انتصرت على الكلابش

**asbeats** · 21-12-2010 12:55 PM

المشاركة الأصلية كتبت بواسطة bedo13

كان في واحد قال على حل..
يكون معاك كلبش بتاعك ونركبه (يعني تكلبش عربيتك بنفسك) لو هتركن مخالف وتمشي .. هيجي الونش يلاقي العربية متكلبشة يسيبها ويمشي..
مش عارف ده صح ولا ايه؟؟

على حسب ما فهمت من حكايات الزملاء ان كل منطقة وليها الونش التابع للمرور الخاص بيها....وبالتالي اكيد هو عارف شكل الكلابش لأنه له عدة اشكال .... او اللي في الونش حاول يفك الكلبش عشان يسلم الوردية مثلا.... اعتقد الموضوع مش هايعدي بالساهل... مش كده؟؟؟

**mido51eg** · 21-12-2010 01:11 PM

المشاركة الأصلية كتبت بواسطة د.محمود صلاح

لو مخالفة انتظار في الممنوع ب 30 جنيه يبقى كده افضل من 131 جنيه .

لو مخالفة انتظار في الممنوع بتبقي 25 جنيه ودي دفعتها مرة في المطار. انما لو الضابط جاحد ممكن يعملهالك انتظار في الممنوع "وتعمد" تعطيل حركة المرور. خد بالك من كلمة "تعمد" ، ودي غرامتها باكو مقفول. ايوه انت قريت صح باكو يعني 1000 جنيه ودي انا خدتها مرتين ولقيتهم وانا بجدد رخصة العربية القديمة ... مخالفتين بألفين جنيه انتظار في الممنوع وتعمد تعطيل حركة المرور. لا والنبي حوش الأنسيابية في حركة المرور اللي انا عطلتها وخلتني استاهل الغرامتين دول!!!

**zaza_lanos** · 21-12-2010 04:24 PM

فكرة اصلى

**eletr** · 21-12-2010 04:51 PM

ما دي عهدة لازم ترجع كل يوم

**wesam_salom** · 21-12-2010 10:35 PM

المشاركة الأصلية كتبت بواسطة bedo13

كان في واحد قال على حل..
يكون معاك كلبش بتاعك ونركبه (يعني تكلبش عربيتك بنفسك) لو هتركن مخالف وتمشي .. هيجي الونش يلاقي العربية متكلبشة يسيبها ويمشي..
مش عارف ده صح ولا ايه؟؟

هههههههههههههههههه

ممكن الونش يفتكرها بتاعته وياخدها ويمشى

**Bishoy.Girgis** · 21-12-2010 10:58 PM

بصراحة تجربة هايلة و متشكر يا باشا علي المعلومة الجديدة ديه

**tamertamer** · 22-12-2010 04:03 AM

حضرتك هتدفع مخلفة كبيرة لما تجى هترخص وتقول يرتنى رحت دفعتها 320 ج

**mido_1311** · 22-12-2010 05:24 AM

المشاركة الأصلية كتبت بواسطة edbe

انا هاحكى عن موقف حصللى مع الكلابش..

المشاركة الأصلية كتبت بواسطة edbe

كان عندى مشوار لحد شارع المناصرة فى باب الخلق .. ونادرا لما كنت اروح هناك .. المكان زحمة جدا وكانت الساعة حوالى 8-9 بعد المغرب تقريبا .. ركنت عربيتى قرب مدخل المناصرة من شارع بورسعيد .. (فى الصف اللى قدام المحكمة) .. ودخلت أسال على الطلب بتاعى .. لمدة 20-25 دقيقة تقريبا ..

ارجع العربية ألاقى العربية مكلبشة .. و دى اول مرة تحصل ليا .. مكنتش عارف اروح فين ولا اعمل ايه !!
لاقيت من بعيد واحد صول ماسك اليوترن اللى قبل مديرية الامن .. قولتلله حصل كذا كذا .. اعمل ايه ؟؟
قاللى: الاول هتروح شارع الازهر تدور على نقطة الشرطة وتدفع غرامه الكلابش .. كام يا عم دى؟؟ .. 131 جم !! .. وتاخد الايصال ، وبعدها تقف ترجع تقف جنب عربيتك لحد ما الونش يعدى عليك يفك الكلابش.
انا جاللى ذهول .. امشى ادور على النقطة .. ادفع 131 وانا حتى مالحقتش اقف بالعربية .. وبعدها استنى لما الونش يعدى!!!!

قولت للصول مافيش حل للغرامة دى والعطلة دى .. دا العملية مش مستاهلة الفيلم الهابط ده ، فرد: هوا ده حلها .. وبعدين قاللى: هاقولك حاجة بس ولا كأنك سمعت حاجة منى!!
قولتله خير؟؟
قاللى: تروح تعمل اى مشوار وتغيب ساعتين تلاته .. قولت: ليه واشمعنى ؟!!
قاللى: هترجع تلاقى الكلابش اتفك
استغربت جدا وكان عندى مشوار فعلا ناحية السيد زينب فركبت تاكسى ورحت من غير العريبة.

وفعلا رجعت وانا ايدى على قلبى احسن ارجع مالقيش العربية خالص
ومن بعيد لاقيت العربية اطمنت .. وفعلا الكلابش اتفك
عرفت بعدها ان الونش ليه ميعاد لازم يعدى يفك الكلابش فى نهايه وقت خدمته ..

و دى كانت تجربتى ومش عارف هوا دا النظام علطول ولا جت معايا كدا!

والحمد لله لما كنت بجدد رخص ماكنش عندى مخالفات.

هو فعلا الونش بيعدي يلم الكلبشات تاني بس المخالفة اللي انت مدفعتهاش دي هتنزل عليك وهتلاقيها و انت بتجدد

**cyborg_ift** · 22-12-2010 09:50 AM

انت كده خدت مخالفة وإحمد ربنا انك ملقتش العربيه اترفعت في المرور

**zidaneelwaly** · 22-12-2010 03:13 PM

العربيه اتكلبشت في المنشيه ليه بقا
عشان كان فيه يافطه بتقول الركن موازي للرصيف
و كل العربيات ألي واقفه عمودي علي الرصيف و مكنش فيه غير المكان ده ألي اركن فيه فلاقيت حاره بين العربيات ركنت فيها عمودي و انا عارف انو كده غلط

رجعت لقيت الونش لسا بيكلبش حوالي 8 عربيات و بيركبوهم بسرعه غريبه الجهاز الانظار فضل يضرب و اقول للعسكري ما تكملشي قفليتها هادفع المخالفه يقولي ادفع الاول

دفعت 25 جنيه بس الكلام ده من سنتين و الظابط اداني وصل لتعليم قياده السيارات بالمحافظه و مكتوب 25 جنيه فهل يكون ضرب الفلوس في جيبه و لا الوصل مظبوط و ايه صيغه الوصل الاصلي

الموضوع: انتصرت على الكلابش

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ألي كل الاخوة الفيرناوية.. السيراتو انتصرت !

أظرف طريقة للتخلص من الكلابش والونش

لأول مرة وحصرياً .. انتصرت على المرور

لماذا انتصرت هوندا سيتي 2009 علي هؤلاء !!!

الكلمات الدلالية لهذا الموضوع

المفضلات

المفضلات

ضوابط المشاركة