ........
انا اسف انى طولت على حضرتك بس العشم بقى ومرة ثانية الف الف الف مبروووووووووووك وربنا يباركلك فيها يا رب

**organic_magic** · 20-12-2010 02:54 PM

المشاركة الأصلية كتبت بواسطة ahmedxman4

وعليكم السلام ورحمة الله وبركاته
اولا : الف مبروك لحضرتك على العربية وربنا يباركلك فيها وربنا يديك خيرها ويكفيك شرها
ثانيا : انا اسف لانى مش هقدر اجاوب على اى سؤال من بتوع حضرتك لأنى بصراحة معرفش بس كنت طمعان فى كرم حضرتك تجاوبنى على اسئلتى
1- العربية لما تكون منطفة حرة يعنى كانت فى الجمارك ومركونة ولا ايه بالظبط وايه الانواع اللى ممكن الاقيها فى المنطقة الحرة وهل الاسعار معقولة ولا ........
انا اسف انى طولت على حضرتك بس العشم بقى ومرة ثانية الف الف الف مبروووووووووووك وربنا يباركلك فيها يا رب

الله يبارك فيك

بص انا ممكن اجاوبك علي كل اسالتك بس سؤالى ليك الاول
انت عايش في بورسعيد اكتر من 10 سنين ؟ او متزوج من بورسعيديه عايشه اكتر من 10 سنين ؟ او ليك حد في بورسعيد ممكن تجيب العربيه علي اسمه بس مش هتخرج من بورسعيد اكتر من 90 يوم في السنه

لو اى اجابه من فوق نعم ممكن نكمل

**ahmedxman4** · 20-12-2010 03:10 PM

شكرا على سرعة الرد
والاجابة على اسالتك للأسف لأ

**BassamHafez** · 20-12-2010 03:13 PM

المشاركة الأصلية كتبت بواسطة organic_magic

الله يبارك فيك

بص انا ممكن اجاوبك علي كل اسالتك بس سؤالى ليك الاول
انت عايش في بورسعيد اكتر من 10 سنين ؟ او متزوج من بورسعيديه عايشه اكتر من 10 سنين ؟ او ليك حد في بورسعيد ممكن تجيب العربيه علي اسمه بس مش هتخرج من بورسعيد اكتر من 90 يوم في السنه

لو اى اجابه من فوق نعم ممكن نكمل :oc_sun1[1]:

اسف على التدخل بس انا كمان اجابتي على اسالتك كلها لا

بس هل ده معناه اني مقدرش حتى اشتري عربيه من بورسعيد واجمركها واخرج بيها عادي زي ما انا عايز

ويا تري الاسعار والجمارك في الحاله دي هتكون عامله ايه

**kar!m** · 20-12-2010 03:55 PM

أعتقد لأ .. الخاصية دى لأهل بورسعيد بس .. و لو حد تانى حب يشترى عربية من برة يا اما يكون المالك الأول يا اما تكون معاقين.

**M.Elgergawy** · 20-12-2010 03:58 PM

حاجة غريبة فعلا محدش رد على سؤال العضو وكله بيسأل لنفسه فقط
والعضو كانت اجابته واضحة جدا عشان ترخص عربية من بورسعيد
لازم تبقى مقيم 10 سنوات او متزوج من بورسعيدية تكون مقيمة اكتر من 10 سنوات

**ahmedxman4** · 20-12-2010 04:06 PM

الأخ puyol لو حضرتك لاحظت ان فى اول الموضوع انا رديت وقلت انى معرفش واكيد ان شاء الله الناس اهل الخبرة هتدخل وترد على الخ المحترم صاحب الموضوع وانا اوغيرى كنا سالنا فده ميخلناش ان احنا بتوع مصلحة نفسهم الاستاذ المحترم جدا صاحب الموضوع رد علينا بكل ادب احترام وربنا يجزيه خيرا ان شاء الله ويا اخى الموضوع وما فيه هو نقل خبرات واسف مرة ثانية لو مقدرتش افيد صاحب الموضوع باى معلومات

**organic_magic** · 20-12-2010 04:23 PM

الموضوع: انتقلت من الدايو الى الهيونداى

LinkBack

أدوات الموضوع

عرض

انتقلت من الدايو الى الهيونداى - انشر الموضوع فى :

-

-

-

-

المواضيع المتشابهه

انتقلت والدتي الى رحمة الله ، نسألكم الفاتحة والدعاء

والدتى انتقلت الى رحمة الله

اسف جدا يا رجالة الدايو الحقوني في مشكلتي باعتباري كنت من ملاك الدايو معاكو

لخبراء الدايو واهل الخبرة ...... هل الدايو ليها مسمار رجلاش للعلبة الدريكسيون؟؟؟؟؟

طلمبة بنزين الدايو و الهيونداى

الكلمات الدلالية لهذا الموضوع

المفضلات

المفضلات

ضوابط المشاركة