اه رأيكم فى الغلبان موتورز

**semsem7222** · 20-12-2010 07:05 PM

اه رأيكم فى الغلبان موتورز هو موزع معتمد لمنصور معلش لو كنت تقلتها عليكم شوية بس انا اول مرة اشترى زيرو واه الحاجات الى ممكن يتلعب فيها فى العربية فى المعرض معلش ياأستاذ باسم

**Bassem Raafat** · 20-12-2010 07:31 PM

إنت تأمرنى يا سمسم .

بص يا سيدى ، أنا معرفش الغلبان موتورز بصراحه .

وزى ما قولتلك أنا معرفش حد سمعته نضيفه غير منصور نفسه أو ياسين ، وأكيد فى معارض كتير محترمه برضه بس للأسف أنا معرفهاش .

ولما جيت أشترى لاقيت إن سعر الأوبترا فى منصور 92000 جنيه وممكن ألاقيها بره فى معارض تانيه بـ 89000 جنيه .. يعنى بفرق 3000 جنيه ... لاقيت حد أعرفه نصحنى وقالى " إللى خلاك تدفع الفلوس دى كلها يبقى مجاتش على 3000 جنيه زياده وتشتريها من عند منصور بس تبقى ضامن العربيه 100 % وأهو كمان تحمى الـ 92000 جنيه بتوعك بالـ 3000 جنيه دول "

**semsem7222** · 20-12-2010 07:41 PM

شكرا على الرد كلام مقنع بس ياترى التسليم فورى والافراج الجمركى مع التسليم فى منصور او ياسين على فكرة انا اسمى حسام

**Bassem Raafat** · 20-12-2010 08:21 PM

لما جيت أشترى من منصور إدانى خيارين :

1 . يا إما أدفع عربون ( من ألفين لخمسه ) وأستلم العربيه بعد 48 ساعه وأدفع باقى الفلوس ساعة الإستلام ، وأستلم الورق بتاعها بعد 48 ساعه .... يعنى 4 أيام تقريباً .

2 . يا إما أدفع كل المبلغ وأستلم العربيه بورقها بعد 48 ساعه .

وأنا أخترت الإختيار التانى لسبب ... إن ماكنتش عايز أمشى بالعربيه وأركنها لمدة يومين من غير نمر .

بس إستلمتها بعدها بـ 3 أيام مش إتنين علشان كنت مستنى اللون السيلفر وكان ناقص ساعتها .

وبيتهيألى ياسين حيكون عنده نفس النظام بالظبط ، مع ملاحظة إنه ممكن ينزلك فى سعر العربيه حوالى 1000 جنيه .

المشاركة الأصلية كتبت بواسطة semsem7222

على فكرة انا اسمى حسام

يا أهلاً بيك يا عم حسام وبجد إتشرفت بالكلام معاك .

**mhmdalsaadany** · 20-12-2010 09:10 PM

اتكل علي الله يا حسام باشا وهتها من ابوها منصور وريح بالك واضمن فلوسك عشان النعارض الاعيبهم كتير دي نصيحه اخ وزي ما الحريف قالك بالظبط احمي فلوسك ب 3000 جنيه وانت الكسبان

**semsem7222** · 20-12-2010 09:28 PM

شكرا على الردود ياجماعة بجد تسلموا على المعلومات دى وشكر خاص للاستاذ باسم واتمنى نتقابل

**Bassem Raafat** · 20-12-2010 09:43 PM

يا باشا العفو ، ويا ريت نشوفك فى مقابلتنا ، ومتنساش تعملنا تقرير مفصل لما تستلم العربيه ، ومبرووووووووك مقدماً .

**medociv** · 21-12-2010 02:49 PM

هو فين ياسين ده وهل هو شغال اوبترا بس ولا كل الانواع؟؟

**Bassem Raafat** · 21-12-2010 03:41 PM

المشاركة الأصلية كتبت بواسطة medociv

هو فين ياسين ده وهل هو شغال اوبترا بس ولا كل الانواع؟؟

ياسين ... آخر شارع جوزيف تيتو ( طريق السندباد ) ... شغال فى الشيفروليه والأوبل .
ياسين ... شارع محمد فريد ( مصر الجديده ) ... شغال فى الـ bmw .

الموضوع: اه رأيكم فى الغلبان موتورز

LinkBack

أدوات الموضوع

عرض

-

-

-

-

-

المواضيع المتشابهه

ايه رأيكم فى المحمل موتورز

ايه رأيكم يا جماعة الميكانيكيون العرب ولا فرنش موتورز

بطولة نايل موتورز للكرة الخماسية (اقتراح ايه رأيكم)

محتاج رأيكم- مودرن موتورز الهايكستيب وللا السبع

الكلمات الدلالية لهذا الموضوع

المفضلات

المفضلات

ضوابط المشاركة