عايز أأمن علي عربيتي و مش عارف احسن الشركات ايه ؟؟؟ و اقل نسبة ؟؟
و ايه هي البرامج اللي موجودة لأني سمعت في من غير اي نسبة تحمل و في بنسبة تحمل....!!
يا ريت تيفيدوني في الموضوع ده
و هل في شركة معينة نايل موتورز متعاقدة معاهم علي عروض و خصومات ؟؟!
و ألف شكر
بص يا دوك .. أنا مأمن مع كونتاكت بس نسبتهم تقريباً أعلى شركة تأمين فى مصر بس فى المقابل زى ما قالولى فيه خدمات زى ونش ببلاش ينقل العربية لو وقفت و عربية بديلة لمدة 3 أيام تصرف بيهم حالك. (مجربتش الإتنين)
عندهم نظامين أزرق و برتقالى .. أزرق 5% لو هتدفع التأمين كاش و 5.25% لو تقسيط .. و البرتقالى 5 و 4.75
جربتهم مرة واحدة كنت بصلح العربية فى التوكيل .. كويسين فى المعاينة إنها بتم فى خلال 24 ساعة و الإجراءات .. بس ذلونى عشان يبعتوا جواب المخالصة عشان أستلم العربية من التوكيل بعد ما خلصت .. بعتهولى سعادتهم الساعة 5:05 و أنا بتحايل عالموظفين يقعدوا خمس دقايق بعد مواعيد عملهم اللى بتخلص الساعة 5:00 بدل ما أستنى من الخميس للحد.
أخر حاجة .. اول مطالبة بيدفعوا هما كل الفاتورة .. تانى مطالبة انت بتدفع 15% منها و تالت واحدة 25%
معندهمش نسبة تحمل و إهلاك و الكلام ده.
عالعموم هى أحسن شركة بس فى تقديرى متساهلش النسبة العالية أوى دى.
فيه شركات تانية كويسة زى مصر للتأمين بس مش مجربهم بصراحة.
اقتباس:
المشاركة الأصلية كتبت بواسطة meza
الف شكر يا كبير
طيب عندي استفسار ايه موضوع التقسيط ده ؟؟ يعني كل شهر ؟؟
و ايه الفرق بين الازرق و البرتقالي ؟؟
و ألف شكر مرة تانية
اقتباس:
المشاركة الأصلية كتبت بواسطة fawzyyyy
التقسيط بتدفعه كل شهر تمام
و الفرق إن الونش بيجيلك لو العربية وقفت بسبب حادثة أو عطل فنى زائد العربية البديلة فى الأرزق .. إنما البرتقالى الونش بيكون فى حالة إن العربية عطلت خالص و مش عاوزة تتحرك بسبب الحادثة مش عطل فنى و مفيش عربية بديلة بس بيكون فيه عربية ليموزين توصلك من مكان الحادثة للمكان اللى رايحه.
كل ده يبان إن كلام كويس .. بس بصراحة ساعة التطبيق حاسس إن ملهوش لازمة ... يعنى مثلاً العربية فضلت شهر فى التوكيل فى حين إن العربية البديلة بتكون 3 أيام بس ... كمان الونش بيجيلك لو العربية مبتتحركش بس.
الميزة الوحيدة اللى شايفها فيهم إنهم منظمين و خدمة عملاء كويسة و مش لبط و لا بتوع لف و دوران زى معظم وكلاء التأمين.
انا متشكر اوي يا باشا والله...تعبتك معايااقتباس:
المشاركة الأصلية كتبت بواسطة meza
يا ريت يا جماعة اللي مأمن في اي شركة يقولي ايه نظامها برده
ولا تعب ولا حاجةاقتباس:
المشاركة الأصلية كتبت بواسطة fawzyyyy
و انا تحت أمرك لو إحتجت أى حاجة.
بسم الله الرحمن الرحيم
السلام عليكم
اخي الكريم
انا مأمن مع مع قناة السويس ..... النسبة 3.2% من تمن العربية (علشان عربيتي تقسيط)
وفي نظام تحمل وفي نظام بدون تحمل ... بس اللي بتحمل لقيته بيوفرلي فلوس بالنسبة للقسط بتاعها ....!!!
وانا عامل بتحمل بنسبة 4في الالف من قسط التأمين وعلشان كده عاملي خصم تحمل
وفي خصم برده مسئوليه مدنية برده
لكن لو مش عامل نسبة تحمل بتدفع القسط كامل
لو عايز تسأل علي حاجة معينة في الوثيقة قلي عليها وانا اقرهالك علي طول ... انا مش فاهم فيها اوي والله سامحني
روح مع وثاق للتأمين التكافلى ومتلفش كتير
لقراءة وثيقة مصر للتأمين و الإفادة ممكن الرجوع لمشاركتى التالية
http://www.nilemotors.net/Nile/192881-a.html
لا تنسونى من صالح دعواكم