الموضوع: سعر النترا 2010 بالمقارنة بسعر النترا 2011 فى امريكا

باشا... لو فى حاجة بترخص فى امريكا يبقى الموديل القديم مش الجديد, بيعملوا علية عروض علشان يخلصوا من المخزون...اما الموديل الجديد فبيكون علية طلب.

و بعدين يا سيدى بلاش امريكا و نروح كوريا, سعر الالنترا الجديدة هناك يبداء من 12,700 دولار ولما العربية اتسعرت هناك بالسعر دة الكل اتكلم ان السعر رخيص جدا و منافس جدا و غير متوقع!!!! سعر الالنترا 2011 الجديدة فى كوريا موجود فى الرابط دة فى اخر سطر:
http://motorimpress.com/hyundai/2011...s-elantra.html

ملحوظة الالنترا الموديل القديم فى امريكا و كوريا كان بردة فتيس 4 سرعات و الموديل الجديد فتيس 6 سرعات و ماتور gdi و السعر متقارب جدا بين المودلين و يكاد يكون نفس السعر.

الخلاصة المفروض سعر الالنترا الجديدة يكون نفس سعر السيراتو الجديدة ال 6 سرعات يعنى يبداء من 110 الف و اعلى فئة تكون بى 130 الف لو نفس كماليات اعلى فئة فى السيراتو.



كل الناس بتقول سعر الالنترا الجديد حيعدى علشان فاكرة انها حتنزل بالاوبشن اللى موجودة على النت, علشان كدة بيقولوا سعر اعلى فئة ممكن 150 الف او اكتر...طبعا الناس بتحلم و متخيلة انها حتنزل فيها:

• cruise contro
• wide cd touch screen with gps
• vehicle stability control
• 6 airbags
• bluetooth
• زينون و فوانيس LED
• كراسى كهرباء
• كاميرا خلفية و مرايات ضم كهرباء و مرايات تعتيم LED
• بالاضافة لجميع كماليات السيراتو الهاى لاين.
• .............
• و بلاش اتو بارك و بلاش سخانات كراسى امامية و خلفية و بلاش سنسور امامى و خليها علينا.

على العموم لو نزلت بالكماليات دى يبقى سعرها فعلا يستاهل يعدى ال 150 الف و 160 الف كمان يا سيدى اما لو نفس كماليات السيراتوا الهاى لاين فسعرها مفروض يكون اعلى فئة 130 الف. ودة مش فتوى منى و لكن دة بحسب تسعير العربية فى الخارج.

كلام حضرتك مظبوط بس فى حاجات حضرتك مش حاطتها فى حسابك

اولا سعر بيع الهيونداى اغلى من الكيا فى كل العربيات تقريبا فى مصر و بره حتى فى الخليج و امريكا بس الفرق مبيبقاش كبير , يعنى معتقدش ابدا ان الانترا الجديدة سعرها يبدا من 100 الف , ممكن تبدا مثلا من 109 ل 150 (لو هينزل الكاملة ) زى بره , بالماسبة الautopark و الحاجات دى مبتنزلش فى العالم كله تقريبا ماعدا فى كوريا , العربيات الكورى بتنزل فى كوريا بمواضفات خاصة , حتى السوناتا القديمة فى العالم كله مبتنزلش بمرايات بطى كهرباء ماعدا فى كوريا , اما موضوع الgps و الشاشة التاتش انى فى رايى الشخصى هينزل هنا فى مصر فى فئة هاى لاين ممكن تكون ب 150 فعلا , انما عموما سعر العربية هيكون مقارب لالسيراتو (اغلى بشوية بسيطة) .

حاجة تانية الفرق بين اسعار العربيات فى امريكا مش مقياس برده لان الكامرى بتبدا من 19000 و الكورولا من 15000 يعنى فرق 4000$ و شوية يعنى ميجيش 24 الف مصرى , امريكا حاجة و العالم كلة حاجة تانية , حتى فى اسعار اللبس و الاكل و الالكترونيات و العربيات و كله.

الخلاصة كلام حرضتك مظبوط 100% العربية مش هتزيد كتير بسبب سعر السيراتو (منافستها) دا اكيد بس برده فى امريكا حتى السيراتو ارخص منها و هى ارخص من الكورولا و العالم كله نفس الكلام فلازم هيكون الفرق هنا فى مصر نفس الكلام بس مش بنفس النسبة فى امريكا (السعر)