السلام عليكم ورحمه الله
أحب أشكركم جدا على الموقع وعلى الأستفاده اللى الواحد بيستفاد منها
أنا إن شاء الله نويت على الكيا سيراتو كوبيه

أنا بعمل بحث بقالى شهر ونص فى العربيه دى وجربتها امبارح والحقيقه عجبتنى جدا

سمعت عيوب كتيره

1- العافشه ناشفه (لقيتها مش كدا بعد لما سوقتها)
2- العزل وحش بأنك تسمع كل حاجه بتحصل بره (مجربتهاش بس مش متهيالى صح)
3- التكييف وحش بيعتمد على قوة الهواء مش على التبريد (ناس قالت نظف الفلتر باستمرار ومش أزمة)
4- جنط 17 من كتر المطبات هيعمل بالونات فى الكاوتش (مش عارف بصراحه)
5- الخليجى فى مشاكل مع التوكيل ولازم تدفع 5000 كل سنه عشان تعمل صيانه مش ضمان (قزلت هاعمل بره)


لكن بصراحه اللى انا لاحظتة بنفسى ان خامات العربيه من جوه مش معمره زى مقبض الباب ناعم او دراع قلب الكرسى تحس انه هيبوظ بسرعه ؛؛ حاسس ان الخامات عامه مش قويه ايه رأيكم
لأن العربيه مش بقالها كتير فى السوق

انا عايز رأيكم بسرعه لأنى على وشك انى هاشترى ان شاء الله
ولو عندكم تعليق على العيوب الخمسه اللى فوق قولوا احب استفاد ان شاء الله
شكرا وأسف على الأطاله